Lucas 15:15 - Kashibo-Kakataibo Biblia

¹⁵ Usa ꞌaish ca a nëtënu ꞌicë cuchiñu uni a ñu mëëxunuxun ñucati cuanxa. Cuanxuan ñucácëxun ca aín cuchia pastonuxun bërúanun quixun caxa.

Nukën 'Ibu Diosan ain unikama 'inan ain bana

¹⁵ Usa 'aish ca a nëtënu 'icë cuchiñu uni a ñu mëëxunuxun ñucati cuanxa. Cuanxuan ñucácëxun ca aín cuchia pastonuxun bërúanun quixun caxa.

Lucas 15:15 Iomraidhean Croise

Éxodo 10:3

Usa ꞌain ka Moisés ꞌimainun Aarónën anu kuanxun ꞌapu faraón kakëxa: —Ësai ka hebreos unikaman Dios kiaxa: ¿Uínsaran kaina ꞌëx kana Diosmi rakuë́timami kikë a ëni ꞌëmi rakuë́ti ꞌain? ꞌËn unikama kamina, ꞌë rabi kuantanun xuti ꞌain;

Isaías 1:5

Mitsux kamina uisaxun ñu ꞌatima ꞌati kara kixun sinani kushi kananin, usa ꞌain ka mitsun nami anu ꞌatima oti ꞌaíma ꞌikën. Usa ꞌain ka aín maxkánuribi ankëti chankukë ꞌaish, an ꞌimikëx kushiñuma ꞌikën.

Malaquías 2:9

Usa ꞌaínbi kamina mitsun ꞌën kakësabiokin ꞌakëma ꞌain, ꞌimainun kamina ꞌën bana ꞌunámikin bëtsi uni ꞌakësaribi okin, kamabi atu sënë́nbi ꞌunánmi kikëma ꞌain, usa ꞌain kana ꞌënribi kamabi unikaman mitsu timakin ꞌatima onun ꞌamiti ꞌain. Kiax ka kamabi kushiñu Dios ax kiaxa.

Mateo 7:6

An Nucën Papa Dios timaquin aín bana cuaisama tancë uni camina ꞌën mitsu cacë banacama ñuixuntima ꞌain, ñuixuncëxbia atux Nucën Papa Dios ꞌusani ami ꞌatimati banai mitsumi nishquin mitsu ꞌatimoti rabanan. Usa unicamax ca an ñu upí pimicëxunbia uni ꞌuchítinën ami nishquin picësaribi ꞌicën. ꞌIanan ca unían aín cënënu niia cuchin ꞌaisamaira cupícë ñu a amáquin chuoórucësa ꞌicën.

Lucas 15:13

ꞌInáncëx ca ꞌitsamashi nëtë ꞌicëbë aín ꞌanácanëx aín ñucamacëñun aín curíqui mëníobiani ꞌura ꞌicë menu ꞌi cuanxa. Cuanxun ca upí oquin sinanima aín cuëëncësari ꞌianan anun bëtsi bëtsi ñu ꞌaisama ꞌaquin, camaishi aín curíqui cëñuaxa.

Lucas 15:14

Usoquin cëñutancëx ca, a nëtënu ꞌicë unicamax a piti ñuñuma ꞌaish panancëbë, a bëná uníxribi panancëxa.

Lucas 15:16

Cacëxun ñu mëëxunibi pananquian cuchin piti abi piisa taniabi ca uinu ꞌicë unínbi piti ꞌináncëma ꞌicën.

Romanos 6:22

Mitsúnmi ñu ꞌatima ꞌatëcënxunma ꞌanun Nucën Papa Diosan ꞌimicë ꞌixun camina ax cuëëncësabi oquin ꞌain. Usoquin ꞌaia ca Nucën Papa Diosan mitsu an iscëxmi upí ꞌinun ꞌimia. ꞌImianan ca nëtë́timoimi abë ꞌinun mitsu ꞌimia.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.