Lucas 1:13 - Kashibo-Kakataibo Biblia

¹³ Usai ami racuëtiabi ca ángelnën cacëxa: —Racuë́axma ca ꞌit, Zacarías. Nucën Papa Diosan ca minmi a cacë banacama cuaxa. Usa ꞌain ca min xanu Elisabet an tuáñu ꞌiti ꞌicën. A tuá camina Juan caquin anëti ꞌain.

Nukën 'Ibu Diosan ain unikama 'inan ain bana

¹³ Usai ami racuëtiabi ca ángelnën cacëxa: —Racuë́axma ca 'it, Zacarías. Nucën Papa Diosan ca minmi a cacë banacama cuaxa. Usa 'ain ca min xanu Elisabet an tuáñu 'iti 'icën. A tuá camina Juan caquin anëti 'ain.

Lucas 1:13 Iomraidhean Croise

Génesis 17:10

Ënëx ka mitsubëtan ꞌën ꞌakë achúshi ñu ꞌikën, usa ꞌain ka min rëbúnki kamanribi ꞌëx kikësokinbi ꞌati ꞌikën: usa ꞌain ka kamabi unikama mitsubë ꞌikë atux aín nëtokë ñu rëbu tëai ꞌunantiorakakë ꞌiti ꞌikën.

Génesis 17:19

Kakëxun ka Nukën ꞌIbu Diosan kakëxa: —ꞌËn mi kakë ax ka ësakin mi kakë ꞌiaxa min xanu Sara ax ka achúshi bëbu tuá bakënti ꞌikën, bakënia kamina min a tuá Isaac kakin anëti ꞌain. Abëtan kana ꞌën achúshi ñu asérabi ꞌati ꞌain, ax ka xënibua ꞌaínbia sinánun aín rëbúnki kamabëtan ꞌakë ꞌiti ꞌikën.

Génesis 18:14

¿Nukën ꞌIbun ꞌakasmati ñu kara ꞌaíma ꞌik? bëtsi bari ꞌirukëbë kana ꞌëx mi istëkëni uti ꞌain, ꞌimainun ka Sara achúshi tuáñu ꞌiti ꞌikën kixun ka kakëxa.

Génesis 25:21

Usa ꞌain ka Rebeca tuakëma xanu ꞌiakëxa, usa ꞌain Isaac an ami bëchikaskin ꞌain xanu ꞌitsaira ñukáxuankëxa. Usakian ñukákëxun ka Nukën ꞌIbun an ñukákë a kuakin Rebeca tuuñu ꞌinun ꞌimiakëxa.

Salmos 118:21

ꞌËn kana mi ꞌasábi ka kain, Dios min kamina ꞌën kakëxun, kuakin an ꞌë ië́mikë a ꞌain.

Isaías 8:3

Usakin ꞌë kakë a inúkë ꞌain kana an bana ñuikë ꞌën xanu ain pëi machakë sënë́nkë ꞌain, abë ꞌian ka tutankëx aín ꞌuxë ꞌikëbë bakëankëxa. Usai ꞌikëbëtan ka Diosan ꞌë kaxa: “Min bakë bëchikë bakënkë akamina Maher-salal-hasbaz kakin anëti ꞌain.

Oseas 1:4

Usa ꞌain ka Diosan Oseas kakëxa: “Min bëchikë bëbu tuá bakënkë akamina Jezreel kakin anëti ꞌain, ënuax basikëma ꞌaínshi kana Jehú kakë ꞌapu aín rëbúnkikama ꞌatima oti ꞌain, an ka Jezreel menuxun ꞌatima ñuira ꞌakin a tanti bana kikësokin ꞌakinma uni ꞌatima okin ꞌamiakëxa. ꞌËn kana Israel menua uinu ꞌikë aín rëbúnki achúshinëxia ꞌapu ꞌiaxma ꞌinun ꞌimitima ꞌain.

Oseas 1:6

Usa ꞌain ka Oseasnën xanu Gómer kakë ax amiribishi tutëkëntankëx achúshi xanu tuá bakë́ankëxa. Bakënkë ꞌain ka Diosan Oseas kakëxa: “Min ini bëchikë bakënkë a kamina Lo-ruahama kakin anëti ꞌain, ꞌën kana amiribishi Israel menu ꞌikë ꞌapu nuibatëkëntima ꞌain, ꞌianan kana atun ꞌakë ñu ꞌatimakama tërënxunkin mëníotima ꞌain.

Mateo 1:21

Ax ca tuá achúshi bacë́nti ꞌicën. Bacënia camina min a tuá Jesús caquin anëti ꞌain. Ainshi ca uni aín ꞌucha tërë́nquin Nucën Papa Diosan iscë́xa upí ꞌinun ië́miti ꞌicën. Usa ꞌain camina a tuá Jesús caquin anëti ꞌain.

Mateo 14:27

Usai quia ca Jesusan atu cacëxa: —Camina cushicanti ꞌain. Racuëaxma ca ꞌit, ꞌë cana ꞌain.

Mateo 28:5

Usaría suntárucamax racuë́mainun ca ángelnën xanu rabë́ cacëxa: —Racuë́axma ca ꞌit. Cana ꞌunanin, mitsun camina Jesús, a i curúsocënu matásëxancë, a barin.

Marcos 16:6

Ratutiabi ca cacëxa: —Ratúaxma ca ꞌit. Mitsun camina i curúsocënua matásëxancë Jesús, Nazaretnu ꞌicë, a barin. Ca ënuma ꞌicën, ca baísquiaxa. Anua unin racáënxancë ca is.

Lucas 1:14

A tuá aín tita bacë́ncëx canicëbë camina ꞌitsaira cuëënti ꞌain. Usaribiti ca ꞌitsaira unix cuëënti ꞌicën, a uni cupí.

Lucas 1:30

Usaquin sinaniabi ca ángelnën cacëxa: —Racuë́axma ca ꞌit, María. Mi ca Nucën Papa Diosan upí oquin sinánxunia.

Lucas 2:21

María bacë́ncë achúshi semana ꞌimainun achúshi nëtë ꞌain ca atúan aín bëchicë ꞌacësabi oquin judíos uni raírinën Maríanën tuá judío ꞌicë ꞌunántiocëxa. ꞌUnántioquin ca María tuutisama pain ꞌaían ángelnën cacësabi oquin Jesús caquin anëacëxa.

Hechos 10:31

Niracëquin ca ꞌë caëxanxa: Cornelio, mixmi abë banacëcama ca Nucën Papa Diosan cuaxa. Cuanan ca minmi ñuñuma uni ñu ꞌináncë acamaribi ꞌunanx cuëënquin manuima.

Jueces 6:23

Kia ka Nukën ꞌIbun ësokin kakëxa: —Rakuëama ka ꞌik, kamina ñuiman. ꞌËn ꞌimikëx kamina chuámarua tani kuëënti ꞌain.

1 Samuel 2:21

kuankëa Nukën ꞌIbun upíokin sinánxunkëx, ka Ana tutankëx bakë́ankëxa. Usai ꞌikinka, Ana rabë́ ꞌimainun achúshi bëbu tuá ꞌanan xanu rabë́ ribi tuakëxa, usokin ꞌamainun ka Samuelnëx anuxunbi Nukën ꞌIbun ñu mëëti ꞌai kaniakëxa.