Lucas 10:42 - Kashibo-Kakataibo Biblia

⁴² Usa ñucama ꞌati asábi ꞌaínbi ca ꞌën bana cuati, ax bëtsi ñu ꞌati sináncësamaira oquin sinánti asábiira ꞌicën. Maríanën ca usaquin ꞌati sinánxa. Usa ꞌain cana ꞌën a ꞌaxunma ꞌanun catima ꞌain.

Nukën 'Ibu Diosan ain unikama 'inan ain bana

⁴² Usa ñucama 'ati asábi 'aínbi ca 'ën bana cuati, ax bëtsi ñu 'ati sináncësamaira oquin sinánti asábiira 'icën. Maríanën ca usaquin 'ati sinánxa. Usa 'ain cana 'ën a 'axunma 'anun catima 'ain.

Lucas 10:42 Iomraidhean Croise

Salmos 119:111

Min banakama ꞌën ꞌunánkë ax ka këñutima ꞌikën, a bana kaman ka chuáma tani kuëënun ꞌë ꞌimia.

Salmos 27:4

Achúshi ñushi kana Nukën ꞌIbu ñukan, usa ꞌain kana achúshi ñu ashi kuëënin: ax ka anuxun Nukën ꞌIbu rabiti xubunu ꞌëx kamabi nëtë anun tsókë a nëtëkama ꞌikën, a xubunuxun kana rabikin a ñukáti ꞌain. Ñukákin kana an unio ñukama upí iskin ashi rabiti ꞌain.

Salmos 73:25

¿Uix kara naínu an ꞌë ꞌakinkë a ꞌik? ¡Mixëshi kamina a ꞌain! ꞌËx mibë ꞌixun kana añu ñubi ënë menu ꞌixun kuëëniman.

Marcos 8:36

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën.

Lucas 10:39

ꞌAtsíntancëxuan bana ñuixunia ca Martanën xucën, María, axribi anu ꞌixun, a tanáin tsóxun Jesusan bana upí oquin cuacëxa.

Lucas 11:1

Nëtë itsin aín Papabë banatancëxa sënënia ca aín ꞌunánmicë uni achúshinën Jesús cacëxa: —Juanën ca aín ꞌunánmicë unicama Nucën Papa Diosbë banati ꞌunánmiaxa. Usaribi oquin camina nuribi abë banati ꞌunánmiti ꞌain.

Lucas 12:20

Usaquian sinania ca Nucën Papa Diosan caxa: Sinánñuma uni camina mix ꞌain. Ënë ñantánbi camina bamain. ¿Bamacëbë cara minmi bucúncë ñucama uinan ꞌiti ꞌic? Ca minanma ꞌiti ꞌicën.

Lucas 12:33

Mitsun ñu maruquin curíqui bixun camina ñuñuma uni ꞌinánti ꞌain. Ënë nëtënuaxa ꞌicësai ca Nucën Papa Diosan nëtë naínu ꞌicë ñucamax ꞌatimati cëñutíma, an ñu mëcamacë uni ca ꞌaíma ꞌicën, ꞌimainun ca an cëñuti nacuáxbi anu ꞌaíma ꞌicën. Usa ꞌain camina mitsux ñuñushi ꞌiti sinánquinma ax cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacëcama cupíoquin chuámarua aíshmi xënibua ꞌaínbi cuëënun mitsu ꞌimiti ꞌicën.

Lucas 16:2

Cacëxun cuatancëxuan unun quixun camicëxa ucë ca an a ñu mëëmicë unin aín uni caxa: Mimi ca uni manania. ¿Uisa cupí cara usa ꞌic? Cana mi chiquínti ꞌain. Cuanuxun camina anumi ꞌën mi bërúanxunun cacë ꞌën ñucama cuënëocë quiricacama ꞌë bëxúnti ꞌain.

Lucas 16:25

Cacëxun ca Abrahamnën ñuñu ꞌiá uni cacëxa: Mix bamacëma pain ꞌaish camina Lázaronëxa ñuñuma ꞌianan ꞌinsíncë ꞌaish nuibacamainun mix ꞌitsa ñuñu ꞌianan ꞌinsíncëma ꞌaish upitax tsoócën. Usai ꞌiá ꞌaíshbi ca bërí mixmi ꞌaisamaira paë tani tëmëramainun Lázaro ax asábiira ꞌicën.

Lucas 18:22

Cacëxun cuaquin ca Jesusan cacëxa: —Usari camina ꞌin. ꞌIxunbi camina achúshi ñuishi ꞌacëma ꞌain. Cuanxun camina min ñucama maruquin curíqui bixun ñuñuma unicama ꞌinánti ꞌain. Usotancëx camina ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Lucas 8:18

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni, a, an isa ꞌunánxa quixuan sináncë bana a camabi Nucën Papa Diosan manumiti ꞌicën. Usa ꞌain camina mitsun cuacë banacama upí oquin cuaquin, a bana quicësabi oquin ꞌati ꞌain.

Juan 11:1

Betania ëmanu ꞌicë uni Lázaro cacë, ax ca ꞌinsínñu ꞌiacëxa. Aín chirabacë rabëtax ca Marta ꞌimainun María ꞌiacëxa.

Juan 11:19

Usa ꞌain ca judíos unicama Martacëñun María aín rarëbacë ñucë sinania, masá nuitutia isi riquianx raruai aín xubunu a rapasu bucüacëxa.

Juan 12:3

Pimainun ca Maríanën ꞌitsaira cupícë ꞌinínti ro sanuira, nardo cacë, a medio kilosa bëacëxa. Bëxun anun tachabotancëxun ca Jesús aín bun tatërëancëxa. Usoquian ꞌacëxa xubu namë́ camabi tsitsirui bëqui sanuia ca xëcancëxa.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 5:24

Asérabi cana ꞌën mitsu cain, axa ꞌën bana cuati an ꞌë xuá ami sináncë uni, ax ca ainan ꞌaish nëtë́timoi Nucën Papa Diosnan ꞌia. A cupía Nucën Papa Diosnan ꞌitima ꞌicëbi aín ꞌuchacama tërë́ncë cupí ꞌuchañuma ꞌaish ca bamatancëxbi nëtë́timoi Nucën Papa Diosbë ꞌiti ꞌicën.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

1 Corintios 13:3

ꞌËn ñucama ñuñuma uni ꞌinánan upí ñu ꞌacë cupí bëtsi unin nëëncëx bamaiabi ca uni nuibati ꞌicëma ꞌicë, Nucën Papa Diosan ꞌë upí isima.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Deuteronomio 30:19

Ënë nëtën kana bërí mitsu kain naí ꞌimainun men ka unin kuankësa okin ꞌën mitsu kaia kuanti ꞌikën, ꞌaínbi ka a menu tsókë unikamax këñuti ꞌikën, usa ꞌain ka upíokin sinánxunkë ꞌimainun ꞌatima okin sinánxunkë ꞌiti ꞌikën, usa ꞌain kamina uisai kaina mitsux tsóti ꞌai isanan uisa ñu ꞌai kara mitsun rëbúnkikama tsóti ꞌikë kixun kati ꞌain;

Josué 24:15

Usa ꞌain kamina mitsun Nukën ꞌIbu rabitisama tani, bëríbi uisa dios kaina mitsun rabitisatani kiax kiti ꞌain: Kaina mitsun chaitiokëkaman Éufrates kakë baka kuëbí pain tsókë ꞌixun rabia dios, a rabiti ꞌain ꞌakima karamina anumi bërí tsókë amorreo unibunën me anu ꞌikë dios akama rabiti ꞌai kiax kamina kiti ꞌain. ꞌAínbi kana ꞌën, xanu ꞌën bakë bëchikëkamabëbi Nukën ꞌIbu kuëënkësa oíshi ꞌiti ꞌain.

Josué 24:22

Usai kikania ka Josuénën katëkëankëxa: —Mitsuxbi kamina Nukën ꞌIbu ismina rabinuxun ꞌai kiax kikanin. Kakëxun ka —atúnribi nukamanbi kananuna a ꞌai —kixun kakankëxa.