Lucas 12:17 - Kashibo-Kakataibo Biblia

¹⁷ A bimicama isquin ca a unin sinánxa, anu ënë bimicama bucúnti ca ꞌaíma ꞌicën. ¿Añu carana ꞌati ꞌain? quixun.

Nukën 'Ibu Diosan ain unikama 'inan ain bana

¹⁷ A bimicama isquin ca a unin sinánxa, anu ënë bimicama bucúnti ca 'aíma 'icën. ¿Añu carana 'ati 'ain? quixun.

Lucas 12:17 Iomraidhean Croise

Eclesiastés 11:2

Mix kuríkiñu ꞌianan ñuñu ꞌixun kamina min ishi nankinma bëtsinu bëtsinu nanti ꞌain, usokëx ka min nankë ax këñúkëbëbi amanumi nankë ax mix ꞌatima ñu inúkëbëbi min nankë ñukama ax bëtsinu ꞌiti ꞌikën.

Isaías 58:7

ꞌianan ka uix kara pitiñu ꞌikë an axa ꞌakëñuma nikë uni a aín piti ꞌinánti ꞌikën, ꞌianan kamina mitsun uix kara xubuñuma ꞌikë a min xubunua ꞌinun ꞌimiti ꞌain; ꞌimianan kamina chupañuma ꞌikë bëtsi uni ꞌinánan kamina misaribi uni aribi ꞌakinti ëntima ꞌain.

Mateo 16:7

Cacëx ca —nunu pán bëcëma cupí ca nu usaquin caia —quiax aín ꞌunánmicë unicamax canancëxa.

Mateo 5:42

An mi ñu ꞌinánun quixun ñucácë uni a camina ꞌinánti ꞌain. An —min ñu ca mi bëxuntëcënun ꞌë ꞌinan —cacë uni a camina ꞌinánti ꞌain.

Lucas 10:25

An Moisésnën cuënëo bana ꞌunáncë uni achúshinën ca uisoquin caraisa caia quixun ꞌunáncatsi quixun sinánquin Jesús ësaquin ñucácëxa: —¿Añu carana ꞌëx ainan ꞌaish xënibua ꞌaínbi Nucën Papa Diosbë ꞌinuxun ꞌati ꞌain?

Lucas 11:41

Xanpa, ñutë chucati acama sinánquinbi camina unicama nuibaquin axa ꞌaquinsa ꞌicë ꞌaquinti ꞌain. ꞌAquinquin ca ñu ꞌinán. Usaquin ꞌaia isquin ca Nucën Papa Diosan mitsu upí isti ꞌicën.

Lucas 12:16

Catancëxun ca bana itsi ñuicësoquin Jesusan ësaquinribi cacëxa: —Ënëx ca ësa ꞌicën. Ñuñu uni achúshinëan aín naënu ñu bëru ꞌapácëx canitancëxuan tuacëx ca ꞌitsaira bimiñu ꞌiaxa.

Lucas 12:18

Sinántancëx ca quiaxa: Ësaquin cana ꞌati ꞌain. ꞌËn anu bimi bucúnti xubucama ca chamaratsu ꞌicën. Acama tëncapatancëxun cana xubu chabu ꞌati ꞌain. ꞌAtancëxun cana anu ꞌën ñu bimicama ꞌimainun ꞌën ñu itsiribi nanti ꞌain.

Lucas 12:22

Jesusan ca aín ꞌunánmicë unicama ësaquin cacëxa: —Cana mitsu cain, añu caramina piti ꞌain, añu chupa caramina pañuti ꞌai quixun acama sinani camina masá nuitutima ꞌain.

Lucas 12:29

Añu ñu caramina piti ꞌain, añu ñu caramina xëati ꞌai quixun camina bënëti masá nuituquin sinántima ꞌain.

Lucas 12:33

Mitsun ñu maruquin curíqui bixun camina ñuñuma uni ꞌinánti ꞌain. Ënë nëtënuaxa ꞌicësai ca Nucën Papa Diosan nëtë naínu ꞌicë ñucamax ꞌatimati cëñutíma, an ñu mëcamacë uni ca ꞌaíma ꞌicën, ꞌimainun ca an cëñuti nacuáxbi anu ꞌaíma ꞌicën. Usa ꞌain camina mitsux ñuñushi ꞌiti sinánquinma ax cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacëcama cupíoquin chuámarua aíshmi xënibua ꞌaínbi cuëënun mitsu ꞌimiti ꞌicën.

Lucas 16:3

Cacëxun ca an ñu mëëxuncë unin sinánxa: ¿ꞌË chiquíncëxun carana añu ꞌati ꞌain? ꞌËx cushiirama ꞌixun cana me naëquin ñu mëëtima ꞌain, ꞌëa ñu ꞌinánun uni catimi cana rabínti ꞌain. ¿Añu carana ꞌati ꞌain?

Lucas 16:9

ꞌËn cana mitsu cain, mitsun curíqui anun camina uni itsi ꞌaquinsa ꞌicë ꞌaquinti ꞌain. ꞌAquincëx mitsubë nuibanancë ꞌianan ꞌënan ꞌaish bamatancëxun ca mitsúxribimi ꞌëbë ꞌinun, ꞌën ꞌiti anuxun mitsu caínti ꞌicën.

Lucas 18:22

Cacëxun cuaquin ca Jesusan cacëxa: —Usari camina ꞌin. ꞌIxunbi camina achúshi ñuishi ꞌacëma ꞌain. Cuanxun camina min ñucama maruquin curíqui bixun ñuñuma unicama ꞌinánti ꞌain. Usotancëx camina ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Lucas 19:17

Cacëxun ca ꞌapun caxa: Upí oquin camina ꞌën curíquinën ñu ꞌan. ꞌItsairamashi ꞌaínbimi a curíquinën upí oquin ꞌacë cupí camina mëcën rabë́ ëmanu ꞌicë unicaman cushi ꞌiti ꞌain.

Lucas 3:11

Cacëxun ca Juanën cacëxa: —Uix cara cutun rabë́ñu ꞌicë an ca cutúnñuma uni aín cutun achúshi ꞌinánti ꞌicën. Uix cara pitiñu ꞌicë an ca pitiñuma uni paná ꞌinánti ꞌicën.

Hechos 16:30

Usai ꞌitancëxun ëman buánquin ca Pablo ꞌimainun Silas cacëxa: —¿Añu carana ꞌën ꞌuchacama tërë́ncë ꞌaish ië́nuxun ꞌati ꞌain?

Hechos 2:37

Ësoquian cacëxun cuati —ꞌatimabi cananuna ꞌa —quixun sinani ratúquin ca Pedrocëñun abëa ꞌicë unicama ñucáquin cacancëxa: —ꞌËn xucë́antu, ꞌatimabi cananuna usoquin a ꞌan. ¿Upí ꞌinux caranuna bërí uisai ꞌiti ꞌain?

Romanos 12:13

Axa Cristomi catamëcë uni ñuñuma ꞌaish ꞌaquinsa ꞌicë camina min ñu raíri ꞌinánti ꞌain. ꞌInánan camina axa min xubunu bëbacë uniribi pimianan anua ꞌuxtiribi ꞌinánti ꞌain.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

1 Juan 3:16

Jesucristo nu nuibati bama cupí cananuna ꞌunanin, usari ca uni nuibati ꞌiti ꞌicë quixun. Usaquin ꞌunánquin cananuna ꞌunanin, Jesucristonën ꞌásaribi oquin cananuna nunribi a ꞌaquincë cupí bamanuxunbi ꞌaquinquin bëtsi uni nuibati ꞌai quixun.