Lucas 14:11 - Kashibo-Kakataibo Biblia

¹¹ Usaribi oquin ca anbia rabíquin —ꞌëx cana cha ꞌai —quixun sináncë uni a Nucën Papa Diosan aín uni itsicamabëtan sënë́nmara ꞌimiti ꞌicën. ꞌImainun ca cha ꞌiti sinani rabícëma uni, a cuni Nucën Papa Diosan cha ꞌimiti ꞌicën.

Nukën 'Ibu Diosan ain unikama 'inan ain bana

¹¹ Usaribi oquin ca anbia rabíquin —'ëx cana cha 'ai —quixun sináncë uni a Nucën Papa Diosan aín uni itsicamabëtan sënë́nmara 'imiti 'icën. 'Imainun ca cha 'iti sinani rabícëma uni, a cuni Nucën Papa Diosan cha 'imiti 'icën.

Lucas 14:11 Iomraidhean Croise

2 Samuel 22:28

Min kamina axa ꞌakinsa unikama ashi ië́nun ꞌakinin, ꞌaínbi kamina uix kara këruti banaia a unikaman sinan ꞌunánkin ꞌaisama min isin.

Mateo 23:12

Anbia rabíquin —ꞌëx cana cha ꞌai —quixun sináncë uni a ca Nucën Papa Diosan aín uni raíribë sënë́nmara ꞌimiti ꞌicën. Usonan ca cha ꞌiti sinania ax rabícëma uni a cuni Nucën Papa Diosan cha ꞌimiti ꞌicën.

Lucas 1:51

Cushiira ꞌixun ca an unin ꞌacëma ñu ꞌaxa. Axa —ꞌëx cana uni itsisamaira ꞌai —quixun sinani rabícë unicama ca an ñuuma ꞌimiaxa.

Lucas 1:52

ꞌImianan ca ꞌapucamaribi ꞌapuma ꞌinun meu onan axa meu ꞌicë unicamaribi meuma ꞌinun ꞌimiaxa.

Lucas 14:12

Catancëxun ca an a camicë uni Jesusan cacëxa: —Unicama pi unun camiquin camina axa mibë nuibanancë unicama ꞌimainun min xucë́antu ꞌimainun min aintsi ꞌibucama ꞌimainun ñuñu uni, acamaishi camitima ꞌain. Usa unicaman bëtsi nëtën miribi pi unun camicë ꞌaíshmi atubë cuëëniabi ca Nucën Papa Diosan mi upí isima.

Lucas 18:14

Usa ꞌain cana mitsu cain, fariseo unima, bëtsi uni a usaquin cacëxun aín ꞌuchacama tërë́ncë, ax ca aín xubunu cuani Nucën Papa Diosan iscëx upí ꞌiaxa. Usaribiquin ca an rabíquin —ꞌëx cana bëtsi unibëtan sënë́nma ꞌai —quixun sináncë uni a Nucën Papa Diosan aín uni raíribëtan sënë́nmara ꞌimiti ꞌicën. ꞌImainun ca axa rabícëma uni a cuni Nucën Papa Diosan cha ꞌimiti ꞌicën.

Santiago 1:9

Uicamax cara unían —ñuumara ca —quixun iscë ꞌiaxbi Jesucristomi catamëtia, Nucën Papa Diosan ꞌaquincëx bëráma ꞌiásama ꞌicë, ax ca cuëënti ꞌicën.

Santiago 4:10

—ꞌËx cana an iscëx ꞌaisamaira ꞌuchañu ꞌai —quixun sinánquinmi cacëxun ca Nucën ꞌIbu Jesucristonën mitsun ꞌuchacama tërë́nquin upíira ꞌaíshmi cuëënun mitsu ꞌimiti ꞌicën.

Santiago 4:6

An nu sinánmicë ñuishi nun ꞌanun ca Nucën Papa Diosan nu ꞌaquintancëxun nuibaquin nua ꞌaquincë usamaira oquin ꞌaquintëcënia. Usa ꞌain ca aín bana ësai quia: “Nucën Papa Diosan ca axa rabícë unicama a timanan axa —ꞌëx cana usa ꞌai —quiax rabícëma unicama nuibaquin ꞌaquinia”.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

1 Pedro 5:6

Usa ꞌain camina aín bana timaima uisa ñu cara ꞌicëbëbi bënëtima Nucën Papa Dios ꞌApuira ami catamëti ꞌain. Usaími ꞌia ca an anúan ꞌati nëtë ucëbëtan uisai cara ꞌiquin tëmëracë ꞌaíshbimi usai ꞌicëmasa ꞌianan asábiira ꞌinun mitsu ꞌimiti ꞌicën.

1 Samuel 15:17

Usa ꞌain ka Samuelnën kakëxa: —Minbi kamina ꞌapu ꞌisama ꞌixun ꞌëx kana añubi ꞌisama ꞌai kixun sinánkën, ꞌaínbi kamina bërí israel unibunën ꞌapu ꞌain, usaími ꞌinun ka Nukën ꞌIbun mi ꞌimiaxa.