Lucas 1:7 - Kashibo-Kakataibo Biblia

⁷ Usa ꞌain ca Elisabet tuáñuma xanu ꞌianan a rabëtaxbi xëniira ꞌiacëxa.

Nukën 'Ibu Diosan ain unikama 'inan ain bana

⁷ Usa 'ain ca Elisabet tuáñuma xanu 'ianan a rabëtaxbi xëniira 'iacëxa.

Lucas 1:7 Iomraidhean Croise

Génesis 17:17

Usakian Nukën ꞌIbu Diosan kakëx ka Abraham rantipuruni memi bëtiki tsóbuti, ësokin sinani kuaiakëxa: ¿Achúshi unin kara cien baritiañu ꞌixun bëchiti ꞌik? ¿ꞌImainun kara Saran noventa baritiañu ꞌixun achúshi tuá ꞌati ꞌik? Ësakin ka Abrahamnën sinánkëxa.

Génesis 18:11

Usa ꞌaínbi ka Abraham ax uni apan kaniakëkë ꞌimainun ka aín xanu Sara axribi xanu apan kaniakëkë ꞌiakëxa usa ꞌaish ka Sara bërámabi aín pëi machakë sënë́nkë ꞌiakëxa.

Génesis 25:21

Usa ꞌain ka Rebeca tuakëma xanu ꞌiakëxa, usa ꞌain Isaac an ami bëchikaskin ꞌain xanu ꞌitsaira ñukáxuankëxa. Usakian ñukákëxun ka Nukën ꞌIbun an ñukákë a kuakin Rebeca tuuñu ꞌinun ꞌimiakëxa.

Génesis 30:1

Usa ꞌain ka Raquel ax ꞌën kana Jacob tuá xunima kixun sinani aín xukë́n Líami ꞌitsaira nishakëxa, nishkin ka aín bënë kakëxa: —ꞌËmiribi kamina bëchiti ꞌain, min ꞌëmi bëchikëmax kana ñuti ꞌain.

1 Reyes 1:1

ꞌApu David ax ka uni ꞌikësabi kaniakëkë ꞌiakëxa. Usa ꞌixun ka an bërúankë aín unikaman upíokin chupan mapuanan chupa kata ꞌitsa pañumikëxunbi xana tanima aín nami matsikëshi ꞌiakëxa.

2 Reyes 4:14

Usai ki chikíkiania kuankëbëtan ka an ñu mëmikë uni kakëxa, —¿Usaía ꞌia karanuna nunribi uisaxun a xanu ꞌakinti ꞌain? —ꞌËnribi kana uisakin karanuna ꞌakinti ꞌai —ꞌunanima kixun ka Guehazínën kakëxa—. A xanux ka tuáñuma ꞌimainun aín bënë kaniakëkë ꞌikën.

Lucas 1:5

Herodes Judea cacë menu ꞌapu ꞌain ca Zacarías cacë uni judíos sacerdote achúshi ꞌiacëxa. An mëníosabi oquin ca anuxun a rabiti xubunuxun, Abíasnën unicamabëtan Zacaríasnën Nucën Papa Dios rabiquin ñu ꞌaxuancëxa. Zacaríasnën xanu ax ca Aaronën rëbúnqui, Elisabet cacë, ꞌiacëxa.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Lucas 1:8

Usabi oquin ꞌacë ꞌixun ca achúshi nëtën Abíasnën unicaman anuxun Nucën Papa Dios rabiti xubu anuxun atun ꞌati ñu ꞌaquin,

Romanos 4:19

Abraham cien baritiañusa ꞌaish cushima ꞌimainun ca aín xanu Sara axribi xëni ꞌaish tuatisama ꞌiacëxa. Usa ꞌixunbi ca Abrahamnën —uisa ꞌaish carana bëchicëñu ꞌiti ꞌai —quixun ꞌunánquinmabi —Nucën Papa Diosan ꞌë cacësabi oi ca asérabi ꞌiti ꞌicë —quixun sináncëxa.

Hebreos 11:11

Abrahamnën xanu, Sara, anribi ca Nucën Papa Diosan Abraham cacësabi oquin, caniacëquinbi tuacëxa, Nucën Papa Dios quicësabi oi cana ꞌiti ꞌai quixun sináncë cupí. Usai tuutancëx ca Sara bëbu tuá, Isaac cacë, bacë́ancëxa.

1 Samuel 1:2

Elcaná ax ka rabë́ xanuñu ꞌiakëxa. Bëtsíxa Ana kakin anëkë ꞌimainun ka bëtsiribi Peniná kakin anëkë ꞌiakëxa. Usa ꞌain ka Peniná kakë an tuamainun Ana kakë ax tuakëma xanu ꞌiakëxa.