Lucas 11:22 - Kashibo-Kakataibo Biblia

²² Usa ꞌaínbi ca asamaira cushi uni uquin a mëëquin ñusmoquin axa anun ꞌacanancë ñucama, amia catamëcë, acama bianan aín ñu raíriribi biquin aín unicama mëtícaquin ꞌinánti ꞌicën. Usaribi oquin cana ꞌën aín ꞌapusama cushiira ꞌixun ñunshin ꞌatima chiquinin.

Nukën 'Ibu Diosan ain unikama 'inan ain bana

²² Usa 'aínbi ca asamaira cushi uni uquin a mëëquin ñusmoquin axa anun 'acanancë ñucama, amia catamëcë, acama bianan aín ñu raíriribi biquin aín unicama mëtícaquin 'inánti 'icën. Usaribi oquin cana 'ën aín 'apusama cushiira 'ixun ñunshin 'atima chiquinin.

Lucas 11:22 Iomraidhean Croise

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Éxodo 15:9

Ax numi nishkë unikaman ka sinánkë ꞌiaxa: Uinua karanuna nukúti ꞌain, anua nukui kuanuxun kananuna nuiti ꞌain, nukuxun ꞌatankëxun ain ñukama bitankëx kananuna mëtikananti ꞌain. Usakin ꞌax kananuna asábi ꞌiti ꞌain, nun manë xëtokë a bikin anun ꞌakin kananuna atu këñuti ꞌain.

Isaías 53:12

Usa ꞌikë ka Diosan ñunuxa abi ꞌinamëa ꞌikë, anua uni chabu ꞌikë anu ꞌimia ꞌixun, anua uni kushiirabu kanantankëx ꞌikë anua atubë ꞌinun ꞌimiti ꞌikën, a ka unin axribi ka uni ꞌatima ꞌikë kixun unin sinánkëxa, usa ꞌixun ka kamabi unin ꞌucha ainansa ꞌikë papianan kamabi uni atun ꞌucha kupín ñukáxuankëxa.

Lucas 11:21

Ënëx ca ësaribi ꞌicën. Cushi unían anun ꞌacananti ñuñu ꞌixun aín xubu bërúancëbëtan ca uinu ꞌicë unínbi aín ñu bicuantima ꞌicën.

Lucas 11:23

Ësaribi ca. Unían bërúanquin timëcëma ꞌaish ca aín ꞌaracacë ñuina tsuáquia. Usaribi oquin ca an ꞌëmia sinánun uni ꞌaquincëma uni an ꞌëmi sinánxma ꞌinun uni ꞌimia.

Efesios 6:11

Ñunshin ꞌatimanëan paránquin mitsu ñu ꞌatima ꞌamitisa tancëxbi camina an mitsu ꞌibuati rabanan uisoquinra cara an mitsu cushioti ꞌicë, usaquin Nucën Papa Diosan cushiocë ꞌinux upí oquin sinani ami catamëti ꞌain.

Efesios 6:13

Ñu ꞌatima ꞌanun an sinánmicëxunbi ꞌaquinma ñunshin ꞌatima abáminux cushi ꞌiti cupí camina manutima, uisoquinra cara an mitsu cushioti ꞌicë usaquian Nucën Papa Diosan cushiocë ꞌinux upí oquin sinani ami catamëti ꞌain. Usai cushicë ꞌixúnmi abámicëxuan ñunshin ꞌatimanën mitsu tantëcëncëxbi usabi Nucën Papa Diosmi catamëcë ꞌaish camina uisaíbi ꞌitima ꞌain.

Colosenses 2:15

Usonan ca Cristonën i curúsocënu bamaquin uisa ñunshinax cara uisaira cushiñu ꞌicë, abi camabi unían ꞌunánun ñusmoquin cushiñuma ꞌimiacëxa.

1 Juan 3:8

Usa ꞌaínbi ca an ñu ꞌatima ꞌacë unicama ax ñunshin ꞌatimanën ꞌapun uni ꞌicën, ñunshin ꞌatimanën ꞌapu ax ca nëtë ióñubi ꞌucha ꞌaish usabii bërí nëtë́nbi ꞌuchaia, usa ꞌain. Usa ꞌaínbi ca ñunshin ꞌatimanën ꞌapúan ñu ꞌatima ꞌacëcama cëñui Nucën Papa Diosan Bëchicë uacëxa.

1 Juan 4:4

ꞌËn bëchicësa unicama, mitsux camina Nucën Papa Diosnan ꞌain. Nucën Papa Dios axa mitsubë ꞌicë aín cushibëtan sënë́nma ca an ënë nëtënu ꞌicë ñuishi sináncë unicaman cushi ꞌicën. Usa ꞌain ca an Cristo ꞌatimaquin ñuicë unicaman sinanëx mitsun sinánbëtan sënë́nmara ꞌicën.