Lucas 12:19 - Kashibo-Kakataibo Biblia

¹⁹ ꞌAtancëx cana quiti ꞌain: Cana bucúan, ënë ñucama ꞌitsa ꞌaish ca ꞌitsa baritia ꞌicëbëbi cëñútima ꞌicën. Usa ꞌain cana tantishiti ꞌain. Cana pianan xëanan cuëëinshiti ꞌain.

Nukën 'Ibu Diosan ain unikama 'inan ain bana

¹⁹ 'Atancëx cana quiti 'ain: Cana bucúan, ënë ñucama 'itsa 'aish ca 'itsa baritia 'icëbëbi cëñútima 'icën. Usa 'ain cana tantishiti 'ain. Cana pianan xëanan cuëëinshiti 'ain.

Lucas 12:19 Iomraidhean Croise

Job 14:1

Kamabi uni aín tita bakënkë ax ka ꞌitsama baritia ꞌimi tsotia, usai ꞌi ka bëtsi bëtsi ñu inuti ꞌitsaira tëmëraia.

Proverbios 23:5

Usa ꞌain ka upíokin min iskë ax bënëtishi tëtëkamë ꞌëo aín pëchi, ꞌirui nuankiani kuankë usaribi ꞌinun nëtë́tia.

Proverbios 27:1

Imë́ishi kana usakin ñu ꞌati ꞌai kiax kamina kitima ꞌain. Kamina ꞌunanima imë́ishi karamina uisai ꞌiti ꞌain.

Amós 6:13

Mitsux kamina këmëishi kikanin: “Nun kushínbi kananuna achúshi ëma biti ꞌain bianan kananuna ëma kushiirakama abi ꞌati ꞌai kiax kikanin.”

Habacuc 1:16

Usa ꞌain ka an tsatsa bikë unikaman atun rika rabianan, atun mishkitikama aribi ñuina xaroxunkin, asábi ka kakin a kupí kananuna upí pitiñu ꞌianan, ꞌitsaira pitiñu ꞌai kiax kia.

Lucas 12:18

Sinántancëx ca quiaxa: Ësaquin cana ꞌati ꞌain. ꞌËn anu bimi bucúnti xubucama ca chamaratsu ꞌicën. Acama tëncapatancëxun cana xubu chabu ꞌati ꞌain. ꞌAtancëxun cana anu ꞌën ñu bimicama ꞌimainun ꞌën ñu itsiribi nanti ꞌain.

Lucas 16:19

Jesusan ca ësaquinribi cacëxa: —Ënëx ca ësa ꞌicën. Achúshi uni ñuñuira ꞌaish chupa upíira upí minanën pucucësa ꞌimainun xapu ꞌacësa pañucë ꞌianan ꞌaisamaira piti upíira upíñu ꞌixun camabi nëtën upí oquin pucháquin picë ꞌiacëxa.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

1 Corintios 15:32

Efeso ëmanu ꞌicë unicamax pianancë ñuinasa ꞌaish, ꞌëmi nishcëxunbi Cristo ñuiquin a unicama bana ñuixunia ca acaman ꞌë bëtsi bëtsi oxa. Usa ꞌaínbi ca bamatancëxa Cristo baísquiama ꞌaínbi ꞌëx unin bëtsi bëtsi ocë ꞌinuxun bana ñuixuncë ax ñancáishi ꞌitsíanxa. Unia bama ꞌaish Cristo utëcëncëbë baísquitima ꞌain cananuna uni raírinëxa quicësaribiti ësai quitsían: “Bëtsi nëtë́nbi cananuna ashiti bamati ꞌain. Usa ꞌain cananuna bamacëma pain ꞌixun pucháquin pianan xëai nux cuëëncësa oíshi ꞌiti ꞌain”.

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

1 Timoteo 5:6

Casunamëcë xanu axa xanu raíri ꞌaquinti sinanima, aín cuëëncësarishi ꞌicë, ax ca bamacëma pain ꞌaíshbi bamacësa ꞌicën.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

2 Timoteo 3:4

Aín quicësabi oquin ca ñu ꞌatima ꞌicën. Nuituñuma ꞌixun ca ax cuëëncësabi oquinshi ñu ꞌati ꞌicën. Usai ꞌi cërúquin ca añu cara Nucën Papa Dios cuëënti ꞌicë quixun sinánquinma ax cuëëncësoquinshi ñu ꞌati ꞌicën.

Santiago 5:5

Ënë menuax camina ꞌaisamaira ñu upíñu ꞌaish mitsux cuëëncësabi oi ꞌian. Usa ꞌaish camina aín ꞌibúan ꞌaracacë ñuina anun ꞌati nëtë sënë́ncëbëtan ꞌanuxun rëracamicësa ꞌain.

1 Pedro 4:3

Bëráma camina axa Nucën Papa Diosmi sináncëma unicaman ꞌacësaribi oquin ñunshínquin ñu ꞌatima ꞌanan paë́anan, paë́nxun pi sharánan Nucën Papa Dios rabiquinma unían anbi sinánxun ꞌacë ñuishi rabiacën. Usaquin ꞌaquinbi camina a ñucama ëancën.

Apocalipsis 18:7

Anu ꞌicë unicaman rabíquin, —nux cananuna bëtsi unicamabëtan sënë́nmaira ꞌai —quixun sinánan atux cuëëncësabi oquinshi ꞌaiabi camina acama ꞌaisamairai tëmëranun ꞌimiti ꞌain. Atun ca “ꞌën cana casunamëcë xanun ꞌacësoquin tëmëratima ꞌai” quixun sinania.