Levítico 19:3 - Kashibo-Kakataibo Biblia

³ Mitsun kamina min papa bana kuanan min titan banaribi kuati ꞌain. ꞌImainun kamina anun ñu mëëtima nëtë ꞌikëbë anun tantiti ꞌain. ꞌËx kana mitsun Dios ꞌain.

Levítico 19:3 Iomraidhean Croise

Génesis 48:12

Ësakian ꞌaia ka Josénën aín bëchikë rabë́ aín papan kisinua tsókë a bitsi rantinpuruni aín bëmánanën me tikai tsóbuakëxa.

Nehemías 9:14

ꞌInánkin kamina uisai kara sábado nëtë ꞌikëbë tantiti ꞌikë aribi ꞌunámianan a tanti banakama asérabia min uni Moisésnën upíokin ꞌunánminun ꞌamiakën.

Éxodo 16:29

Min kamina kati ꞌain, ꞌëx Nukën ꞌIbu ꞌixun kana achúshi nëtë anúan tantiti nëtë ꞌinan, usa ꞌain kana mapai achúshi ꞌimainun achúshi nëtë anunbi rabë́ nëtë ꞌimikin piti ꞌinánti ꞌain. Usa ꞌain ka uíxbi a nëtën aín xubunuax kuaintima ꞌikën.

Éxodo 20:12

Min papan bana kuanan kamina min titan banaribi kuanti ꞌain. Usai ꞌi kamina ꞌëx mitsun Dios ꞌixun ꞌinánkë me anu xënibua. ꞌAínbi tsóti ꞌain.

Éxodo 20:8

Anun ñu mëëtima nëtë axa bëtsi nëtë kamasama ꞌain kamina a nëtë ꞌikëbëtan ꞌëshi rabiti ꞌain.

Proverbios 1:8

ꞌËn nuibakë bëná unikaman min papan ꞌësëkëxun kamina aín bana kuati ꞌain, kuanan kamina min titan ꞌunámikin kakë bana a kamaribi manutima ꞌain,

Proverbios 23:22

An mi bëchia min papan, kakëxun kamina aín bana ꞌupiokin kuati ꞌain; min tita kamina kaniakëtia, kuëënkima istisama tantima ꞌain.

Isaías 58:13

Anun ñu mëëtima nëtë ꞌikëbëtan kamina; mitsun maruti ñu marutima ꞌain: ax ka ꞌën nëtë upíira ꞌikën. Usa ꞌain ka a nëtë anun kuëënti nëtë, kakin anëkë ꞌain Nukën ꞌIbun anun rabiti nëtë ꞌain añu ñubi uinu ꞌikë unínbi ꞌatima ꞌikën; usa ꞌain kamina a nëtën mintsun sinánkësa ꞌoíshi bananan, mitsunan ꞌiti ñuishi ꞌanan mitsun ñu marutishi ꞌakantima ꞌain.

Levítico 19:25

ꞌimainun kamina mapai achúshi bari ꞌikëbëtan bixun mitsun ñu ꞌapákë aín bimi piti ꞌain. Usokin ꞌakëbë ka mitsun ñu ꞌapákë aín bimi ꞌaisamaira ꞌinun bimiti ꞌikën. ꞌËx kana mitsun ꞌIbu Dios a ꞌain.

Levítico 19:30

ꞌAnun ꞌë rabiti nëtë ꞌikëbë kamina anun tantiti ꞌain. ꞌImainun kamina anuxun ꞌë rabiti xubusa okin ꞌakë anuxunribi uisa ꞌatima ñubi ꞌatima ꞌain. ꞌËx kana mitsun ꞌIbu a ꞌain.

Levítico 19:31

Uni an ñunshinan ꞌamikëxun ñu ꞌakë ꞌimainun an ñu tankë uni kamanu kamina kuankantima ꞌain. Usai abë banakin kamina mitsúnbi ꞌaisama ñu ꞌati ꞌain. ꞌËx kana mitsun ꞌIbu Dios a ꞌain.

Levítico 19:34

Mitsúxmi nuibanankësaribi okin kamina aturibi nuibati ꞌain, atux ka mitsusaribi ꞌikën. Mitsux pain kamina atux ꞌikësaribiti Egipto menu ꞌikë uni ꞌaímabi tsóakën. ꞌËx kana mitsun Dios a ꞌain.

Levítico 23:3

Mapai achúshi ꞌimainun achúshi nëtë anun kamina mitsun ñu mëëti ꞌati ꞌain, ꞌaínbi kamina a ꞌiónxa pë́karakë anun uisa ñu mëëtibi ꞌatima ꞌain; ax ka anun ñu mëëtima upí nëtë ꞌiti ꞌikën. Anun kamina uinu karamina tsotin anuxunbi timë́xun min ꞌIbu rabikanti ꞌain.

Malaquías 1:6

Ësokin ka Dios kamabi kushiñu an sacerdote unikama kaia: Aín bakë bëchikë bëbukaman ka aín papakaman kakëxun kuati ꞌikën, ꞌimainun ka an ñu mëmikë uni aín banakama an ñu mëëxunkë atúnribi kuati ꞌikën. Usaribiti kana ꞌëx mitsun papa ꞌain, ¿Uisa kupín kaina mitsun ꞌën kakëxun kuaisamatankanin? ꞌËx kana an mitsu ñumëmikë uni asa ꞌain, ¿uisa kupín kaina ꞌën kakësokin mitsun ꞌaisamatankanin? Mitsun kamina ꞌë istisama tankanin, usai ꞌibi kamina mitsux ësai kikanin: ¿Añu ꞌaxunkima karanuna mi timan?

Hebreos 12:9

Nux xu ꞌixun ñu ꞌatima ꞌaia oquin ca amiribishi ꞌatëcënxunma ꞌanun numi nishquinmabi nu ꞌunánmiquin nucën papan nu mëëacëxa. Mëëcëxunbi cananuna ami nishquinma ax cuëëncësabi oquin ꞌacën. ¿Usa ꞌain caranuna uisa cupí Nucën Papa Diosan nux abë upí ꞌinun quixun, uisa oquin cara nu ꞌati ꞌicë usoquin ꞌacëxunbi upí oquin sinántima ꞌain?