Lucas 10:21 - Kashibo-Kakataibo Biblia

²¹ Usaquin catancëxun ca Jesusan, aín Bëru Ñunshin Upitan sinánmicëx upiti cuëënquin, aín Papa Dios cacëxa: —Ën Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Nukën 'Ibu Diosan ain unikama 'inan ain bana

²¹ Usaquin catancëxun ca Jesusan, aín Bëru Ñunshin Upitan sinánmicëx upiti cuëënquin, aín Papa Dios cacëxa: —Ën Papa Dios, mixmi naí 'imainun menu 'icë ñucaman 'Ibu 'icë cana mi rabin. Ami uni 'unánmiti ñu a camina an ñu 'unáncë unicama 'unánmiquinma an ñu 'unáinracëma unicama 'unánmian. Usaquinmi 'acë cupí cana mi rabin. Usaquin 'ati camina mix cuëëan.

Lucas 10:21 Iomraidhean Croise

Salmos 24:1

Nukën ꞌIbunan ka kamabi me kuainakëa ax ꞌikën, usa ꞌain ka kamabi ñu anu ꞌikë a ꞌimainun, kamabi uni anu tsotia.

Salmos 8:2

Tuá xukama kikë bana ꞌimainun tuá chabu atux ka mi kushikin rabi kantaxa, usai ꞌikin ka axa mimi nishkë unikama ꞌaisamaira ꞌikëbi nëtë́miaxa. ¡Usakin ꞌakin ka axa mimi nishi ꞌësë́nankë unikama banaima nëtë́nun ꞌimiaxa!

Isaías 35:8

ꞌImainun ka anu achúshi bai cha upíira ꞌiti ꞌikën, “ax ka bai upí kakin anëkë ꞌiti ꞌikën.” Usa ꞌain ka uikamax kara aín ꞌucha sinánkin ain niti mëníokëma ꞌikë akamax a bain nitima ꞌikën; ꞌimainun ka sinánñuma unikama atúxribi anun inuti nitima ꞌikën.

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Isaías 66:1

Ësai ka Nukën ꞌIbu kiaxa: “Naíkamë ꞌëo ax ka ꞌëx anu tsókë a ꞌikën, ꞌimainun ka me axribi anu ꞌën taë nankë ꞌikën. ¿Uinu kara achúshi xubu ꞌë ꞌaxunti ꞌit? ¿Uinu kara anu tantiti achúshi xubu ꞌë ꞌaxunkanti ꞌit?

Mateo 16:17

Cacëxun ca Jesusan cacëxa: —Simón, Jonasan bëchicë, cana mi cain, unin ca usaquin mi sinánmicëma ꞌicën. ꞌËn Papa naínu ꞌicë an ca mi sinánxunquin usoquinmi sinánun mi sinánmiaxa. An ca mi sinánmiaxa quixun ꞌunani camina cuëënti ꞌain.

Mateo 21:16

Nishquin ca Jesús ñucáquin cacëxa: —¿Ënë xucamaxa quicë bana caramina cuatiman? Cacëxun ca Jesusan cacëxa: —Cana cuatin. ¿Mitsun caramina cuënëo bana axa ënë ñui quicë a iscëma ꞌain? A bana ca ësai quia: Xucamabëtan ca tuáracamanribi min ꞌimicëxun upí oquin mi rabia.

Mateo 3:7

Juanën bana ñuixunia cuati ꞌitsa uni ricuatsinmainun ca ꞌitsa fariseo uni ꞌimainun ꞌitsa saduceo uniribi an nashiminun quiax anu uacëxa. Aia isquin ca Juanën cacëxa: —Mitsux ꞌatima ꞌixun uni paráncë ꞌaish camina mitsun rara ꞌiásaribiti runu, an uni picë, asa ꞌain. ¿Usa ꞌicë cara anúan Nucën Papa Diosan ꞌaisama unicama atumi nishquin masóti nëtën masócë ꞌitin rabananmi sinananun quixun uin mitsu cax?

Marcos 10:15

Asérabi cana ꞌën mitsu cain, uix cara tuá xuratsua an bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Lucas 15:5

Bariquin mëraxun bitsi cuëënquin ca a ꞌiábëtsinti ꞌicën.

Lucas 15:9

Barixun mëraquin ca axa abë nuibanancë xanucama ꞌimainun axa a rapasu ꞌicë xanucama timëtancëxun cati ꞌicën, —ꞌën curíqui nëtë́cë cana mëran. Usa ꞌain cananuna cuëënti ꞌain.

Juan 11:41

Cacëbëtan ca anu ꞌicë unicaman maxax racanacëxa. Racanamainun ca Jesusan manámi bësuquin Nucën Papa Dios cacëxa: —Papan, camina ꞌën bana cuan. Usa ꞌain cana mi asábi ca quixun cain.

2 Corintios 4:3

Nun nu Jesucristomi catamëti ca uni Nucën Papa Diosnan ꞌiti ꞌicë quixun uni ñuixuncë ꞌaínbi sapi ca axa Jesucristomi catamëti ië́tisama tancë unicaman a banax ca upí oquin cuaisama ꞌicë quixun sinánti ꞌicën.

Efesios 1:11

Nux Cristonan cupí aín uni raíri ꞌacësaribi oquin nu axa cuëëncësabi oi ꞌianan aín nëtënu abë ꞌiti nu ꞌiminuxun ca Nucën Papa Diosan ainan ꞌinun nu caísacëxa. Usai nux ꞌinun ca Nucën Papa Diosan camabi ñu ax cuëëncësabi oquin ꞌaquin mëníocëxa.

Efesios 1:5

Axa cuëëncësabi oquin ca nu nuibaquin Jesucristo cupí aín bëchicë ꞌinun nu caísacëxa.