Lucas 11:17 - Kashibo-Kakataibo Biblia

¹⁷ Cacëxun ca Jesusan usaquin ca sinania quixun ꞌunánquin cacëxa: —Ësa ca. Achúshi menuxuan an ꞌapu ꞌimicë unibunën cushicaman bëtsi bëtsi oquin sináncë ꞌain ca a menu bucucë unicamax ꞌitsa ꞌaíshbi upitax bucui bëtsibë bëtsibë nuibananima ꞌacanani cëñutia. Usaribiti ca unicamax aín aintsibë nuibananima mëëanani tsuáqui nëtëtia.

Nukën 'Ibu Diosan ain unikama 'inan ain bana

¹⁷ Cacëxun ca Jesusan usaquin ca sinania quixun 'unánquin cacëxa: —Ësa ca. Achúshi menuxuan an 'apu 'imicë unibunën cushicaman bëtsi bëtsi oquin sináncë 'ain ca a menu bucucë unicamax 'itsa 'aíshbi upitax bucui bëtsibë bëtsibë nuibananima 'acanani cëñutia. Usaribiti ca unicamax aín aintsibë nuibananima mëëanani tsuáqui nëtëtia.

Lucas 11:17 Iomraidhean Croise

Mateo 9:4

Usaquin sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Juan 2:25

An ca unían cacëxunmabi camabi unin sinan ꞌunáncëxa.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.