Lucas 10:13 - Kashibo-Kakataibo Biblia

¹³ Ësaquinribi ca Jesusan cacëxa: —Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Nukën 'Ibu Diosan ain unikama 'inan ain bana

¹³ Ësaquinribi ca Jesusan cacëxa: —Corazín ëmanuax ucë unicama 'imainun Betsaidanuax ucë unicama, mitsu cana asérabi cain, mitsun ëmanuxun 'ën cushínbi 'ën ñu 'acësaribi oquin Tiro 'imainun Sidón anuxun 'ën 'á 'ain ca anu 'icë unicama aín 'uchacama ëni 'ëmi sinan 'itsíanxa. Aín 'ucha cupí masá nuituti sinanati ca chupa chëquicë pañuanan chimaputan mashiquia 'itsíanxa.

Lucas 10:13 Iomraidhean Croise

Job 42:6

Usa ꞌain kana ꞌëx kikë banakama a sinani rabinin, chimapu kupúkënu tsóxun kana usai kiaxma ꞌinúma kana kia kixun sinan.

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Daniel 9:3

Usa ꞌain kana añu ñubi pima chupa xëni pañuax chimapunu tsókin ësokin Dios ñukákën.

Amós 1:9

Ësai ka Nukën ꞌIbu kia: “Tironu ꞌikë unikaman ka ꞌitsaira ñu ꞌakin ꞌatima ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka ꞌain ꞌaintsisa ꞌaish abë nuibanankë ꞌixunbi achúshi ñu ꞌá ami manukuainxun Edomnu ꞌikë unikama bëtsi uni ꞌakësokin ꞌinankëxa.

1 Timoteo 4:2

Usai ꞌiquin ca axa cëmëcë unin bana cuati ꞌicën. A cëmëcë unicama an ca cëmë́ntapun ꞌaish cëmëquin, usai banati ca ꞌaisama ꞌicë quixun ꞌunaníma. Usa unicamax ca aránpi ꞌitsisan mëpëpëcacë́xa mocënu ñun naxcacëxunbia paë tancëma unisaribi ꞌicën.

Apocalipsis 11:3

A unicamaxa ꞌatimati anu nimainun cana an ꞌë ñuiquin unicama canun rabë́ uni xuti ꞌain. A uni rabë́ ax ca rabë́ olivos cacë iisa ꞌimainun rabë́ anu lamparín nanti ñusa ꞌicën. An ca ꞌën xucëxun ꞌaisamaira nëtë, mil doscientos sesenta, a nëtëcama ꞌë ñuiquin bana unicama ñuixunti ꞌicën. Atux ca masá nuitucë unían pañucësaribi chupa pañucë ꞌiti ꞌicën.