Levítico 23:10 - Kashibo-Kakataibo Biblia

¹⁰ Israel unikama kamina ësokin kati ꞌain: Uínsaran kaina ꞌën mitsu ꞌinánuxun ka me anu bëbai kuani, anun kamina mitsun ꞌapákë trigo ax pain tuatabakë a nëakin bixun kamina sacerdote unikama ꞌinánti ꞌain.

Levítico 23:10 Iomraidhean Croise

Éxodo 34:22

Kamina mapai achúshi ꞌimainun achúshi nëtë a sinánkin anumi mitsun ñu ꞌapákë ax pain bimikë bikë aín fiesta ꞌianan, a baritian mi mitsun trigo bimi bikin sënë́onkë a ꞌiti ꞌikë kixun ka Diosan kakëxa.

Éxodo 34:26

Mitsun ñu ꞌapákë ax pain bimikë aín bimi upíirabu bitankëxun kamina anuxun ꞌë rabiti xubusokin ꞌakë anu uanti ꞌain. ꞌAnan kamina cabranën tuá aín bënë rëtankëxun aín titan xuma bixun anun ꞌarutima ꞌain.

Levítico 23:11

Anun tantiti nëtë ꞌiónxa pëkarakëbëtan ka sacerdote unikaman trigo bimi upíirabu ꞌë ꞌinaishiti bikë a bëxunkëx ka asábi ꞌiti ꞌikën.

Levítico 23:17

ꞌimainun kamina mitsun trigo putuakë aín upí anun chamiti ñukëñun ꞌakë pán rabë́ aribi buánti ꞌain, ax ka rabë́ ꞌimainun rabë́ kilosa harina achúshi achúshi ꞌakë ꞌiti ꞌikën, ax ka a painmi mitsun ꞌapákë trigo aín bimi ꞌë ꞌinánti bikë a ꞌiti ꞌikën.

Levítico 23:9

Nukën ꞌIbun ka Moisés amiribishi katëkëankëxa:

Romanos 11:16

Judíos unibunën ca aín ñu ꞌapácë an pain tancëma aín bimi anuxun a rabiti xubunu buáncëxa, Nucën Papa Diosan camabi aín bimi upí isnun quixun. Usaribi ca i aín tapun upí ꞌaish camabi aín pëñáncamaribi upí ꞌia. Usa ñu sinánquin cananuna ꞌunanin, judíos uni bëtsix bëtsíxa Nucën Papa Diosmi sináncë ꞌain ca atúxa ꞌicësaribiti judíos unicama camáxbi Cristomi catamëtia Nucën Papa Diosan upí isti ꞌicën.

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.

Josué 3:15

Kuankian bunántisa a pain rëkuë́nkin biani sacerdotekama baka tapukikiankëbëshi ka aín xobukë nëtë́ti baka tëarabëakëxa. Ax ka anun ñu ꞌapákë biti ꞌuxë ꞌaia Jordán kakë baka mita ꞌain chaiira ꞌinun ꞌëkë ꞌaish kuëtsëkënkëma pan ꞌain ꞌiakëxa.

Apocalipsis 14:4

A unicamax ca xanubë ꞌuchacëma ꞌianan ñu ꞌatima ꞌati cuëënima Carnero ꞌicësaribitia unin ꞌucha cupí bama ainanshi ꞌaish, ax quicësabi oi ꞌia. Acamax ca Nucën Papa Diosan ainan ꞌinun ië́micë ꞌianan Carnero ꞌicësaribitia unin ꞌucha cupí bama, ainanribi ꞌinun aín ꞌuchacama tërë́ncë a ꞌicën.

Rut 1:22

Ësai ka Noemí Moab kakë aín me anubi ꞌain ñexuta Rut kakë moabita abë kuantëkëni ꞌiakëxa. Belén ëmanuxuan atun cebada ꞌapákë bikin pëukankëbë ka Noemí bëbakëxa.