Lucas 12:21 - Kashibo-Kakataibo Biblia

²¹ Caxun ca Jesusan cacëxa: —Usaribiti ca, Nucën Papa Dios cuëëncësabi oquin ꞌati sinánquinma axbi ñuñu ꞌiti sináncë uni ax ꞌiti ꞌicën.

Nukën 'Ibu Diosan ain unikama 'inan ain bana

²¹ Caxun ca Jesusan cacëxa: —Usaribiti ca, Nucën Papa Dios cuëëncësabi oquin 'ati sinánquinma axbi ñuñu 'iti sináncë uni ax 'iti 'icën.

Lucas 12:21 Iomraidhean Croise

Proverbios 13:7

Anu ka bëtsi bëtsi uni ñuñuma ꞌaishi ñuñu ꞌisatankë ꞌikën, ꞌimainun ka bëtsi bëtsi uni ñuñuira ꞌaishi ñuñuma unisa ꞌikën.

Habacuc 2:9

¡Uisa kupí kaina mëkamakë ñun mitsun aintsi ꞌibukama ñuñuira ꞌimikanin, usakin kamina mitsux ñu ꞌatima inuanan, tëmëraima isa ꞌinun kixun mitsun aintsi ꞌakanin!

Lucas 12:33

Mitsun ñu maruquin curíqui bixun camina ñuñuma uni ꞌinánti ꞌain. Ënë nëtënuaxa ꞌicësai ca Nucën Papa Diosan nëtë naínu ꞌicë ñucamax ꞌatimati cëñutíma, an ñu mëcamacë uni ca ꞌaíma ꞌicën, ꞌimainun ca an cëñuti nacuáxbi anu ꞌaíma ꞌicën. Usa ꞌain camina mitsux ñuñushi ꞌiti sinánquinma ax cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacëcama cupíoquin chuámarua aíshmi xënibua ꞌaínbi cuëënun mitsu ꞌimiti ꞌicën.

Lucas 16:11

Usaribi oquin ca mitsun curíqui anun upí oquin sinánquin ñu ꞌaquinma nëtë́miananmi, mitsux cuëëncësa oquinshi ñu ꞌacë ꞌicë Nucën Papa Diosan aín unicama ꞌunánmicësa oquin ꞌunánmima ꞌianan aín unicama ꞌamicësa oquin ñu mëëmitima ꞌicën.

Lucas 6:24

Usa ꞌaínbi camina ñuñuira ꞌaish mitsux, usabii ꞌinuxmabi ashiti mitsun ñu cupí cuëëncë ꞌaish, Nucën Papa Diosan nëtënuax cuëënti ꞌaíshbimi cuëëncëma cupí masá nuituirati ꞌain.

Romanos 2:5

Usa ꞌaínbi camina min sinan ꞌaisama ꞌaish sinanaisama tan. Usai ꞌiquin camina ënquinma camabi nëtën ꞌatima ñuishi sinánquin usaquin ꞌain. A cupí camina anúan Nucën Papa Diosan ꞌuchañu unicama aín ꞌucha cupí castícanti, a nëtën ꞌaisamaira oquin castícancë ꞌinuxun ꞌain.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

1 Timoteo 6:9

Axa ꞌaisamaira ñuñu ꞌiti cuëëncë uni a ca ñunshin ꞌatimanën ꞌapun ñu ꞌaisama ꞌanun sinánmia. Sinánmicëxun ca a unicaman, uni sinánñuman ꞌacësaribi oquinshi ꞌati ꞌicën. Atúan usoquin sináncë cupí ca an ꞌaisama ñu ꞌatishi sináncë unicamax, aín sinan ñancáishi ꞌaish xënibua ꞌaínbi Nucën Papa Diosbë ꞌitimoi bamanuxun ꞌaia.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

Apocalipsis 2:9

Mitsúnmi ñu ꞌacëcama cana ꞌunanin. ꞌËn cana ꞌunanin, mitsux ꞌëmi catamëcë cupí camina tëmëranan ñuñuma unisa ꞌain. Ñuñuma ꞌaíshbi camina ꞌën nëtënu ꞌëbë ꞌaish ñuñu unicamax ꞌicësamaira oi anu ꞌicë ñuñu ꞌaish cuëëinra cuëënti ꞌain. Ësaquin cana ꞌunanin, bëtsi bëtsi uni, —nux cananuna judíos uni ꞌai —quibi judíosma ꞌaish, ñunshin ꞌatimanën ꞌapu, Satanásnën unishi ꞌixun ca ꞌatimati banaquin mitsu ñuia.