Lucas 1:35 - Kashibo-Kakataibo Biblia

³⁵ Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti ꞌicën. Manámi ꞌicë Nucën Papa Diosan sinanën camina tuñu ꞌiti ꞌain. Usaquian sinánxuncëxunmi tuacëx ca ax Nucën Papa Diosan iscëx upíira ꞌiti ꞌicën, —ax ca Nucën Papa Diosan Bëchicë ꞌicë —quiax ca unicamax a ñui quiti ꞌicën.

Nukën 'Ibu Diosan ain unikama 'inan ain bana

³⁵ Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti 'icën. Manámi 'icë Nucën Papa Diosan sinanën camina tuñu 'iti 'ain. Usaquian sinánxuncëxunmi tuacëx ca ax Nucën Papa Diosan iscëx upíira 'iti 'icën, —ax ca Nucën Papa Diosan Bëchicë 'icë —quiax ca unicamax a ñui quiti 'icën.

Lucas 1:35 Iomraidhean Croise

Job 14:4

Uínbi ka bëtsi uni asérabi upí ꞌinun ꞌatima ñunua mënioima, usa ꞌain ka kamabi unix aín titan tuákë ꞌikën.

Salmos 2:7

ꞌËx kana uisakin ꞌati kara Diosan sinánxa a ñui kiti ꞌain, an ka ësakin ꞌë kaxa: Mix kamina ꞌën bakë bëchikë ꞌain; usa ꞌaish kamina bërí ꞌën bakë bëchikëira ꞌiti ꞌain.

Salmos 51:5

Asérabi kana ꞌën titan tuakëxbi ꞌuchañu ꞌiakën; usa ꞌaish kana ꞌën titan puku ꞌukëmëu ꞌaishi ꞌuchañu ꞌiakën.

Mateo 1:18

Ënë menua Jesucristo uti ca ësai ꞌiacëxa: María ax ca Josénën binuxun ꞌunánti ocë xanu ꞌiacëxa. Josébë biranancëma pan ꞌaish ca Nucën Papa Diosan Bëru Ñunshin Upitan sinanënshi ꞌimicëx tuñu ꞌiacëxa.

Mateo 1:20

Usoquin sinántancëx ꞌuxun ca Josénën namáquin Nucën ꞌIbu Diosan xucë aín ángel achúshi isacëxa. Iscëxun ca cacëxa: —José, Davitan rëbúnqui, cana mi cain. Maríanën tuá ax ca Nucën Papa Diosan Bëru Ñunshin Upitan ꞌimicëxëshia ꞌicë ꞌicën. Usa ꞌain camina timaquinma min xanu ꞌinun María biti ꞌain.

Mateo 14:33

Nëtë́cëbëtan ca manë nuntinu ꞌicë unicaman a tanáin rantin puruni tsóbuti ami sinánquin Jesús cacëxa: —Mix camina asérabi Nucën Papa Diosan Bëchicë a ꞌain.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Mateo 4:3

Panancë ca ñunshin ꞌatimanën ꞌapun anu uxun ꞌatima ñu ꞌamicatsi quixun ësaquin cacëxa: —Asérabi Diosan Bëchicë ꞌixun ca ënë maxáxcama pán ꞌinun cat.

Marcos 1:1

Ënëx ca upí bana, Nucën Papa Diosan Bëchicë, Jesucristo, a ñui uisai cara axa uti ꞌiacëxa quiax quicë ꞌicën.

Marcos 1:24

—Jesús, Nazaretnu ꞌicë, min caina nu uisa oti ꞌain? ¿Mix caramina nu cëñui uan? ꞌËn cana mi ꞌunan. Mix camina ainan ꞌaish Diosnuax ucë a ꞌain.

Lucas 1:27

unibë ꞌicëma pan xanu, María cacë, a istánun xuacëxa. A xanux ca Davitan rëbúnqui, José cacë uni, an binuxun cacë ꞌiacëxa.

Lucas 1:34

Cacëxun ca Maríanën ángel cacëxa: —ꞌËx cana unibë ꞌicëma pan ꞌain. ¿Usa ꞌaish carana uisax usai ꞌiti ꞌain?

Lucas 1:36

Min xucën, Elisabet, anribi ca caniacëquinbi bëbu oquin tuaia. Ca tuaíma quicancëbëbi ca aín tuá mëcën achúshi ꞌimainun achúshi ꞌuxë́inshi chaia.

Juan 1:34

Usaquin isun cana —ax ca Nucën Papa Diosan Bëchicë ꞌicë —quixun camabi uni cain. Usaquin ca Juanën cacëxa.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Hechos 8:36

Ñuixunbiancëxun ca baca cuëbí ꞌurama cuanquin, a unin Felipe cacëxa: —Ënu ca baca ꞌicën. ¿Anuxun caramina ꞌë nashimitima ꞌain?

Romanos 1:4

Usa ꞌicëbi ca bamatancëx baísquicë cupía, Nucën Papa Diosan Bëru Ñunshin Upitan ꞌamicëxun unin ꞌunánti ꞌicën, Nucën ꞌIbu Jesucristo ax ca Nucën Papa Diosan Bëchicë ꞌianan asaribi upí ꞌaish cushiira ꞌicë quixun.

Gálatas 2:20

ꞌUchatëcënuxunma ashiquin ꞌën ꞌuchacama ëni cana Cristobë bamacësa ꞌain. Usa ꞌaish cana ꞌëshima, Cristo ax ꞌëbë ꞌain, aín cushínbi ax cuëëncësa oíshi ꞌin. Nucën Papa Diosan Bëchicë, axa ꞌë nuibati bamatsianxmabi ꞌën ꞌucha cupí bama, ami catamëti cana ax ꞌëbë ꞌain, ax cuëëncësabi oi ꞌin.

Efesios 2:3

Nunribi cananuna camaxunbi nun sináncësa oquinshi sinánan nun sinan ꞌatima ꞌixun nux cuëëncësabi oquin ꞌacën. Usai ꞌicë ꞌaish cananuna raíri unicamasaribi ꞌaish numi nishquian Nucën Papa Diosan castícanti ꞌiacën.

Hebreos 4:15

Jesús an nu Nucën Papa Dios ñucáxuncë, ax ca uni ꞌaish nux ꞌicësaribiti tëmëraíbi ꞌuchama ꞌicën. Usa ꞌixun ca nuribi tëmëranan ñunshin ꞌatimanën ꞌatima ñu ꞌamitisa taniabi nuibaquin nu ꞌaquinti ꞌicën.