Lucas 1:77 - Kashibo-Kakataibo Biblia

⁷⁷ Min sinánmicëxun ca ꞌunánti ꞌicën, a cupí ca atun ꞌuchacama tërë́ncë ꞌaish Nucën Papa Diosnan ꞌinun ië́micë ꞌiti ꞌicë quixun.

Nukën 'Ibu Diosan ain unikama 'inan ain bana

⁷⁷ Min sinánmicëxun ca 'unánti 'icën, a cupí ca atun 'uchacama tërë́ncë 'aish Nucën Papa Diosnan 'inun ië́micë 'iti 'icë quixun.

Lucas 1:77 Iomraidhean Croise

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Lucas 3:3

ꞌImicëx cuani Jordán cacë baca rapasu ꞌicë mecamanu cuanquin bana ñuixuni ca ësai quiacëxa: —Sinanaquin mitsun ꞌuchacama ëni Nucën Papa Diosmi sinani camina nashimicë ꞌiti ꞌain, mitsun ꞌuchacama tërë́ncë ꞌinun.

Lucas 3:6

Usoquian ꞌan ca ax uti ꞌicën. Axira ucëbëtan ca camabi unin, uisaira oquin cara Nucën Papa Diosan, unicama ꞌaquinquin ainan ꞌinun ië́miti ꞌicë quixun isti ꞌicën.

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.

Juan 1:34

Usaquin isun cana —ax ca Nucën Papa Diosan Bëchicë ꞌicë —quixun camabi uni cain. Usaquin ca Juanën cacëxa.

Hechos 10:43

An Nucën Papa Dios quicë bana uni ñuixuncë unicamaxribi ca Jesús ñui ësai quiacëxa, camabi uni axa aín bana cuati ami catamëcë, a ca aín ꞌuchacama Jesusan tërë́nxunia quixun.

Hechos 19:4

Cacëxun ca Pablonën cacëxa: —ꞌAtimaquin sináncë ꞌixunbia sinanatia ca Juanën uni nashimiacëxa. Nashimiquin ca cacëxa, axa a caxu uti uni achúshi, Jesús, axa utia judíos unicaman caíncë, Cristo, ami sinánun quixun.

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Hechos 5:31

Usotancëxun ca abëa aín mëqueu ꞌApu ꞌinun ꞌimiaxa. ꞌImianan ca axa atun ꞌApu ꞌaían a cupíshi sinanati Israel unicama atun ꞌucha tërë́ncë ꞌaish ië́cë ꞌinun ꞌimiaxa.

Romanos 3:25

Ami catamëtía, uni aín ꞌuchacama tërë́ncë ꞌinun ca camabi unin ꞌucha cupía Cristo bamanun Nucën Papa Diosan mëníocëxa. An Jesucristo bamati mënío ꞌixun ca bëráma ꞌiá uniribi, axa sinanatia Nucën Papa Diosan aín ꞌuchacama ashiquin manumiacëxa. Usaquin an ꞌá cupí ca camabi unin ꞌunánti ꞌicën, Nucën Papa Diosan ca asérabi upíira upí ꞌixun an usai ca ꞌiti ꞌicë quixun mëníosabi oquin ꞌaia quixun.

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.