Lucas 10:22 - Kashibo-Kakataibo Biblia

²² Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Nukën 'Ibu Diosan ain unikama 'inan ain bana

²² Usaquin aín Papa Dios catancëxun ca Jesusan anu 'icë unicama amiribishi cacëxa: —'Ën Papa Diosan ca camabi aín sinan 'ë 'unánmiaxa. Uinu 'icë unínbi ca uisa uni 'ianan añu 'ai carana 'ëx uacën quixun 'unanima. 'Ën Papa Diosan cuni ca 'unania. Usaribi oquin ca uinu 'icë unínbi, uisa cara Nucën Papa Dios 'icë quixun 'unanima. Aín Bëchicë, 'ën cuni cana 'unanin, 'imainun ca a 'ën uisaira cara ax 'icë quixun 'unánmisa tancë unicama anribi 'unania.

Lucas 10:22 Iomraidhean Croise

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 13:3

Piquin ca —ꞌën Papan camabi ñu ꞌibuamianan ënë nëtënu xuá ꞌaish cana anuribi cuantëcënti ꞌai —quixun sináncëxa.

Juan 17:10

Uicamax cara ꞌëmi sinania acamax ca mimiribi sinania. Usaribiti ca uicamax cara mimi sinania acamax ca ꞌëmiribi sinania. ꞌËn sinánsaribi ca atun sinan ꞌicën.

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Juan 17:26

ꞌËx atubë ꞌimainun min ꞌë nuibacësaribitia atúxribi bëtsibë bëtsibë nuibananun cana uisaira caramina mix ꞌain quixun atu ꞌunánmian. Usa ꞌixun cana usabi oquin ꞌunánmiti ꞌain.

Juan 17:5

Usa ꞌain camina ënë nëtëa unicëma pain ꞌain ꞌëx ꞌiásabi oi misaribi ꞌitëcënun, minu cuania ꞌë ꞌimitëcënti ꞌain.

Juan 3:35

Nucën Papa Diosan ca aín Bëchicë nuibaquin axa aín ꞌibu ꞌinun camabi ñu a ꞌináncëxa.

1 Corintios 15:24

Nucën Papa Dios axëshia ꞌApuira ꞌinun, ca Cristonën utëcënquin ñunshin ꞌatima ꞌimainun an Nucën Papa Dios quicësama oquin ënë nëtënuxun uni sinánmicë cushicama cëñuti ꞌicën.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

Efesios 1:21

Usai ꞌinúan ꞌimicëx ca Cristo ax, a unin iscë ꞌapu ꞌimainun a unin iscëma ꞌapuribi ꞌimainun uisa cushi cara, ꞌimainun uisa ꞌapu cara, uisaquin caquin anëcë cara, acamabë sënë́nmaira ꞌicën. Usa bërí ꞌaish ca ënë nëtë cëñúcëbëribi usai ꞌiti ꞌicën.

Hebreos 2:8

Usonan camina unicama camabi ñu aín ꞌibu ꞌinun ꞌimiacën. Usa ꞌain ca camabi ñun ꞌibu ꞌinun ꞌimiquin Nucën Papa Diosan añu ñubi an ꞌibuacëma ꞌitimoquin unicama uniocëxa. Usa ꞌaínbi cananuna ꞌunanin, camabi ñuira ca unin ꞌibuacëma pain ꞌicën.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

2 Juan 1:9

Ui unin cara Cristonën bana quicësabi oquin ꞌaquinma ax cuëëncësa oquinshi ꞌaia abëma ca Nucën Papa Dios ꞌicën. Usa ꞌaínbi ca axa Cristonën bana quicësabi oi ꞌicë uni abë cuni Nucën Papa Dios ꞌimainun aín Bëchicë Jesucristo ꞌicën.