Lucas 16:1 - Kashibo-Kakataibo Biblia

¹ Jesusan ca aín ꞌunánmicë unicama ësaquinribi cacëxa: —Ësa ca. Ñuñu uni achúshinën ca aín uni achúshi aín ñua upí oquin bërúanun quixun caxa. Canbi ca uni itsin ami manánquin, an a uni ñu mëëmicë uni caxa: Min unin ca min ñu bërúanquinma nëtë́mia quixun.

Nukën 'Ibu Diosan ain unikama 'inan ain bana

¹ Jesusan ca aín 'unánmicë unicama ësaquinribi cacëxa: —Ësa ca. Ñuñu uni achúshinën ca aín uni achúshi aín ñua upí oquin bërúanun quixun caxa. Canbi ca uni itsin ami manánquin, an a uni ñu mëëmicë uni caxa: Min unin ca min ñu bërúanquinma nëtë́mia quixun.

Lucas 16:1 Iomraidhean Croise

Génesis 15:2

ꞌAínbi ka Abramnën kakëxa: —ꞌËn ꞌIbu ꞌimainun ꞌën Dios, ¿uisa karana minmi ñu ꞌinánkëxun, ñankáishibi bixun ꞌati ꞌain, minbi kamina ꞌëx kana achúshi bëchikëñumabi ꞌai kixun ꞌunanin minbi kamina achúshi bëchikëbi ꞌë ꞌinankëma ꞌain? Usa ꞌain ka kamabi ꞌën ñukama an biti Eliézer Damasconu ꞌikë uni ꞌën kaniokë, an ꞌëx ñukëbëtan ꞌën kasunania ñukama biti ꞌikën.

Génesis 43:19

Usa ꞌain ka nukuti aín xubu xëputi ꞌurama oí a rapasu kuani nirakëkin an ñu bërúankë uni abë banakin.

Oseas 2:8

Aínbi ka xanun ꞌëx kana an ñu ꞌinánkin trigo, uvas baka vino ꞌakë xëni akama pishínmikinma ꞌinánkëxunbi ꞌën ꞌinánkë ka ax ꞌikë kixun ꞌunánma ꞌikën; ꞌën manë uxua ꞌimainun kuri akama cha ꞌinun ꞌinánkëxunbi ka a rabinuxun ñukama tankin uniokëxa.

Mateo 20:8

Usa ꞌain ca ñantánbucëbëtan cuënxun naë ꞌibun aín uni caxa: An ꞌë ñu mëëxuncë unicama cuëntancëxun camina camabi cupíoti ꞌain. Axa tsiáncuatsini ucë uni acama pain camina cupíoti ꞌain. Usotancëxun camina raíri unicamaribi cupíotancëxun axa bëráma upuncë unicamaribishi cupíoti ꞌain.

Lucas 12:42

Cacëxun ca ësoquinribi Jesusan cacëxa: —Ënëx ca ësaribi ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca, an ca asérabi ꞌën cacësabi oquin ꞌati ꞌicë, quixun sinánxa. Sinánquin usoquin ñu ꞌanun quixun catancëx ca bëtsi menu cuanxa.

Lucas 15:13

ꞌInáncëx ca ꞌitsamashi nëtë ꞌicëbë aín ꞌanácanëx aín ñucamacëñun aín curíqui mëníobiani ꞌura ꞌicë menu ꞌi cuanxa. Cuanxun ca upí oquin sinanima aín cuëëncësari ꞌianan anun bëtsi bëtsi ñu ꞌaisama ꞌaquin, camaishi aín curíqui cëñuaxa.

Lucas 15:30

Usa ꞌixunbi camina an min curíquicama xanu ꞌaisamabë ꞌiquin cëñucë min bëchicë ënë́xa uan vaca bacë rëracacë rëmian.

Lucas 16:19

Jesusan ca ësaquinribi cacëxa: —Ënëx ca ësa ꞌicën. Achúshi uni ñuñuira ꞌaish chupa upíira upí minanën pucucësa ꞌimainun xapu ꞌacësa pañucë ꞌianan ꞌaisamaira piti upíira upíñu ꞌixun camabi nëtën upí oquin pucháquin picë ꞌiacëxa.

Lucas 16:2

Cacëxun cuatancëxuan unun quixun camicëxa ucë ca an a ñu mëëmicë unin aín uni caxa: Mimi ca uni manania. ¿Uisa cupí cara usa ꞌic? Cana mi chiquínti ꞌain. Cuanuxun camina anumi ꞌën mi bërúanxunun cacë ꞌën ñucama cuënëocë quiricacama ꞌë bëxúnti ꞌain.

Lucas 19:20

Cacëbë uquin ca bëtsínribi caxa: Mixmi unimi nishcësa ꞌicë cana mi ꞌunan. Uni itsin ñu ꞌapámitancëxun camina a bimi mináinshi ꞌinun min unicama bimin. Usa ꞌain cana mimi racuë́quin, pañunan rabúnxun, min curíqui ami ꞌë ꞌináncë, a nan. A cënë ꞌicën.

Lucas 8:3

a ꞌimainun Juana, Chuza, an Herodes ꞌaquincë uni aín xanu, a ꞌimainun Susana, acama ꞌimainun an Jesús ñu ꞌinánquin ꞌaquincë xanu raíriribi ꞌiacëxa.

Tito 1:7

Usa ꞌicëmi mitsun caíscë unicaman ca atun cushi ꞌixun aín unicama Nucën Papa Dios cuëëncësabi oquin bërúanti ꞌicën. Usa ꞌaish ca upí ñuishi ꞌai —ñu ꞌaisama ca ꞌaia —quixuan unin ñuicëma ꞌiti ꞌicën. ꞌIanan ca bëtsi uni ñuuma ca quixun sinánquin ashi ñu ꞌaxunun cacë ꞌitima ꞌicën. ꞌIanan ca bënëtishi masáquin sinani nishtima ꞌicën. ꞌIanan ca paë́ntima ꞌicën. ꞌIanan ca unibë mëëananti sinánñu ꞌitima ꞌicën. ꞌIanan ca curíquiñu ꞌinuxun uni paránti sinántima ꞌicën.

Santiago 4:3

Ñucáquinbi camina ami ñucácë ñu a bitsiman, ax cuëëncësabi oquinmami mitsux cuëëncësa oquinshi Nucën Papa Dios ñucácë cupí.

1 Pedro 4:10

Mitsúnmi raíri uni ꞌaquinun ca Nucën Papa Diosan uisa ñu caramina ꞌati ꞌai quixun mitsu ꞌimia. Usa ꞌain camina Nucën Papa Diosan mitsu achúshi achúshi bëtsi bëtsi ñu mëëti ꞌanun ꞌimicë ꞌixun mitsun ñu mëëti upí oquin ꞌati ꞌain.