Lucas 11:9 - Kashibo-Kakataibo Biblia

^9-10 Usa ꞌain cana ꞌën mitsu cain, ui unin cara Nucën Papa Dios ñucáquin caia a uni ca Nucën Papa Diosan ꞌinania. Ënëx ca ësa ꞌicën: Bari bariquin ca unin ñu mëraia. ꞌImainun ca unían bëtsi unin xëcuë taxcaia cuaquin a xubunu ꞌicë unin xëocaxunia. Usaribi oquinmi mitsun ñucáquin cacëxun ca mitsun bana cuaquin Nucën Papa Diosan mitsux cuëëncë ñu mitsu ꞌaxunti ꞌicën.

Nukën 'Ibu Diosan ain unikama 'inan ain bana

^9-10 Usa 'ain cana 'ën mitsu cain, ui unin cara Nucën Papa Dios ñucáquin caia a uni ca Nucën Papa Diosan 'inania. Ënëx ca ësa 'icën: Bari bariquin ca unin ñu mëraia. 'Imainun ca unían bëtsi unin xëcuë taxcaia cuaquin a xubunu 'icë unin xëocaxunia. Usaribi oquinmi mitsun ñucáquin cacëxun ca mitsun bana cuaquin Nucën Papa Diosan mitsux cuëëncë ñu mitsu 'axunti 'icën.

Lucas 11:9 Iomraidhean Croise

Salmos 118:5

Usa ꞌain kana masá sinani tëmërai bënë́kin Dios ñukákën; ñukákëxun kuakin ka ꞌë ꞌakiankëxa.

Salmos 27:4

Achúshi ñushi kana Nukën ꞌIbu ñukan, usa ꞌain kana achúshi ñu ashi kuëënin: ax ka anuxun Nukën ꞌIbu rabiti xubunu ꞌëx kamabi nëtë anun tsókë a nëtëkama ꞌikën, a xubunuxun kana rabikin a ñukáti ꞌain. Ñukákin kana an unio ñukama upí iskin ashi rabiti ꞌain.

Salmos 27:8

ꞌËn nuitunën sinánkin: Kana Nukën ꞌIbu ñukáti ꞌain. ꞌImainun kana ꞌën Nukën ꞌIbu ꞌë ꞌakinun barin.

Salmos 34:10

Ñuñuira unikama ax ka ñuñuma ꞌi tikiti ꞌikën, usai ꞌi ka ñuñu ꞌaínbi ꞌitsaira pananti ꞌikën, ꞌaínbi ka axa Nukën ꞌIbumi katamëkë unikamax uínsaranbi upí ñuñumama ꞌitima ꞌikën.

Salmos 34:4

Usa ꞌain. Ka ꞌën ꞌakinun ñukákëxun kuankin ꞌë ꞌakiankëxa, ꞌianan ka ꞌën rakuëkëkama nëtë́nun ꞌimiakëxa.

Isaías 45:19

ꞌËx kana unëax banananbi uinu kara me bëánkibukë ꞌikë anuaxbi banaima. ꞌËn kana Jacobnën rëbúnkikama kaiman: ꞌË kamina anu ñu ꞌikë anua barikanti ꞌain. ꞌËx mitsun ꞌIbu ꞌaish kana asérabi këmëima upiti banai ësai ka ñu ꞌiti ꞌikë kin.

Daniel 9:3

Usa ꞌain kana añu ñubi pima chupa xëni pañuax chimapunu tsókin ësokin Dios ñukákën.

Mateo 21:22

Mitsun —asérabi ca Nucën Papa Diosan ꞌën cacëxun ꞌë ꞌaxunti ꞌicë —quixun sinania ca an mitsúnmi ñucácësabi oquin mitsu ꞌaxúnti ꞌicën.

Mateo 21:31

¿Mitsun sináncëxun cara a uni rabë́ uinu ꞌicën aín papa cuëëncësabi oquin ñu ꞌax? Cacëxun ca cacëxa: An —cana cuanima —quixun caxbi cuancë, an ca aín papa cuëëncësabi oquin ꞌaxa. Cacëxun ca Jesusan cacëxa: —ꞌËn cana asérabi mitsu cain, mitsun ainan isamina ꞌai quixun caquinbi ax cuëëncësabi oquin ꞌacëma ꞌaíshmi Nucën Papa Diosan nëtënu ꞌitima ꞌaínbi ca ꞌitsa uni an ꞌapu buánmiti curíqui bicë, ꞌimainun ꞌitsa xanu mitsun sináncëx ꞌuchañu, acamax sinananti ꞌëmi sinánquin ax cuëëncësabi oquin ꞌacë ꞌaish Nucën Papa Diosan nëtënu ꞌiti ꞌicën.

Mateo 6:29

A ro uacama sinánquin cana mitsu cain, ꞌapu Salomón ax ca ꞌitsaira ñuñu ꞌianan chupa upíira upí pañucë ꞌaíshbi aín chupa ax ro uasaribi upíira upí ꞌiáma ꞌicën.

Marcos 11:24

Usa ꞌain cana mitsu cain, —asérabi ca Nucën Papa Diosan ꞌën cacëxun ꞌë ꞌaxunti ꞌicë —quixun sinania ca an mitsúnmi ñucácësabi oquin mitsu ꞌaxunti ꞌicën.

Marcos 13:37

Ësaquin ꞌën mitsu cacësaribi oquin cana axa ꞌëmi catamëcë unicamaribi cain, camina ꞌëmi sinánquin ꞌëx uti caínti ꞌai quixun.

Juan 14:13

Añu caramina ꞌën anën ñucácësa oquin ꞌëx cuëëncësabi oquin ñucati, a cana mitsu ꞌaxúnti ꞌain, Nucën Papa Dios ca cushiira ꞌicë quixuan ꞌën ꞌaia isquin unin ꞌunánun.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 15:7

Mitsux ꞌëmi catamëanan ꞌën bana manuima ꞌëx quicësabi oi ꞌicë ꞌixunmi ñucácëxun ca Nucën Papa Diosan mitsúnmi cacësabi oquin mitsu ꞌaquinti ꞌicën.

Juan 4:10

Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

Hebreos 11:6

Uicamax cara Nucën Papa Diosbë banatisa tania, uicamax cara ainan ꞌiisa tania, an ca —Nucën Papa Dios ca asérabi anu ꞌicë —quixun sinánti ꞌicën. Sinánan ca —an ca ꞌën ñucácëxun cuati ꞌicë —quixun sinánti ꞌicën. Usaía ax asérabi ami catamëcë uni anun cuni ca Nucën Papa Dios cuëënia. Axa ami catamëcëma unin ca Nucën Papa Dios cuëënmima.

Hebreos 4:16

Asérabi ca usa ꞌicë quixun ꞌunánquin cananuna ami racuë́quinma, an nu nuibacë Nucën Papa Dios a nun ꞌuchacama tërë́nquin nu ꞌaquinun ñucáti ꞌain, an nu nuibacë cupí. Usaquin cananuna anúnu uisai cara ꞌicë nëtën, nuibaquian nu ꞌaquinun ñucáti ꞌain.

Santiago 1:5

Uisaira caramina ami cushiti ꞌai quixun ꞌunáncëma ꞌixun camina Nucën Papa Dios ñucáti ꞌain. Ñucácëxun ca an mi usaími ꞌiti ꞌunánmiquin cushioti ꞌicën. An ca an a ñucácë unimi nishquinma cuëënquin upí oquin ꞌunánmia.

Santiago 5:15

Asérabi ca an ënë uni pëxcuti ꞌicë quixun sinánquinmi a ñucáxuncëxun ca Nucën ꞌIbu Jesucristonën ñucë uni pëxcuti ꞌicën. Pëxcüanan ca aín ꞌuchacama tërë́nxunti ꞌicën.

1 Juan 3:22

Nun ax quiásabi oquin ꞌanan, ax cuëëncësabi oquin ꞌaia isquin ca an nun ñucácësabi oquin nu ꞌaxunia.

Apocalipsis 2:24

ꞌItsa uníxa usai ꞌicëbëtanbi camina Tiatíranu ꞌicë mitsu raírinën aín bana ca cëmë ꞌicë quixun ꞌunánquin a xanun bana cuacëma ꞌain. Bëtsi bëtsi uníxa, nun cananuna mitsun ꞌunáncëma ñu, ñunshin ꞌatimanën ꞌapúan nu ꞌunánmicë, a mitsu ꞌunánmiti ꞌai quiabi camina a ꞌunántisama tan. Mitsúxmi usai ꞌiti ca asábi ꞌicën. Usaíbi camina ꞌiti ꞌain. Bëtsi ñumi ꞌanun cana mitsu caiman.