Lucas 11:45 - Kashibo-Kakataibo Biblia

⁴⁵ Usaquin cacëxun ca an Moisésnën cuënëo bana ꞌunáncë ꞌixun unicama ꞌësëcë uni achúshinën Jesús cacëxa: —Usai fariseo unicama ñui quiquin camina nuribi ñuin.

Nukën 'Ibu Diosan ain unikama 'inan ain bana

⁴⁵ Usaquin cacëxun ca an Moisésnën cuënëo bana 'unáncë 'ixun unicama 'ësëcë uni achúshinën Jesús cacëxa: —Usai fariseo unicama ñui quiquin camina nuribi ñuin.

Lucas 11:45 Iomraidhean Croise

1 Reyes 22:8

Kixun kakëxun ka Israel kaman ꞌapun Josafat kakëxa: —Anu ka achúshi aribi uisai kara Nukën ꞌIbu kia ñukátisa ꞌikën. Ax ka Micaías Imlá aín bakë bëchikë ꞌikën. ꞌAínbi kana ꞌën a uni istisama tanin an ka uínsaranbi upí bana kakinma, ꞌatima bana ishi ñuikin ꞌë kaia. Kakëxunbi ka Josafatnën kakëxa: —Usai kamina banatima ꞌain.

Jeremías 20:8

ꞌËx banakëtibi kana bënë́kinshi ñu ꞌatima ꞌati ꞌimainun ñu masóti a ñui banain; usai kikin min bana ñuia ka ënkinmaira ꞌë ꞌichati ꞌëmi kuaikania, ꞌën mix kikë bana ñuikëbë.

Mateo 22:35

Nëbë́tsioraquin ca an Moisésnën cuënëo bana ꞌunáncë uni achúshinën —uisaquin cara ꞌë cati ꞌicë —quixun sinánquin Jesús ësaquin ñucácëxa:

Lucas 11:46

Quia ca Jesusan cacëxa: —Mitsuribi upíma isquin ca Nucën Papa Diosan uisa cara oti ꞌicë usoquin mitsuribi ꞌati ꞌicën. Moisésnën cuënëo banaishima mitsúnbi sináncë banaribi camina unicamax isa usai ꞌinun quixun ñuixunin. Usaquinmi ñuixuncëxbi ca a banacamax mitsúxmi quicësabi oi ꞌiisama ꞌicën. Mitsúxribi camina usai ꞌiman. Mitsúnmi ñuixuncë bana quicësabi oquian ꞌanun camina unicama ꞌaquiniman.

Lucas 11:52

Ësaquinribi ca Jesusan atu cacëxa: —Mitsun Moisésnën cuënëo bana ꞌunáncë ꞌixun unicama ꞌësëti ꞌixunbi camina uisai quicë cara a bana ꞌicë quixun ꞌunánmiman, ꞌunánmiquinma camina bëtsi oquin ꞌunánmin. Usa ꞌain camina mitsúnbi, a bana upí oquin cuaisama tancë ꞌixun, an a bana uisai quicë cara quixun ꞌunántisa tancë unicamanribia cuaxunma ꞌanun ꞌimin. Mitsúxmi usa ꞌicë isquin ca uisa cara oti ꞌicë usoquin Nucën Papa Diosan mitsu ꞌati ꞌicën.

Lucas 7:30

Acamaxa usai quicëbëbi ca fariseo unicama ꞌimainun an Moisésnën cuënëo bana ꞌunáncë unicaman, Juanën bana cuaisama tani an nashimicë ꞌiti cuëëncëma ꞌixun, Nucën Papa Dios cuëëncësa oi ꞌiisama tanquin Jesusan banaribi cuaisama tancëxa.

Juan 7:48

Achúshira nun ꞌapúnbi ca axa quicë aín banax ca asérabi ꞌicë quixun sináncëma ꞌicën. Usaribi oquin ca achúshira fariseo unínbi axa quicë banax ca asérabi ꞌicë quixun sináncëma ꞌicën.

Juan 7:7

Axa Nucën Papa Diosmi sináncëma unix ca mitsumi nishima, ꞌëmi cuni ca nishia. ꞌËn —ñu ꞌatima camina ꞌai —quixun cacë cupí ca atux ꞌëmi nishia.

Juan 9:40

Usaquian caia cuaquin ca anua ꞌicë fariseo unicaman Jesús cacëxa: —¿Núxribi caranuna bëxuñu ꞌain?