Lucas 13:14 - Kashibo-Kakataibo Biblia

¹⁴ Usa ꞌaínbi ca Jesusan anu ñu mëëti nëtën xanu pëxcüan, axa anu judíos unicama timë́ti xubunu ꞌicë ꞌapu nishacëxa. Nishquin ca anu ꞌicë unicama cacëxa: —Anun ñu mëëti nëtëx ca mëcën achúshi ꞌimainun achúshi ꞌicën. Anun ñu mëëtima nëtën camina utima ꞌain, anun ñu mëëti nëtë́inshi camina pëxcucë ꞌinux uti ꞌain.

Nukën 'Ibu Diosan ain unikama 'inan ain bana

¹⁴ Usa 'aínbi ca Jesusan anu ñu mëëti nëtën xanu pëxcüan, axa anu judíos unicama timë́ti xubunu 'icë 'apu nishacëxa. Nishquin ca anu 'icë unicama cacëxa: —Anun ñu mëëti nëtëx ca mëcën achúshi 'imainun achúshi 'icën. Anun ñu mëëtima nëtën camina utima 'ain, anun ñu mëëti nëtë́inshi camina pëxcucë 'inux uti 'ain.

Lucas 13:14 Iomraidhean Croise

Éxodo 20:9

Mapai achúshi ꞌimainun achúshi nëtë ꞌimikin kamina anun uisa ñu mëëti karamina ꞌaisatani anun kamabi ñu ꞌati ꞌain,

Ezequiel 34:21

Mitsun kamina mitsun aintsi axa ñuumasara ꞌikë, bëtsin aín manchatan ꞌakëxa ñuina abákësa usaribiti abátanun abámikan.

Levítico 23:3

Mapai achúshi ꞌimainun achúshi nëtë anun kamina mitsun ñu mëëti ꞌati ꞌain, ꞌaínbi kamina a ꞌiónxa pë́karakë anun uisa ñu mëëtibi ꞌatima ꞌain; ax ka anun ñu mëëtima upí nëtë ꞌiti ꞌikën. Anun kamina uinu karamina tsotin anuxunbi timë́xun min ꞌIbu rabikanti ꞌain.

Mateo 12:2

Usoia isquin ca fariseo unicaman Jesús cacëxa: —Ca is, anun ñu mëëtima nëtën usaquin ñu ꞌati ꞌaínmabi ca min ꞌunánmicë unicaman usoia.

Marcos 5:22

Anu Jesús ꞌain ca anua judíos unicama timë́ti xubunu ꞌicë ꞌapu achúshi, Jairo cacë, ax uacëxa. Uquin a mërai aín bëmánon rantin puruni

Lucas 6:11

Usaquian ꞌaia isi xuamati nishi ca uisa caranuna Jesús oti ꞌai quiax ꞌësë́nani canancëxa.

Lucas 6:7

A uni isquin ca an Moisésnën cuënëo bana ꞌunáncë unicama ꞌimainun fariseo unicaman, anun ñu mëëtima nëtën caraisa uni pëxcuia quixun ami manánuxun iscatsi quixun Jesús bërúancëxa.

Lucas 8:41

Caíncëxa bëbaia ca anu judíos unicama timë́cë xubunu ꞌicë ꞌapu achúshi, Jairo cacë, an anu cuani a tanáin rantin puruni tsóbuquin Jesús cacëxa: —ꞌËn ini bëchicë ca aratsushi ꞌicën, mëcën rabë́ ꞌimainun rabë́ baritiañu ca ax ꞌicën. Ca ꞌinsinan ꞌi bamaia. A pëxcui camina ꞌën xubunu cuanti ꞌain. Cacëx abë cuania ca ꞌaisamaira unin Jesús chacatisaira ocëxa.

Hechos 13:15

Tsotan anu ꞌicë unicamanribia cuamainun Moisésnën cuënëo bana ꞌimainun an Nucën Papa Dios quicë bana uni ñuixuncë unicamanribia cuënëo bana ꞌatancëxun ca a xubunu ꞌicë ꞌapucaman Pablocëñun Bernabé cacëxa: —ꞌËn xucë́antu, mitsúnribi unicama ꞌësëtisa tanquin camina cati ꞌain.

Hechos 18:17

Cacëx cuanquinbi ca anua judíos unicama timë́ti xubunu ꞌicë ꞌapu, Sóstenes, a bixun mëëcancëxa. Usoia isquinbi ca Galionën caquinma isëshiacëxa.

Hechos 18:8

Usa ꞌain ca anua judíos unicama timë́ti xubunu ꞌicë ꞌapu, Crispo, abë aín xubunu ꞌicë aín aintsi ꞌibucamaxribi ami sinani Nucën ꞌIbu Jesúsmi catamëacëxa. Usai ꞌimainun ca Pablonëan bana ñuixunia cuati, ꞌaisamaira Corintonu ꞌicë unicamaxribi ami sinani Nucën ꞌIbu Jesúsmi catamëti nashimicë ꞌiacëxa.

Romanos 10:2

Cana mitsu cain, atun ca asérabi Nucën Papa Dios cuëënmisa tania. Usa ꞌixunbi ca uisoquin cara atun a cuëënmiti ꞌicë quixun ꞌunaníma.