Lucas 1:49 - Kashibo-Kakataibo Biblia

⁴⁹ Nucën Papa Dios ax cushiira ꞌixun ca ꞌën sináncëma ñu upíira upía ꞌë canun quixun aín ángel xuaxa. An ca aín sinan upíira ꞌaish uisa ñu ꞌatimabi ꞌati sinanima.

Nukën 'Ibu Diosan ain unikama 'inan ain bana

⁴⁹ Nucën Papa Dios ax cushiira 'ixun ca 'ën sináncëma ñu upíira upía 'ë canun quixun aín ángel xuaxa. An ca aín sinan upíira 'aish uisa ñu 'atimabi 'ati sinanima.

Lucas 1:49 Iomraidhean Croise

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Salmos 24:8

¿Ui kara ꞌapuira ꞌianan kushiira ënëx ꞌik? ¡Ax ka Nukën ꞌIbu kushiira ꞌianan rakuëma ꞌikën! ¡Ax ka Nukën ꞌIbu ꞌaish rakuëtimaishi ꞌakanania!

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Isaías 1:24

Usa ꞌain, ka kamabi kushiñu, Israel unikaman Dios ax asérabi kiakëxa: “¡Asá ka anuishi ka ꞌiti ꞌikën! ꞌËn kana axa ꞌëmi nishkë unikama aín ꞌakë ñukama iskin uisakin karana ꞌati ꞌai usakin ꞌati ꞌain. ꞌËn kana atun ꞌakë ñukama ꞌunánkin uisa karana oti ꞌai usakin ꞌati ꞌain.

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Isaías 63:1

¿Ui kara axa Bosrá kakë ëma chaiira Edom kakë menua ꞌikë anuax ai, aín chupa chëxëira tsákatsaka okë upíira a pañuax ain kushibëshi ukë ax ꞌik? ꞌËx kana kana kanan kixun ꞌupiokin ñu ꞌakë a ꞌianan, kushiira ꞌixun an uni ië́miti a ꞌain.

Jeremías 20:11

ꞌAínbi kamina mix Nukën ꞌIbu ꞌaish ꞌëbë ꞌai, achúshi uni ꞌakánanti ꞌunáinra ꞌikë uínbi kanánkëma usaribi ꞌain; usa ꞌain ka an ꞌë ꞌakatsi kixun nuikë unikaman, ꞌë rëtëtima ꞌikën; usai ꞌika atun ꞌanuxun sinánkë usakin ꞌaíma rabinkë bërúti ꞌikën, usaía rabinkë ax ka uínsaranbi uínbi manukëma ꞌiti ꞌikën.

Marcos 5:13

Cacëxun ca Jesusan —ca cuantan —cacëxa. Cacëx ca ñunshin ꞌatima a uninuax chiquíquianx cuchinu atsíancëxa. Atsíncëbë ca cuchicama camáxbi ꞌaisamaira, rabë́ milsa ꞌaish, tsuáquiquiani abáquiani cuanx cuëtúnuax parúmpapanu rëucubuti bacamiqui cëñúacëxa.

Lucas 1:48

ꞌËx ñuñuma ꞌaíshbi ami sináncë ꞌicë ca Nucën ꞌIbu Diosan ꞌë sinánxuanxa. Usoquin sinánxuncë ꞌëx ꞌain ca camabi unix ꞌë ñui —a ca Nucën Papa Diosan upí oquin sinánxuanxa —quiti ꞌicën. Axa ënë nëtënu bucucë unicaman rëbúnquinëxribi ca usai ꞌë ñui quiti ꞌicën.

Lucas 1:50

Usabi oquin ca uicaman cara ami racuë́anan aín bana cuatia acama nuibaquin ꞌaquinia.

Efesios 3:20

Ax cushiira ꞌaish nubë ꞌixun ca Nucën Papa Diosan nun ñucácësamaira oquin nu ꞌaxúanan nun sináncësamaira oquinribi sinánxunquin nu ꞌaquinti ꞌicën.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 4:8

A ñucama achúshi achúshinëx ca anúan nuánti mëcën achúshi ꞌimainun achúshi pëchiñu ꞌiaxa. Aín bërucamax ca ëman ꞌianan ꞌucë mëúribi ꞌiaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí ꞌicën. Aín cushix ca chaira ꞌaish bëtsi cushisama ꞌicën. Ax ca usabi ꞌiá ꞌaish, usabi ꞌaish, usabi ꞌiti ꞌicën.

1 Samuel 2:2

¡Nukën ꞌIbu uixi ka upíira misaribi ꞌaíma ꞌikën! ¡Uínbi ka min ꞌakësa okin bërúankin nu ꞌakinima, Nukën ꞌIbu! Uixi ka misaribi ꞌaíma ꞌikën.