Lucas 1:68 - Kashibo-Kakataibo Biblia

⁶⁸ —Nucën ꞌIbu Dios, a Israel ꞌimainun aín rëbúnquicaman rabicë, a ca camabi unin rabiti ꞌicën. An ca aín unicama ꞌicë nu nuibaquin, an nuxnu ami sinánun nu sinánmiti a xuaxa.

Nukën 'Ibu Diosan ain unikama 'inan ain bana

⁶⁸ —Nucën 'Ibu Dios, a Israel 'imainun aín rëbúnquicaman rabicë, a ca camabi unin rabiti 'icën. An ca aín unicama 'icë nu nuibaquin, an nuxnu ami sinánun nu sinánmiti a xuaxa.

Lucas 1:68 Iomraidhean Croise

Génesis 14:20

ꞌianan ka Nukën ꞌIbu Dios kamabi kushiñu an mi, abëmi ꞌakanankë unikama ꞌanun ꞌamikë ax ꞌupiokin rabikë ꞌiti ꞌikën. Usakian Melquisedecnën kakëxun ka Abramnën an bibiankin buánkë ñukama raíri ꞌinánkëxa.

Génesis 24:27

asabi ka kakin: ¡ꞌËn ꞌibu Abraham aín Dios, ax ka abë upí ꞌianan a nuibakë ꞌixun ꞌëx aín aintsikaman xubunu bëbanun ꞌë bërúanxun bëaxa kiax kiakëxa!

Génesis 9:26

Usokin ꞌaxa basikëbëtan ka ësokinribi kakëxa: Chúamarua ka Nukën ꞌIbu Semnën Dios ꞌiti ꞌikën, Canaánën bëchikëkama ax ka tëmërakin an uni ñu mëëxunkëishi ꞌiti ꞌikën.

1 Reyes 1:48

ësai kiakëxa: “Israelkaman Dios ax ka upíokin rabikë ꞌiti ꞌikën, usa ꞌixun ka ꞌën bakë bëchikë achúshi ꞌënbi ismainun ꞌapu ꞌimiaxa, usakin rabikin ꞌaia kana isan kixun ka, Jotamnën ñuixunkin atu kakëxa.”

1 Reyes 8:15

ësai kiakëxa: Israel unikaman Dios ax ka upíokin rabikë ꞌiti ꞌikën, an ka ꞌën papa David kásabiokin ꞌaxa, usa ꞌaish ka ësai kiakëxa:

Salmos 130:8

¡An ka Israel unikama nuibakin, atun ꞌuchakëkama tërënxunti ꞌikën!

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Lucas 1:71

an ca an nu nuibacëma unicaman ubíotima oquin nu ië́mianan axa numi nishcë unicaman bëtsi bëtsi otima oquin nu ië́miti ꞌicën.

Lucas 2:38

Josébë María a bëi atsíncëbë axribishi anuxun Nucën Papa Dios rabiti xubunu atsínquin ca Anan Jesús isacëxa. Isi cuëënquin ca —asábi ca —caquin Nucën Papa Dios rabiacëxa. Rabiquin ca anu ꞌicë uni an anun Jerusalénu ꞌicëcama ꞌimainun camabi judíos uni chuámarua ꞌinux ië́ti nëtë caíncë unicama, a Jesús ñuiquin —an nu ië́miti a ca ënëx ꞌicë —quixun cacëxa.

Lucas 24:21

Nun cananuna Romanu ꞌicë unían, nux Israel unibu ꞌicë, nu ꞌimainun nun nëtëcamaribi ꞌibuacë ꞌaínbia nunainshi nun nëtë ꞌinun, an nu mëníoxunti sinan, ꞌaínbi ca bamaëxanxa.

Lucas 7:16

Usaía ꞌia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx ꞌicë —quianan ca —Nucën Papa Diosaxbi ca aín unicama ꞌaquini uaxa —quiacëxa.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Hebreos 9:12

Tabernáculonu ꞌicë cata Upíira cacë, anua sacerdotenën cushicaman ꞌapun chivo ꞌimainun vaca bacë rëxun aín imi buan ꞌaínbi ca Jesucristo aín imi ꞌapati bamatancëx baísquiax, anuira Nucën Papa Dios ꞌicë anu cuancëxa. Anu ashiti cuan ꞌixun ca nun ꞌuchacama tërë́ncë ꞌaíshnu xënibua ꞌaínbi Nucën Papa Diosnan ꞌinun nu ꞌimia.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.