Lucas 1:78 - Kashibo-Kakataibo Biblia

⁷⁸ Usoquin ꞌiminuxun ca Nucën Papa Diosan nu nuibaquin, an nu ië́miti, a aín nëtënu ꞌicëbi ënë menu nubë ꞌinun xuti ꞌicën.

Nukën 'Ibu Diosan ain unikama 'inan ain bana

⁷⁸ Usoquin 'iminuxun ca Nucën Papa Diosan nu nuibaquin, an nu ië́miti, a aín nëtënu 'icëbi ënë menu nubë 'inun xuti 'icën.

Lucas 1:78 Iomraidhean Croise

Isaías 11:1

Ësai ka Dios kiakëxa, Jesénën rëbúnki achúshinuax ka i mo kótëkëni kanikë usaribi ꞌitánun achúshi uni mërati ꞌikën, usa ꞌi ka aín tapunuaxi kookësa ꞌi mërati ka ax ꞌapu ꞌiti ꞌikën.

Isaías 42:16

Usakin ꞌanan kana bëxuñu unikama aribi atun ꞌunánkëma bain, buánkin anua niama bain buánti ꞌain. Uankin kana bëánbëankibukë aribi atun ismainubia xabá ꞌinun ꞌimiti ꞌain, ꞌimianan kana me nankë́kë axribia mëníokati upiti rakanun ꞌimiti ꞌain. Ënë ñukama kana, kana ꞌaíma kikínma asérabi ꞌati ꞌain.

Isaías 63:15

Nun ꞌIbu min kamina naíkamë ꞌëonuxunbi nu ꞌisti ꞌain, upíira anuxunbi kamina min isti ꞌain. ¿Uinu kara mix nuibanankë chaiira ꞌimainun min kushi ax ꞌit? ¿Uinu kara nu sinánkinmi nukama nuibakë ax ꞌit? ¿Minmi nukama nuiba a kaina numi manukin ëan?

Isaías 63:7

ꞌËn kana ñuitisa tanin uisakin kara Nukën ꞌIbun nu nuibatia kixun, ꞌianan kana a rabi kantatisa tanin, kamabi ñu an nukama ꞌaxunkë a kupín, an ka Israel ꞌaintsikama ꞌitsaira nu nuibakin, ax nuibanankëira ꞌixun usakin ꞌaxa usa ꞌain, axëshi nuibanankë a ꞌikën.

Malaquías 4:2

ꞌAínbi ka an ꞌëx kikësabiokin ꞌakë unikama mitsunan, ꞌën ꞌakë ñu upíkama ax. Barin urukin pë́kabëtsinkësa usaribi ꞌiti ꞌikën, an ka mitsu ië́miti ꞌikën. Usakin ꞌakëx kamina kuëëni vaca bakëkama anuxun pimikë xubunuax chikiti chirinkë usairibi ꞌikanti ꞌain.

Números 24:17

Diosan ꞌë ismikë ñukama ax ka ꞌisama pain ꞌikën, usa ꞌikë kana ꞌurakëo ñu iskësokin ꞌën isin: ax ka Jacobnën rëbúnkinuax achúshi ꞌispa chikíkësa ꞌaish an Israel kama ꞌakinti ꞌapu ꞌiti ꞌikën. An ka Moabnu ꞌikë unikama kupitanunma ꞌanan Setnën rëbúnkikamaribi kupitanunmashi ꞌati ꞌikën.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Efesios 5:14

Usa ꞌain ca ësai Nucën Papa Diosan bana cuënëo quia: ꞌUxcësa ꞌaíshbi bësucësa ꞌinux ca Cristomi catamët. Ainanma ꞌaish min ꞌucha cupí bamacësa ꞌaíshbi ca Cristomi catamëti ië́t. Usa ꞌicë ca min ñu ꞌaisama ꞌacëcama ëmianan mix asaribi upí ꞌinun ꞌimiti ꞌicën.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

Filipenses 2:1

Mitsux an ꞌaquincëx Cristomi cushianan an nuibacëx cuëëni, Nucën Papa Diosan Bëru Ñunshin Upíñu ꞌianan ꞌë nuibacë ꞌaish,

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

2 Pedro 1:19

Usai banaia cuaquin cananuna ꞌunáncën, an Nucën Papa Dios quicë bana uni ñuixuncë unin cuënëo bana quiásabi oi ca Jesucristo ꞌiaxa quixun. Mitsúnmi upí oquin a bana sinánti ca asábi ꞌicën. Lamparinën bëánquibucënuxun pëcacëbëtan cananuna xubunu ꞌicë ñu upí oquin isquinmabi isin. Usaquin isquinbi cananuna barían pëcacëbëtainra upí oquin isin. Usaribi oquin camina a unicaman bëráma cuënëo bana ꞌunánquinbi asérabi mitsun nuitunubi Cristo ꞌicëbëtainra, uisai cara a bana quia quixun upí oquin ꞌunánti ꞌain.

1 Juan 3:17

¿Usa ꞌain cara an ñuñu ꞌixunbi axa ꞌaquinsa ꞌicë isquinbi uni itsi nuibaquin ꞌaquincëma uni, ax Nucën Papa Diosmi sináncë ꞌic? Usama ca.

Apocalipsis 22:16

ꞌËx cana Jesús ꞌain. Usa ꞌixun cana axa ꞌëmi catamëcë unicaman ënë ñucama ꞌunánun ꞌën ángel mia canun xuan. ꞌËx cana David, axa judíos unibunën ꞌapu ꞌiá, aín rëbúnqui ꞌain. Usa ꞌaíshbi cana ꞌëx David ꞌicëma pan ꞌain ꞌiacën. Pëcaratia xaba ꞌinúan ꞌispon urucë usaribi cana ꞌëx ꞌiti ꞌain.