Lucas 1:32 - Kashibo-Kakataibo Biblia

³² Ax ca uni itsisama ꞌiti ꞌicën. A ñui ca —Nucën Papa Dios manámi ꞌicë aín Bëchicë ca ax ꞌicë —quiax uni quiti ꞌicën. Nucën Papa Diosan ꞌimicëx ca aín rara David ꞌiásaribiti ax ꞌapu ꞌiti ꞌicën.

Nukën 'Ibu Diosan ain unikama 'inan ain bana

³² Ax ca uni itsisama 'iti 'icën. A ñui ca —Nucën Papa Dios manámi 'icë aín Bëchicë ca ax 'icë —quiax uni quiti 'icën. Nucën Papa Diosan 'imicëx ca aín rara David 'iásaribiti ax 'apu 'iti 'icën.

Lucas 1:32 Iomraidhean Croise

2 Samuel 7:16

Min rëbunki ꞌimainun mix ꞌapu ꞌikë ax ka ꞌën bëruankëx uisaibi ꞌikëma ꞌiti ꞌikën, ꞌimainun ka mix anu tsóti ax anubi ꞌitiokin nankë ꞌiti ꞌikën.”

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Mateo 1:1

Jesucristo ax Davitan rëbúnqui ꞌaish ca Abrahamnën rëbúnquiribi ꞌiacëxa. Jesucristonën raracama ca ënë unicama ꞌiacëxa:

Mateo 12:42

Salomón cacë uni, axa ꞌapu ꞌianan ꞌitsa ñu ꞌunáncë ꞌain, ca ꞌura menu ꞌicë ꞌapu xanu ax aín bana cuati cuancëxa. Cuanx bëbatancëxun ca cuëënquin aín bana cuacëxa. Salomón ꞌiásamaira cana ꞌëx ꞌain. ꞌËx usa ꞌicëbi ca ënë nëtënua bucucë unicaman ꞌën bana cuaisama tania. Usa ꞌain ca anúan Nucën Papa Diosan camabi unin ñu ꞌacë isti nëtën, a xanu ꞌapu an Salomonën bana cuacë ꞌixun, ënë nëtënu bucucë unicaman ꞌën bana ñuixuncëxunbia cuacëma ꞌicë, ꞌuchoti ꞌicën.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Mateo 3:11

Uníxa an ñu ꞌatima ꞌacëcama ëni sinanacë cupí cana ꞌën a ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi a buánxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënën ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Marcos 14:61

Quixuan cacëxbi ca Jesús uisaíbi banama ꞌicën. Quiama oquin ca judíos sacerdotenën cushicaman ꞌapun amiribishi catëcëancëxa: —¿Mix caramina Cristo, Nucën Papa Dios anu nun rabicë, aín Bëchicë a ꞌain?

Marcos 5:7

Usaria ca Jesusan ñunshin ꞌatima cacëxa: —Ñunshin ꞌatima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu ꞌicë, aín Bëchicë Jesús camina mix ꞌain. ¿Uisati caramina ꞌë ubíoin? Diosan cuamainun cana mi cain, ꞌë tëmëramixunma ca ꞌat.

Lucas 1:15

Ax ca Nucën Papa Diosan iscëx uni itsisama ꞌiti ꞌicën. ꞌIanan ca an vino ꞌimainun ñu cachacë xëatima ꞌicën. Aín titaxa bacë́ncëma pain ꞌaíshbi ca Nucën Papa Diosan Bëru Ñunshin Upíñu ꞌiti ꞌicën, usabi ꞌinux.

Lucas 1:35

Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti ꞌicën. Manámi ꞌicë Nucën Papa Diosan sinanën camina tuñu ꞌiti ꞌain. Usaquian sinánxuncëxunmi tuacëx ca ax Nucën Papa Diosan iscëx upíira ꞌiti ꞌicën, —ax ca Nucën Papa Diosan Bëchicë ꞌicë —quiax ca unicamax a ñui quiti ꞌicën.

Lucas 1:76

Usa ꞌain cana mixmi ꞌën bëchicëratsu ꞌicë, mi cain, mi ñui ca unicamax, Nucën Papa Dios manámi ꞌicë an aín bana unicama ñuixunun xucë camina mix ꞌai quiax quiti ꞌicën. Min camina, a Nucën ꞌIbu Diosan xuti ax ucëma pan ꞌain, mix pain rëcuë́ncuatsincë ꞌixun, aín bana cuanun quixun Israel unicama sinánmiti ꞌain.

Lucas 3:16

Sinania ca Juanën anu ꞌicë unicama cacëxa: —ꞌËn cana mitsu ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi tubuxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënëan ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Lucas 6:35

Usa ꞌaínbi camina mitsun axa mitsumi nishcë uni nuibaquin ꞌaquinsa ꞌicë ꞌaquinti ꞌain. Unían mitsu ñu ñucácëxun camina —anribi ca ꞌë ꞌinántima ꞌicë —quixun ꞌunánquinbi, ꞌinánti ꞌain. Usaquin ꞌaia isquin ca Nucën Papa Dios, manámi ꞌicë, an cuëënun mitsu ꞌimiti ꞌicën. Mitsun usaquin ꞌai camina asérabi aín bëchicë ꞌaish an sináncësaribi oquin sináncë ꞌiti ꞌain. An ca uni ꞌaisama ꞌimainun an —asábi ca —quixun a cacëma uni aribi ñu ꞌinánan ꞌaquinia.

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

Juan 6:69

Nux mimi catamëquin cananuna ꞌunan, mix camina axa uti nun caíncë, Cristo, Nucën Papa Dios, axa bamatimoi tsócë, aín Bëchicë a ꞌain.

Hechos 16:17

A xanu xuntacunëx ca Pablocëñun nu nuibiani munuma banai quiacëxa: —Ënë unicaman ca Dios, naínu ꞌicë ꞌApuira a ñu ꞌaxunia. Usa ꞌixun ca anúnmi mitsun ꞌuchacama tërë́ncë ꞌaish ainan ꞌiti bana mitsu ñuixunia.

Hechos 2:30

David, ax ca an Nucën Papa Dios quicë bana unicama ñuixuncë ꞌiacëxa. Usa ꞌixun ca paránuxunma Nucën Papa Diosan —min rëbúnqui achúshinëx ca judíos unicaman ꞌapu, Cristo, ꞌinuxun ꞌaia —quixun cá bana a ꞌunáncëxa.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

Hechos 7:48

ꞌAxuan ꞌaínbi ca Nucën Papa Dios, ax ꞌApuira ꞌaish, unin ꞌacë xubunu tsotima. Ësai ca an Nucën Papa Dios quicë bana unicama ñuixuncë unían cuënëo bana quia:

Romanos 1:4

Usa ꞌicëbi ca bamatancëx baísquicë cupía, Nucën Papa Diosan Bëru Ñunshin Upitan ꞌamicëxun unin ꞌunánti ꞌicën, Nucën ꞌIbu Jesucristo ax ca Nucën Papa Diosan Bëchicë ꞌianan asaribi upí ꞌaish cushiira ꞌicë quixun.

Apocalipsis 3:7

Usaquin catancëxun ca ësaquinribi cuënëonun Jesusan ꞌë caxa: —An axa Filadelfianuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: A aín chaitiocë David ꞌiásaribi ꞌApu ꞌinun Nucën Papa Diosan ꞌimicë, Jesús, axa ꞌuchañuma ꞌaish aín bana asérabi ꞌice, ax ca an xëcuë bërúancë unisaribi ꞌicën. An xëcuë bërúancë ꞌixuan an xëocaia ca uinu ꞌicë unínbi xëcuë xëputima ꞌicën. ꞌImainun ca an xëpuia uinu ꞌicë unínbi xëcuë xëocatima ꞌicën. Usaribi oquin ca ui unix cara ainan ꞌiti ꞌicë, ui unin cara aín bana unicama ñuixunti ꞌicë, acama ainshi mëníoia. Usoquian an mëníocë ꞌain ca uinu ꞌicë unínbi —usama ca —catima ꞌicën. Ax usa ꞌixun ca ësaquin mi caia: