Lucas 1:65 - Kashibo-Kakataibo Biblia

⁶⁵ Usai ꞌicëbë ca anu ꞌicë unicama sináncasmai ratúacëxa. ꞌImainun ca Zacaríasbëa aín bëchicë usai ꞌicë banacama Judea menu ꞌicë matácamanu ꞌicë unicaman chanioia cuacëxa.

Nukën 'Ibu Diosan ain unikama 'inan ain bana

⁶⁵ Usai 'icëbë ca anu 'icë unicama sináncasmai ratúacëxa. 'Imainun ca Zacaríasbëa aín bëchicë usai 'icë banacama Judea menu 'icë matácamanu 'icë unicaman chanioia cuacëxa.

Lucas 1:65 Iomraidhean Croise

Mateo 2:1

Herodes axa Judea cacë menu ꞌicë unicaman ꞌapu ꞌaish Jerusalénu ꞌain ca a menu ꞌicë ëma, Belén cacë, anuax Jesús bacë́ancëxa. Belénuaxa Jesús bacë́an ca aucüaxa bari urucë anuax an ñu ꞌunáncë unicama, Belén ꞌurama ꞌicë Jerusalén ëmanu cuancëxa.

Lucas 1:39

ꞌItsama nëtë ꞌicëbë ca María bënëtishi Judea menu ꞌicë ëma achúshi, matánu ꞌicë, anu Elisabet isi cuancëxa.

Lucas 2:18

Usaquian an ñuina bërúancë unin ñuia cuati ca an cuacë unicama ratúacëxa.

Lucas 5:26

Usai niruquiani cuania isi ratuti ca Nucën Papa Dios rabi —ësa ñu cananuna isáma ꞌai —quiax quicancëxa.

Lucas 7:16

Usaía ꞌia isi ratuti racuëtibi cuëëni ca unicamax Nucën Papa Dios rabi quiacëxa: —An Nucën Papa Dios quicë bana unicama ñuixunti uni aira ca ënëx ꞌicë —quianan ca —Nucën Papa Diosaxbi ca aín unicama ꞌaquini uaxa —quiacëxa.

Hechos 19:17

Usoquian ꞌacëa ñuia ca Efesonu ꞌicë judíos unicama ꞌimainun judíosma unicamanribi cuacëxa. Cuati racuë́quin ca: —Nucën ꞌIbu Jesús, ax ca cushiira ꞌicë —quiquin a rabiacëxa.

Hechos 2:43

Usa ꞌain ca atun ꞌaia isía, a ëmanu ꞌicë unicamax ratúmainun aín bana ñuixunuan Jesucristonën caíscë unicaman uni itsin ꞌacëma ñu ꞌacëxa.

Hechos 5:11

Usacëbë ca axa Jesucristomi catamëcë unicama ꞌimainun an ñuicania cuacë unicamaxribi racuë́ira racuë́acëxa.

Hechos 5:5

Ësai quia cuatishi ca Ananías nipacëti bamacëxa. An usai bamacë ñuicania cuacë unicamax ca racuë́iracëxa.

Josué 10:6

Usaia atu ꞌakatsi kiax timëkiani kuankë, kuakin ka Gabaón ëmanu ꞌikë ꞌapun, Josué Guilgal menu ꞌia ësokin kamiakëxa: ꞌËn kamikëx kamina kana kuanima kiax kima an mi ñu mëëxunti unikama ënë mix kikësabiokin ꞌakini min suntárukamabëbi uti ꞌain. Aín bashinu tsókë Amorreo unibunën ꞌapukamax ka aín suntárukamabëbi timë́kuatsini nu ꞌakatsikiax uaxa.

Apocalipsis 11:11

Rabë́ ꞌimainun achúshi nëtë ꞌimainun nëtë itsi bari xamárucëbë ca a rabëtax bamaxbi Nucën Papa Diosan ꞌimicëx uinacëtëcëni niruaxa. Nirucëbë ca an atu iscë unicama ratuti racuë́ira racuë́axa.