Lucas 15:10 - Kashibo-Kakataibo Biblia

¹⁰ ꞌËn cana mitsu cain, usaribiti ca achúshi uníxa ꞌaisama ꞌaíshbi sinanati Nucën Papa Diosmi sináncëbë aín ángelcamax cuëënia.

Nukën 'Ibu Diosan ain unikama 'inan ain bana

¹⁰ 'Ën cana mitsu cain, usaribiti ca achúshi uníxa 'aisama 'aíshbi sinanati Nucën Papa Diosmi sináncëbë aín ángelcamax cuëënia.

Lucas 15:10 Iomraidhean Croise

Ezequiel 18:23

ꞌËx kana an ñu ꞌatima ꞌakë uni ax ñuti kuëënima, usa ꞌain ka an ꞌakë ñu ꞌatimakama ëntankëx upitax tsóti ꞌikën. ꞌËx Dios ꞌaish kana ësai kin.

Ezequiel 18:32

ꞌëx uibi bamati kuëënkëbëmabi bamati ꞌik? Usa ꞌain kamina ñu ꞌatima ꞌakëkama ëni upiti tsókanti ꞌain. ꞌËx Dios ꞌaish kana ësai kin.”

Ezequiel 33:11

Usa ꞌaínbi kana ꞌëx Dios ꞌaish atun tsóti ñui ësai kin, ꞌatima sinánñu unikama ñuti kana ꞌëx kuëëniman usa ꞌain ka atun ꞌakë ñu ëni upitax tsóti ꞌikën. Israel unikama ꞌatima ñu ꞌaimi tsókankë akamina ënti ꞌain. ¿Uisa ꞌaish kara usakin ñu ꞌai ñukanti ꞌik?

Mateo 10:32

Ësaquinribi ca Jesusan aín ꞌunánmicë unicama cacëxa: —Axa an ꞌën bana cuacëma unicaman cuanun ꞌë ñui, —ꞌëx cana Jesusan uni ꞌain —quicë uni a ñuiquin cana ꞌënribi, —ax ca ꞌën uni ꞌicë —quixun ꞌën Papa Dios naínu ꞌicë a cati ꞌain.

Mateo 18:10

ꞌËn unicamax ca tuáratsusa ꞌaish ñuuma ꞌicë quixun camina sinántima ꞌain. ꞌËn cana mitsu cain, ca ñuumama ꞌicën. An a bërúancë ángelcamax ca Nucën Papa Diosbëbi ꞌicën.

Mateo 18:14

Usaribiti ca mitsun Papa Dios naínu ꞌicë ax aín unicama achúshiratsunënbia a ënti cuëënima.

Lucas 12:8

Ësaquinribi ca Jesusan cacëxa: —ꞌËn cana mitsu cain, axa an ꞌën bana cuacëma unicaman cuanun ꞌë ñui —ꞌëx cana Jesusan uni ꞌai —quicë uni, a ñuiquin cana, uni ꞌinux anuax uá ꞌën, aín ángelcaman cuamainun, Nucën Papa Dios —ax ca ꞌën uni ꞌicë —quixun cati ꞌain.

Lucas 12:9

Usa ꞌaínbi cana axa ꞌëmi rabini —ꞌëx cana Jesusan unima ꞌai —quicë uni a ñuiquin aín ángelcaman cuamainun —ax ca ꞌën unima ꞌicë —quixun Nucën Papa Dios cati ꞌain.

Lucas 13:5

ꞌËn cana mitsu cain, ca usama ꞌicën. Mitsúxribi mitsun ꞌucha ëni ꞌëmi sinanacëma ꞌaish camina atúxa ꞌicësaribiti bamai cëñúcë ꞌiti ꞌain.

Lucas 15:11

Ësaquinribi ca Jesusan cacëxa: —Ënëx ca ësaribi ꞌicën. —Achúshi unix ca rabë́ bëchicëñu ꞌiaxa.

Lucas 15:7

Asérabi cana ꞌën mitsu cain, achúshi uníxa sinanati ami sináncëbë ca Nucën Papa Dios ꞌimainun aín ángelcamaxribi cuëënia. Usa ꞌaish ca noventa y nueve uni an —ꞌëxbi cana asábi ꞌai —quixun sináncë acama isía cuëëncësamaira oi achúshinëxa ꞌaisama ꞌaíshbi sinanati ami catamëtia isi Nucën Papa Dios cuëënia.

Lucas 15:9

Barixun mëraquin ca axa abë nuibanancë xanucama ꞌimainun axa a rapasu ꞌicë xanucama timëtancëxun cati ꞌicën, —ꞌën curíqui nëtë́cë cana mëran. Usa ꞌain cananuna cuëënti ꞌain.

Lucas 7:47

Usa ꞌain cana mi cain, an ꞌitsaira ꞌë nuibatia isquin camina ꞌunánti ꞌain, aín ꞌucha ꞌitsaira ꞌaíshbi ca tërë́ncë ꞌicë quixun. An, ꞌën ꞌucha ca ꞌitsamashi ꞌicë quixun sináncë uni, ax ca aín ꞌucha tërë́ncë ꞌaíshbi ꞌitsamashi ꞌë nuibatia.

Hechos 11:18

Ësaquin Pedronën ñuia cuati ca a ñu catëcënima Nucën Papa Dios rabi quiacëxa: —Bërí cananuna ꞌunanin, judíos unishima, judíosma unicamaribi ca Nucën Papa Diosan ꞌatimaquin sináncë ꞌaíshbi Jesucristomi catamëtia xënibua ꞌaínbi ainan ꞌinun sinanamia —quixun.

Hechos 5:19

Usocëbi ca Nucën ꞌIbu Diosan xucëx, imë́ uxun, aín ángel achúshinën sipu xëócaxun chiquínquin cacëxa:

2 Corintios 7:10

Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.

Filemón 1:15

Ënanantëcëntimoi mibë ꞌiti cupí sapi ca Onésimonën mi ëanxa.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.