Lucas 11:2 - Kashibo-Kakataibo Biblia

² Cacëxun ca Jesusan cacëxa: —Nucën Papa Diosbë banaquin camina ësoquin cati ꞌain: ꞌËn Papa Dios, naínu ꞌicë, mix camina asérabi min sinan upíira ꞌain. —Usa camina mix ꞌai —quiax ca camabi uni mi ñui upí banáinshi banati ꞌicën. Aín ꞌApu ꞌicëa camabi unin mi rabiti cana cuëënin. Usaquian mi ꞌanun camina ꞌimiti ꞌain. Min nëtënuxuan ángelcaman ꞌacësaribi oquian ënë nëtënuxun unicaman mix cuëëncësabi oquin ꞌati cana cuëënin. Usaquian ꞌanun camina ꞌimiti ꞌain.

Nukën 'Ibu Diosan ain unikama 'inan ain bana

² Cacëxun ca Jesusan cacëxa: —Nucën Papa Diosbë banaquin camina ësoquin cati 'ain: 'Ën Papa Dios, naínu 'icë, mix camina asérabi min sinan upíira 'ain. —Usa camina mix 'ai —quiax ca camabi uni mi ñui upí banáinshi banati 'icën. Aín 'Apu 'icëa camabi unin mi rabiti cana cuëënin. Usaquian mi 'anun camina 'imiti 'ain. Min nëtënuxuan ángelcaman 'acësaribi oquian ënë nëtënuxun unicaman mix cuëëncësabi oquin 'ati cana cuëënin. Usaquian 'anun camina 'imiti 'ain.

Lucas 11:2 Iomraidhean Croise

1 Reyes 8:43

Usa ꞌain kamina anumi ꞌikë naíkamë ꞌëo anuxunbi kuakin, añu kara mi ñukákania akamabi ꞌakinti ꞌain, usakinmi ꞌaia kuakin ka bëtsi bëtsi menu tsókë unikamanribi min uni Israelkaman ꞌakësaribi okin mi ꞌaxunkin, ꞌën mi ꞌaxunkë xubu ënëx ka anuxun asérabi a rabiti ꞌakë ꞌikë kixun atúnribi ꞌunánti ꞌikën.

2 Reyes 19:19

Usa ꞌain kamina mix nun Dios ꞌixun bërí an ꞌaisatankë unikaman ꞌaisataniabi nu bërúanti ꞌain, usakinmi nu ꞌakinia ka kamabi menu ꞌikë unikaman mix kamina asérabi Dios ira a ꞌai kixun ꞌunánti ꞌikën.

Salmos 103:20

¡Anu uxun ka aín ángel kushiirabu an Nukën ꞌIbu Dios rabiti ꞌikën! Mitsun kamina an kakësabiokin ꞌanan, uisakin ñu ꞌanun kara mitsu kaia usakin ꞌaxunti ꞌain.

Isaías 63:16

¡Mix kamina nukaman papa ꞌain! Abrahamnëa nukama ꞌunanima ꞌimainuan Israel unikama numi sinánkëbëmabi kamina, Nun ꞌIbu ꞌianan nukaman papa ꞌain; usa ꞌixun kamina ënënsaran nëtëma ꞌa ꞌixunma min ꞌakësabi okin nu bitëkënin.

Ezequiel 36:23

ꞌËn kana bëtsi bëtsi ëmanu ꞌikë unikama ꞌën anë chaiira upí a ismiti ꞌain, mitsun kamina atunuxun ꞌën anë ꞌatima okankën; usakin ꞌakëbëtan ka bëríra ꞌëx kana ꞌain ꞌIbu ꞌai kixun ꞌunánkanti ꞌikën. ꞌËx Dios ꞌaish kana, asérabi ësai kin.

Daniel 2:28

Usa ꞌaínbi ka naínu achúshi Dios an ꞌunántisama ꞌikëbi ñu ꞌunánkëira anu ꞌikën, an ka mi ꞌapu ꞌikë uisai karamina ꞌinuxun ꞌain mi ꞌunánmiaxa. Usa ꞌain kana ꞌën ꞌapu ꞌixunmi ꞌuxun namákë akama mi ñuixunti ꞌain:

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 7:18

Usokin ꞌakë ꞌaínbi ka Dios manámi ꞌikë an kaískë unikama atúxa xënibua ꞌaínbi ꞌapu ꞌinun ꞌinánkë ꞌiti ꞌikën.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Oseas 14:2

Usa ꞌain kamina Diosmi sinanatëkënkin ësokin mitsun a ñukáti ꞌain: “Nukaman ꞌuchakama kamina nu mëníoxunti ꞌain, mëníoxunkin kamina mix upí ixun nun mi rabikëxun upíokin kuati ꞌain.

Habacuc 2:14

Usa ꞌain ka bakakaman a mi saëkin aín ꞌumpaxan parúmpapa buákarukë usaribi okin kamabi menu ꞌikë unikaman Diosan aín kushin ñu ꞌakë ꞌunánti ꞌikën.

Mateo 10:32

Ësaquinribi ca Jesusan aín ꞌunánmicë unicama cacëxa: —Axa an ꞌën bana cuacëma unicaman cuanun ꞌë ñui, —ꞌëx cana Jesusan uni ꞌain —quicë uni a ñuiquin cana ꞌënribi, —ax ca ꞌën uni ꞌicë —quixun ꞌën Papa Dios naínu ꞌicë a cati ꞌain.

Mateo 3:2

Bana ñuixunquin ca cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca Nucën Papa Diosmi sináncë ꞌaíshmabi sinanati ami sinan.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Lucas 11:1

Nëtë itsin aín Papabë banatancëxa sënënia ca aín ꞌunánmicë uni achúshinën Jesús cacëxa: —Juanën ca aín ꞌunánmicë unicama Nucën Papa Diosbë banati ꞌunánmiaxa. Usaribi oquin camina nuribi abë banati ꞌunánmiti ꞌain.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

Romanos 8:15

Usa uni camina mitsux ꞌain. Mitsu aín bëchicë ꞌimiquin ca Nucën Papa Diosan mitsúxmi bëráma ꞌiásaribiti mitsun ꞌucha cupí ami racuë́tëcënun ꞌimicëma ꞌicën. Aín Bëru Ñunshin Upí an ca, ainan ꞌaish cuëënquinu Nucën Papa Dios, Paponun nu ꞌimia.

1 Corintios 1:3

Usa ꞌaíshmi mitsux Nucën Papa Diosbëtan Nucën ꞌIbu Jesucristonën nuibaquin ꞌaquincëx chuámarua bucucanti cana cuëënin.

2 Corintios 1:2

Usa ꞌaínmi Nucën Papa Dios ꞌimainun Nucën ꞌIbu Jesucristonën nuibacëx chuámarua bucucanti cana cuëënin.

Gálatas 1:4

Ënë menu ꞌicë ñuishi ꞌatia an sináncë unicaman ꞌacësaribi oquin ñu ꞌatima ꞌati rabanan nu ië́mi ca ax bamatsianxmabi nun ꞌucha cupí bamacëxa, Nucën Papa Dios cuëëncësabi oi.

Efesios 1:2

Nucën Papa Diosbëtan Nucën ꞌIbu Jesucristonën mitsu nuibaquin ꞌaquincëxmi chuámarua ꞌaish bucucanti cana cuëënin.

Filipenses 1:2

Nucën Papa Diosbëtan Nucën ꞌIbu Jesucristonën nuibacëxmi mitsux chuámarua ꞌaish bucucanti cana cuëënin.

Filipenses 4:20

Axa asérabi Nucën Papa Dios a ca camabi aín unin rabiti ꞌicën, nëtë xënibua ꞌaínbi. Usaquin ca asérabi ꞌati ꞌicën.

Colosenses 1:2

Colosas ëmanuaxmi Cristomi sinani ami catamëti Nucën Papa Diosnan ꞌicë, cana ënë quirica mitsu buánmin. Nucën Papa Diosan mitsu nuibaquin upí oquin sinánxuncëxmi chuámarua bucucanti cana cuëënin.

1 Tesalonicenses 1:1

ꞌËx Pablo ꞌixun cana Silvano ꞌimainun Timoteobëtan Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin. Nucën Papa Dios ꞌimainun Nucën ꞌIbu Jesucristonëan nuibaquin chuámarua ꞌaíshmi bucunun mitsu ꞌaquinti cananuna cuëënin.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 19:6

Usai quicëbëtan cana ꞌaisamaira uni munuma cushin banacësari banaia cuan. A banax ca baca xuqui cushíinra banarucësari ꞌianan caná munuma banacësaribi ꞌiaxa. Ësai banaia cana cuan: Nucën ꞌIbu Dios axa aín cushi chaira ꞌaish bëtsi cushisama, ax ca ꞌApuira ꞌicën. A cananuna munuma banaquin rabin.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.