Lucas 12:24 - Kashibo-Kakataibo Biblia

²⁴ Mitsun camina ꞌiscucama ꞌunanin. An ca ñu ꞌapánan bimi bucunuxun bitsima. An anu bixun bimi nanti xubu ca ꞌaíma ꞌicën. Usa ꞌicëbi ca Nucën Papa Diosan atun piti ꞌinania. An ñu pëchiu ꞌacësamaira oquin ca mitsumi sinánquin mitsu piti ꞌinánti ꞌicën.

Nukën 'Ibu Diosan ain unikama 'inan ain bana

²⁴ Mitsun camina 'iscucama 'unanin. An ca ñu 'apánan bimi bucunuxun bitsima. An anu bixun bimi nanti xubu ca 'aíma 'icën. Usa 'icëbi ca Nucën Papa Diosan atun piti 'inania. An ñu pëchiu 'acësamaira oquin ca mitsumi sinánquin mitsu piti 'inánti 'icën.

Lucas 12:24 Iomraidhean Croise

Job 38:41

¿Uin kara nónshiansa pëchiu ñuinakama, aín tuákamaxa nánuax pikatsi sharákëbëtan abá pimiti baria na piminun ñu ꞌinanin?

Mateo 10:31

Mitsux camina ꞌisásamaira ꞌain. Usa ꞌain ca ꞌisá chamaratsucama ꞌacësamaira oquin Nucën Papa Diosan mitsu bërúanquin isia. Usa ꞌain camina unían mitsu bamamisa tancëxbi racuë́tima ꞌain.

Mateo 3:12

An ñu ꞌapácë unin ꞌacësaribi oquin ca ꞌati ꞌicën. Ësa ca ꞌiti ꞌicën. Unin ca ñu bëru trigo ꞌapatia. ꞌApátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai ꞌia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín ꞌacë ñucama ꞌunánquin, upí unicama abëa ꞌiti bianan ꞌatimacama a atun ñu ꞌatima ꞌacë cupí bimi xacá nëënti pucësa ꞌimiti ꞌicën.

Mateo 6:26

Mitsun camina axa nuáncë ñu pëchiucama ꞌunanin. Atun ca ñu ꞌapánan bimi bucunuxun bitsima. Usa ꞌicëbi ca mitsun Papa Dios, ax naínu ꞌicë, an atun piti ꞌinania. An ñu pëchiu ꞌacësamaira oquin ca mitsumi sinánquin mitsu piti ꞌinánti ꞌicën.

Marcos 6:26

Ësaquian cacëx masá nuituiraquin ca Herodesnën ꞌaisama tancëxa. ꞌAisama tanquinbi ca —sinanatëcëntimoquin cana mi cain —quixun cacë a sinánan anu ꞌicë unicamaribia cuacë cupí masá nuituiraquinbi xanu xuntacu parántisama tanquin,

Lucas 12:18

Sinántancëx ca quiaxa: Ësaquin cana ꞌati ꞌain. ꞌËn anu bimi bucúnti xubucama ca chamaratsu ꞌicën. Acama tëncapatancëxun cana xubu chabu ꞌati ꞌain. ꞌAtancëxun cana anu ꞌën ñu bimicama ꞌimainun ꞌën ñu itsiribi nanti ꞌain.

Lucas 12:23

Mitsun pitisamaira camina mitsux ꞌain, mitsun chupasamaira camina mitsux ꞌain. An mitsúxmi ënë nëtënu tsóti oquin unio Nucën Papa Dios ainshi ca ami piti ñu mitsu ꞌinánan ami pañuti chuparibi mitsu ꞌinánti ꞌicën.

Lucas 12:7

An ca mitsuribi ꞌunánan uiti buñu caramina ꞌai quixun ꞌunania. Mitsux camina ꞌisásamaira ꞌain. Usa ꞌain ca ꞌisá chamaratsucama ꞌacësamaira oquin Nucën Papa Diosan mitsu bërúanquin isia. Usa ꞌain camina unían mitsu bamamisa tancëxbi racuë́tima ꞌain.