Lucas 11:39 - Kashibo-Kakataibo Biblia

³⁹ Usaquin sinania ꞌunánquin ca Nucën ꞌIbu Jesusan cacëxa: —Mixmi fariseo uni ꞌicë cana mi cain, mitsux fariseo uni ꞌixun camina Nucën Papa Diosainsa mitsun nuitu upí isnun quixun, xanpa ꞌimainun manë ñutë, acama aín caxu chucain. Usaquin ꞌaquinbi camina mitsun nuitu mëu upíma ñu sinanin. Uni paránquin camina aín ñua mitsu ꞌinánun quixun sinánmianan ñunshínquin ñu ꞌatima ꞌati sinanin.

Nukën 'Ibu Diosan ain unikama 'inan ain bana

³⁹ Usaquin sinania 'unánquin ca Nucën 'Ibu Jesusan cacëxa: —Mixmi fariseo uni 'icë cana mi cain, mitsux fariseo uni 'ixun camina Nucën Papa Diosainsa mitsun nuitu upí isnun quixun, xanpa 'imainun manë ñutë, acama aín caxu chucain. Usaquin 'aquinbi camina mitsun nuitu mëu upíma ñu sinanin. Uni paránquin camina aín ñua mitsu 'inánun quixun sinánmianan ñunshínquin ñu 'atima 'ati sinanin.

Lucas 11:39 Iomraidhean Croise

Génesis 6:5

Nukën ꞌIbu iskëxbi ka unin ꞌucha ꞌaisamaira ënë menu ꞌiakëxa, ꞌimainun a ꞌatima sinánñu ꞌixun ꞌatima ñuishi ꞌati sinánñuirabu ꞌiakëxa,

Salmos 22:13

usa ꞌaish ka paru ꞌinúan në́kë kamaxa kuëëti anchakë usaribiti ꞌëmi banai kikania.

Mateo 15:19

Aín nuitu mëu ca unin ꞌatima ñu ꞌati sinania, uni ꞌati, aín xanuma ꞌaínbi xanubë ꞌiti, xanu cuaioti, uni itsin ñu mëcamati, cëmëi uni itsimi manánti, uni itsi ñui ꞌatimati banati.

Mateo 7:15

Bëtsi bëtsi unin ca mitsu parántisa tanquin —Nucën Papa Diosan sinánmicëxun cana mitsu bana ñuixunin —quiquinbi anbi sináncë bana ñuixunia. Usa unin ñuicë bana camina cuatima ꞌain. A unicamax ca ꞌunánmaratsu ñuinasa ꞌaíshbi aín nuitu mëu ꞌatima sinánñu ꞌaish pianancë ñuinasa ꞌicën.

Lucas 16:15

ꞌUsáncëxun ꞌunánquin ca Jesusan cacëxa: —Mitsux isamina upí ꞌai quixuan unin isnun quixun camina mitsux cuëëncë ñuishi ꞌain. Usa ꞌaínbi ca Nucën Papa Diosan mitsun nuitu mëúmi sináncë a ꞌunania. Ax isa upí ꞌicë quixuan unin sináncë uni a ca Nucën Papa Diosan aín nuitu ꞌunánquin upíma isia.

Lucas 7:13

A isquin nuibaquin ca Jesusan a xanu cacëxa: —Iánxma ca ꞌit.

Lucas 7:19

Cacëxun ca Juanën aín uni rabë́ Jesúsnu cuantánun xuquin ësaquin ñucáquin catánun quixun cacëxa: ¿Mix caramina asérabi axa uti nun caíncë a ꞌain? ¿Ama mix ꞌain caranuna bëtsíxa uti caínti ꞌain?

Juan 12:6

Asérabi ñuñuma unicama nuibati sinani ca usai Judas quiáma ꞌicën. Ax an curíqui mëcamacë uni ꞌixun, anua Jesusan aín ꞌunánmicë unicamabëtan curíqui ꞌarucë burasa bërúanquin, anua curíqui mëcamacë ꞌaish ca usai quiacëxa.

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

Hechos 5:3

ꞌInania ca Pedronën cacëxa: —Ananías, ¿uisacasquin cara ñumshin ꞌatimanën ꞌapu, Satanás, an ꞌibuaquin, Nucën Papa Diosan Bëru Ñunshin Upí paráncësa ꞌixunmi me cupími bicë curíqui mësú binun mi sinánmiax?

Gálatas 1:14

Usoquin ꞌanan cana judíos unin sináncësa oquinshi sináncën. ꞌËn aintsi ꞌëbë sënë́nburibi an ꞌacësamaira oquin cana uni apáncaman ꞌë ꞌunánmicësa oquinshi ꞌën chaitinën ñuiasabi oquin ꞌaisa tancën, ꞌëx asérabi judío uniira ꞌixun.

2 Timoteo 3:5

—Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

Tito 1:15

Ënëx ca ësa ꞌicën. Ui unix cara aín sinan upí ꞌicë an ca ñu upíma isquinbi upí oquinshi sinania. Usa ꞌaínbi ca ui unix cara Nucën Papa Diosmi sináncëma ꞌianan aín sinan upíma ꞌicë, an upí ñu isquinbi ꞌatima ñuishi sinania. Aín nuitu ꞌaisama ꞌixun ca usa unin ꞌatimaquin sinania.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.