Lucas 10:9 - Kashibo-Kakataibo Biblia

⁹ Camina anua ꞌicë ꞌinsíncë unicama pëxcuquin, ꞌëmi catamëtia Nucën Papa Diosan anun a ainan ꞌimiti nëtë ca ꞌurama ꞌicë quixun cati ꞌain.

Nukën 'Ibu Diosan ain unikama 'inan ain bana

⁹ Camina anua 'icë 'insíncë unicama pëxcuquin, 'ëmi catamëtia Nucën Papa Diosan anun a ainan 'imiti nëtë ca 'urama 'icë quixun cati 'ain.

Lucas 10:9 Iomraidhean Croise

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Mateo 3:2

Bana ñuixunquin ca cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca Nucën Papa Diosmi sináncë ꞌaíshmabi sinanati ami sinan.

Mateo 4:17

Bana ñuixuntabaquin ca Capernaúm ëmanu ꞌixun Jesusan anu ꞌicë unicama ësaquin cacëxa: —Anun Nucën Papa Diosan abë upí ꞌinun mitsu ainan ꞌimiti nëtë ca ꞌurama ꞌicën. Usa ꞌain ca ami sináncë ꞌaíshmabi sinanati ami sinan. Usaquian anuxun bana ñuixunquin cacësabi oquin ca Jesusan ꞌitsa oquin a bana unicama ñuixuancëxa.

Marcos 4:30

Amiribishi ñuitëcëni ca Jesús quiacëxa: —¿Nucën Papa Diosan cara ainan ꞌiti unicama uisoquin aín uni ꞌimiti ꞌic? ¿Uisa ñu itsiribi ñui caranuna a ñui quiti ꞌain?

Marcos 6:13

Usonan ca ñunshin ꞌatima uninua chiquíanan uni ꞌinsíncëcamaribi xëni ron ronquin pëxcüacëxa.

Lucas 10:10

Cuanx ëmanu bëbaia anu ꞌicë unicaman mitsu upí oquin biquinma mitsun bana cuaisama tancëbëtan camina anu ꞌitsa uni ꞌicë bai, anuxun ësaquin cati ꞌain:

Lucas 10:11

Nunu mitsu cacë bana cuatíma ca Nucën Papa Diosan iscëx ꞌaisama ꞌicë quixun mitsun ꞌunánun cananuna nun taxacanua ꞌicë mitsun ëmanu ꞌicë me cupúcë tërë́nbianin. Nux cuancë ꞌaínbi camina ꞌunánti ꞌain, axa Jesúsmi catamëcëcama Nucën Papa Diosan anun ainan ꞌimiti nëtë ca ꞌurama ꞌicë quixun.

Lucas 9:2

Usoquin catancëxun ca —Nucën Papa Diosan ca ꞌëmi catamëcë unicama ainan ꞌimiti ꞌicë —quixun unicama ñuixuanan ꞌinsíncëcama pëxcunun quixun aín ꞌunánmicë unicama xuacëxa.

Juan 3:3

Cacëxun ca Jesusan cacëxa: —Asérabi cana ꞌën mi cain, axa aín cushin bacë́ntëcëncëma uni ax ca Nucën Papa Diosnan ꞌitima ꞌicën.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Hechos 28:28

Camina ꞌunánti ꞌain, ꞌën mitsu ñuixuncë bana, Jesucristomi catamëtishi ca uni Nucën Papa Diosnan ꞌiti ꞌicë quiax quicë, a bana ñuixunia ca judíosma unicaman cuaxa. Usa ꞌaish ca atux a bana quicësabi oi ꞌiti ꞌicën.

Hechos 28:31

Biquin ca uisari cara uni Nucën Papa Diosnan ꞌiti ꞌicë quixun ñuixuanan uisai cara Nucën ꞌIbu Jesucristomi catamëti ꞌiti ꞌicë quixun ñuixuancëxa, uinu ꞌicë unínbia ubíocëma ꞌixun.