Lucas 15:17 - Kashibo-Kakataibo Biblia

¹⁷ Piti, chupa, ñuñuma ꞌaish sináncasmatancëx sinanaquin ca sinánxa: ꞌItsaira ca ꞌën papan ñu mëëmicë uni ꞌicën. ꞌItsa ꞌixunbi ca a piti ñua ꞌitsaira ꞌicë atun pucháquin piia. Piti ꞌitsanuxuan atun pucháquin pimainun cana ꞌëx ënuax ꞌacëñuma bamain.

Nukën 'Ibu Diosan ain unikama 'inan ain bana

¹⁷ Piti, chupa, ñuñuma 'aish sináncasmatancëx sinanaquin ca sinánxa: 'Itsaira ca 'ën papan ñu mëëmicë uni 'icën. 'Itsa 'ixunbi ca a piti ñua 'itsaira 'icë atun pucháquin piia. Piti 'itsanuxuan atun pucháquin pimainun cana 'ëx ënuax 'acëñuma bamain.

Lucas 15:17 Iomraidhean Croise

Salmos 73:20

Uínsaran kaina mix Nukën ꞌIbu ꞌaish uníxa aín ꞌuxkënuax bësukin aín namákë manukësa usakin, atun ñu ꞌakëkama a timati ꞌain.

Jeremías 31:19

ꞌËx kana mi rabiti ëanx mix kikësokin ꞌaíma mi ꞌura ꞌikësa ꞌian, ꞌaínbi kana ꞌën ñu ꞌakëkama ëni mimi sinántëkëan; usai ꞌikin kana ꞌën ꞌakë ꞌuchakama a mi ñuixua, usai ꞌi kana ꞌën kisinu kítimëti ꞌian; usai ꞌi kana katë́kësa ꞌianan ñuumasara tan, ꞌën bëná ꞌixun ꞌá ꞌuchakama sinani kana usai ꞌian.

Ezequiel 18:28

Usai ꞌika ꞌën kakësabiokin ꞌën bana kuakin, an ꞌakë ꞌatima ñukama ëni, asérabi upiti tsóti ñutima ꞌikën.

Oseas 2:7

Usai ꞌikin ka ꞌain mërati ꞌikë unikama nuiti ꞌikën, ꞌaínbi ka nukutima ꞌikën; ꞌianan ka barikinbi mëratima ꞌikën. Usakin mërakima tani ka kiti ꞌikën: Ax paían ꞌën bënë ꞌia uni anubi kana kuantëkënti ꞌain, abë kana bërí ꞌëx ꞌikësamai upiti tsóakën.

Lucas 15:16

Cacëxun ñu mëëxunibi pananquian cuchin piti abi piisa taniabi ca uinu ꞌicë unínbi piti ꞌináncëma ꞌicën.

Lucas 16:23

Usa ꞌixun ca a ñuñu unin anua uni ꞌaisamaira paë tani tëmërati anu ꞌixun ꞌuracëo Abrahamcëñun Lázaro isacëxa.

Lucas 8:35

Ñuixunquian chanioia cuati ca uisai cara a ñucama ꞌiaxa quixun isi riquiancëxa. Riquiani Jesúsnu cuanx uxun ca a uni anuax ꞌaisamaira ñunshin ꞌatima chiquícë a an isásama ꞌaish, chupa pañuax sinan mëníñushi ꞌaish, Jesús tanáin tsócë isacëxa. Usa ꞌicë a uni isi ca racuë́cancëxa.

Hechos 12:11

Nëtë́cëbë ca upí oquin sinani Pedro quiacëxa: —Asérabi cana bërí ꞌunanin, judíos unicamax cuëëncësabi oquian Heródesnën ꞌë ꞌati ꞌicëbi ca aín ángel xuquin Nucën ꞌIbu Diosan ꞌë ië́miaxa —quixun.

Hechos 2:37

Ësoquian cacëxun cuati —ꞌatimabi cananuna ꞌa —quixun sinani ratúquin ca Pedrocëñun abëa ꞌicë unicama ñucáquin cacancëxa: —ꞌËn xucë́antu, ꞌatimabi cananuna usoquin a ꞌan. ¿Upí ꞌinux caranuna bërí uisai ꞌiti ꞌain?

Efesios 5:14

Usa ꞌain ca ësai Nucën Papa Diosan bana cuënëo quia: ꞌUxcësa ꞌaíshbi bësucësa ꞌinux ca Cristomi catamët. Ainanma ꞌaish min ꞌucha cupí bamacësa ꞌaíshbi ca Cristomi catamëti ië́t. Usa ꞌicë ca min ñu ꞌaisama ꞌacëcama ëmianan mix asaribi upí ꞌinun ꞌimiti ꞌicën.