Lucas 13:34 - Kashibo-Kakataibo Biblia

³⁴ Ësaquinribi ca Jesusan cacëxa: —Jerusalénu ꞌicë unicama, mitsu cana cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

Nukën 'Ibu Diosan ain unikama 'inan ain bana

³⁴ Ësaquinribi ca Jesusan cacëxa: —Jerusalénu 'icë unicama, mitsu cana cain, mitsux camina an Nucën Papa Dios quicë bana uni ñuixuncë unicama 'anan a an aín bana ñuixunun xucë unicamaribi maxaxan 'á, mitsun raracama axa 'iásaribi 'ain. ¿Uitishi oquin carana mitsu nuibaquin bërúanquin 'aquinsa tan? 'Atapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin 'aquinsa tan. 'Aquinsa tancëxbi camina mitsux cuëëncëma 'ain.

Lucas 13:34 Iomraidhean Croise

Nehemías 9:26

Usokinmi min ꞌakinkëxbi ka min kakësokinshi ꞌaíma a tanti bana kuaisama tani ꞌikankëxa. ꞌAnan ka an min bana ñuikë unikamaribi, mimia sinánun kakëxunbi kuaisatankin, kamaxunbi kuamainun mimisa ꞌatimai banaxa kixun këmëkin ꞌuchoxun rëkankëxa.

Nehemías 9:30

Usaia ꞌitsa baritia ꞌiabi kamina atu munu nuibakin min bëru ñunshin ꞌimainun; an min bana ñuikë unikaman usai kamina tëmërakanuxun ꞌai kixun kakëxa, kakëxunbi kuaisama tankën, usai ꞌia kana ami nishkë unikama bëtsi menu ꞌikë unikaman atu ꞌatimonun ëankën.

Salmos 91:4

usakin ꞌanan ka anbi mi ñuina pëchiñusa ꞌixun aín pëchin bërúankëx kamina uisaibi ꞌima upí ꞌiti ꞌain. ¡Usa ꞌain ka an mi bërúankë ax manë parámi mix katamëkësa ꞌinun mi ꞌimiti ꞌikën!

Isaías 30:15

Usa ꞌain ka Israelkaman ꞌIbu upíira ax ësai kia: “ꞌËn bana kikësokin ꞌatëkëni kamina mitsux uínbi ubíokëma upiti bukui ië́kë ꞌiti ꞌain. Usa ꞌain kamina uínbi ubiokëma bukui ꞌëmi katamëti kushiñu ꞌikanti ꞌain.” ꞌAínbi kamina mitsun ꞌën kakëxunbi kuëënkáma ꞌain,

Isaías 50:2

¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Jeremías 26:23

xukëx kuanxun ka Egipto menua bitsínkin bëxun ꞌapu Joaquím a Urías ꞌinánkëxa, ꞌinánkëxun ka Joaquímnën, ꞌatankëxun anu uni ñuñumakama maínti ꞌakë anu maínun unikama ꞌamiakëxa.

Jeremías 6:16

Nukën ꞌIbun ka ꞌain unikama ësakin kakëxa: Bainu nirakëxun isi kamina, uisai kara mitsun chaitiokëkama ꞌën ꞌinánkë ꞌën bana ꞌai tsóakëxa kiax ñukákananti ꞌain, uisai kara uni upitax tsóti ꞌikë kiax; usakin ꞌai kamina a ꞌunánkin ax kikësokin ꞌai ꞌupitax tsókanti ꞌain. ꞌAínbi ka atux kia: Nux kananuna usai i tsótisama tanin.

Oseas 11:2

ꞌaínbi ka usakin kuënkëxi, ꞌatiaira ꞌëmi ꞌurakankëxa. Usai ꞌikin ka ꞌën unikaman këmëkinshia rabikë dioskama a ñuina xaroxuankëxa, usakin ꞌanan ka sanuira ro aribi ñu tankin ꞌakëkama a xaroxuankëxa.

Oseas 11:7

ꞌËn unikama ka bëtsi ñuishi ꞌai ꞌë ꞌura ꞌia; usa ꞌixun ka bëtsi dioskamaishi nuikin ꞌë ënkanxa; usa ꞌixun kamina ax isa ꞌësamaira kushi ꞌikë kixun sinánkanin, ꞌaínbi ka an mitsu ꞌakintima ꞌikën.

Joel 2:23

¡Axa Jerusalén kakë ꞌikëbi Sión kakëribi ëmanu tsókë unikama mitsux kamina kuëënkanti ꞌain, usai ꞌi kamina Diosmiribi sinani kuëënkanti ꞌain! An ka bëráma ꞌasabiokin anúan ꞌibúti nëtë ꞌikëbëtan ꞌuñe ꞌibúmiaxa, a ꞌuñe ka mitañu ꞌianan anun ñu ꞌapákëxa pëkëtia biti ꞌuxë anun ꞌasaribiokin ꞌibúmikë ꞌiti ꞌikën.

Mateo 22:3

Sinánxun ca piti ꞌitsaira ꞌamimainuan camabi unin pi unun catánun quixun aín uni raíri xuaxa. Xucëx cuanxuan cacëxbi ca a cacë unicama uinu ꞌicë uníxbi uisama tanxa.

Mateo 22:6

Raírinën ca ꞌapúan ñu mëëmicë uni cuaniabi bixun mëëquin tënánquin rëaxa.

Lucas 15:28

Usaquian cacëxun cuati nishi ꞌatimaquin sinani ca xubunu atsíntisama tanxa. Usai ꞌicëbë uquin ca aín papan cuënquin atsínun quixun caxa.

Lucas 23:28

Usai ꞌia cuati cuainacëquin ca Jesusan atu cacëxa: —Jerusalénu ꞌicë xanucama, ꞌë sinani bëunan mëscuti rarumaxma ca ꞌit. Mitsu ꞌimainun mitsun tuácamashi sinani camina bëunan mëscuti inti ꞌain.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

Hechos 7:59

Maxaxan ꞌacëxun ca Estebanën Nucën ꞌIbu Jesús cacëxa: —ꞌËn ꞌIbu Jesús, mibë ꞌinun ca ꞌë bit.

Hechos 8:1

Usa ꞌain ca Saulonën Esteban bamacëbëtan —usoquin ꞌati ca asábi ꞌicë —quixun sináncëxa. Usoquian Esteban ꞌacáncë ca an Nucën Papa Diosan bana cuacë uni raírinën masá nuituti inquin Esteban bibianquin buánxun maíancëxa. Esteban usoquin rëtancëx atumi nishi tsuáquiruquin ca Jerusalénuaxa ax Jesucristomi catamëcë unicama bëtsi bëtsi ocancëxa. Usaira ocancëx ca tsuáqui Judea me ꞌimainun Samaria mecamanuribi cuanan bëtsi bëtsi ëmanu tsoti cuancëxa. Usai ꞌicëbëbi ca Jesusan aín bana ñuixunun caíscë unicamaishi Jerusalénu bërúacëxa.

Deuteronomio 32:29

Bana kuakë ꞌixun ka, atun kuatsianxa; ꞌianan ka uisai kara atux ꞌiti ꞌikë kixun unántsianxa.

Apocalipsis 11:8

Bamamicë ꞌaíshbi maíncëma ꞌaish ca a ëma cha, anu Nucën ꞌIbu Jesús i curúsocënu matása, Jerusalén, anu ꞌicë bainu racáti ꞌicën. A ëmax ca Sodoma ꞌimainun Egipto caquin anëcëribi ꞌicën, anu ꞌicë unicamaxa Sodoma ꞌimainun Egiptonu ꞌicë uníxa ꞌiásaribiti Nucën Papa Diosmi sináncëma ꞌain.

Rut 2:12

¡Minmi ꞌakë ñukama kupín ka Diosan mi ꞌakinti ꞌikën! ¡Israel unibunën Dios kamina an mi ꞌakinun barian! ¡Usa ꞌain ka ꞌatapa tuañunëan aín tuákama bërúankin aín pëchinu atsímikësa obëtsinkin mi bëaxa. Usa ꞌain ka kamabi min ꞌakë ñukama kupí mi ꞌakinti ꞌikën!