Lucas 1:17 - Kashibo-Kakataibo Biblia

¹⁷ Juan ax ca Nucën ꞌIbu Jesúsa unun ax pain rëcuë́ncuatsini uti ꞌicën. Ax ca Elías ꞌiásaribiti Nucën Papa Diosan cushiñu ꞌixun unicaman upí oquin sináncësaribi oquin aín bëchicë sinánun sinánmiti ꞌicën. Sinánmianan ca an aín bana cuaisama tancë unicama sinanamiquin, Nucën Papa Diosmi sinánun ꞌimiti ꞌicën. Usoquian ꞌimicëxun ca axa Nucën ꞌIbu Diosan xucëx ucëbëtan, Israel unibunën upí oquin aín bana cuati ꞌicën.

Nukën 'Ibu Diosan ain unikama 'inan ain bana

¹⁷ Juan ax ca Nucën 'Ibu Jesúsa unun ax pain rëcuë́ncuatsini uti 'icën. Ax ca Elías 'iásaribiti Nucën Papa Diosan cushiñu 'ixun unicaman upí oquin sináncësaribi oquin aín bëchicë sinánun sinánmiti 'icën. Sinánmianan ca an aín bana cuaisama tancë unicama sinanamiquin, Nucën Papa Diosmi sinánun 'imiti 'icën. Usoquian 'imicëxun ca axa Nucën 'Ibu Diosan xucëx ucëbëtan, Israel unibunën upí oquin aín bana cuati 'icën.

Lucas 1:17 Iomraidhean Croise

1 Reyes 17:1

Aín bana unikama ñuixunua Diosan kaískë Elías, Tisbé kakë ëma Galaad, menua ꞌikë anu tsókë an ka ësokin Ahab kakëxa: “¡Diosan kuamainunbi kana ami sinánun mi kain, Israel unibunën Dios an kakësabiokin aín bana tankin ꞌën ñu ꞌaxunkë ax ka ꞌëx kikëbë ꞌibunux ka ënë barikaman ꞌuí ꞌibutíma ꞌimainun imë́bi nibí ꞌibutima ꞌikën!”

1 Reyes 18:18

—ꞌËx kana an Israelkama ꞌatimokin sinánkasmamikë ama ꞌain —kixun ka Elíasnën kakëxa—, ꞌënma min kamina min unikamabëtan Dios kikë bana tankinma a ëntankëxun, Diosmabi bëtsi ñu uniokë a Baal rabixunkin rabikë akama rabikinin.

1 Reyes 21:20

Usokin katanua kakëx ka Elías kuankëxa. Kuanxun ka anua uvas ꞌapákë naë anua mërakëxun ami Ahabnën Elías nishkin kakëxa: —¿Mix ꞌëbë nishanankë uni ꞌaíshbi kaina ꞌë baribëtsini uax ꞌëbë mëranan? Kakëxun ka Elíasnën kakëxa: —Mibë bananuxun mi bari kana uan, min kamina Diosan upí iskëma ñuishi ꞌain.

Amós 4:12

“Usa ꞌain kana Israel unikama mitsu usaribi okin ꞌati ꞌain; ꞌën kana ꞌai usa ꞌain, ¡usa ꞌain kamina mitsux Diosbë mërananux mëníokakanti ꞌain!”

Mateo 11:14

Mitsun asérabi cuaisa tanquin camina ꞌunánti ꞌain, Elías ca uti ꞌicë quicë bana ax ca Juan ñui quiá ꞌicën. A bana quiásabi oi ca Juan, an unicama nashimicë, ax Nucën Papa Diosan mëníosabi oi uaxa.

Mateo 3:3

Juan ax ca a Isaíasnën Nucën Papa Diosan sinánmicëxun ñuiá a ꞌicën. Ësai ca a bana quia: Anu uni ꞌicëma menuxun munuma bana ñui ca a unix ësai quia: Nucën ꞌIbu ca aia, camina axa anun uti bai mëníoquin racanati ꞌain.

Mateo 3:4

Juan ax ca camello rani ꞌacë chupa pañuanan ñuina xacá ꞌacë anun tsitëcërëquicë ꞌiacëxa. Aín piti ca curuchinti ꞌimainun buna rëpa ꞌiacëxa.

Lucas 1:16

Juan an ca amia manúcë ꞌicëbi Israel unicama upí oquin atun ꞌIbu Diosmi sinántëcënquian a rabinun ꞌunánmiti ꞌicën.

Lucas 1:76

Usa ꞌain cana mixmi ꞌën bëchicëratsu ꞌicë, mi cain, mi ñui ca unicamax, Nucën Papa Dios manámi ꞌicë an aín bana unicama ñuixunun xucë camina mix ꞌai quiax quiti ꞌicën. Min camina, a Nucën ꞌIbu Diosan xuti ax ucëma pan ꞌain, mix pain rëcuë́ncuatsincë ꞌixun, aín bana cuanun quixun Israel unicama sinánmiti ꞌain.

Juan 1:13

Unían aín xanumi bëchicë tuá ax ca unishi ꞌia. Unin bëchicënëxa usa ꞌaínbi ca usama Nucën Papa Diosan bëchicëcama ꞌicën. Ax ca aín cushínshia aín bëchicë ꞌimicë ꞌicën.

Juan 1:34

Usaquin isun cana —ax ca Nucën Papa Diosan Bëchicë ꞌicë —quixun camabi uni cain. Usaquin ca Juanën cacëxa.

Juan 3:28

Mitsun camina, Cristoma cana ꞌai ꞌëx quia cuan. Nucën Papa Diosan ca ꞌë caxua ax unun ꞌëx pain rëcuë́ncuatsini unun ꞌë xuaxa.

Hechos 10:33

Cacëxun cana bënë́nquinshia mi bënun quixun uni xuëxan. Xucëxuan cacëx camina upí oquin sinánbëtsini atubë ënu uan. Usa ꞌain cananuna Nucën ꞌIbu Diosan nu ismainun ënu bërí ꞌain, an mi sinánmicëxunmi nu ñuixuncëxun cuanux.

Romanos 9:23

Caínpainquin ca uisaira oquin cara an ꞌatima ñu ꞌacë ꞌicëbi uni nuibaquin aín sinan upí ꞌimiti ꞌicë quixun camabi unin ꞌunánun, ainan ꞌinun caísa ꞌixun nu usaquin ꞌimia.

Colosenses 1:12

Usoquin cananuna uisaira oquin cara aín unicama cuëënmiti ꞌicë quixun ꞌunánquinmi mitsun a —asábi ca —canun, Nucën Papa Dios mitsu ñucáxunin.

2 Timoteo 2:21

Usaribiti ca an Nucën ꞌIbu Diosbëtan upí ñu mëëti ꞌacë uni ax añu ñu ꞌatimabi ꞌati sináncëma ꞌiti ꞌicën. Usa ꞌaish ca uisa ñu upía ꞌanun cara Nucën ꞌIbu Dios cuëënia, a cuëënquin ꞌanuxun caínti ꞌicën.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.

1 Samuel 7:5

Usokin ꞌatankëxun ka Samuelnën, an timë́kanun kixun kati uni xuakëxa: “Xukëxun kakëx uax Mispá kakë ëmanu timë́kankëxa, anuxun ka Nukën ꞌIbu ꞌakinun ñukáxuankëxa.”