Levítico 19:19 - Kashibo-Kakataibo Biblia

¹⁹ A tanti bana ꞌën mi kakë ënëx kikësabiokin kamina ꞌati ꞌain. Mitsun ꞌarakakë vacamia ñuina itsin bëchinun kamina ꞌamitima ꞌain. Min naënu ñu ꞌapákin kamina mëskukin ñu bërukama ꞌapátima ꞌain. ꞌAnan kamina bëtsi bëtsi ñumanën mëskukin ꞌakë chupa pañutima ꞌain.

Levítico 19:19 Iomraidhean Croise

Génesis 36:24

ënë kamaxribi ka Sibónnën bakë bëchikëkama ꞌiakëxa. Aiá a ꞌimainun Aná, Aná ënën ka anu uni ꞌikëma menua achúshi ꞌumpax upíira shióbukë mërakëxa, aín papa Sibón aín ñuina ꞌarakakë bërúankin.

2 Samuel 18:9

Usai ꞌakanankëbë aín caballonu ꞌiruax anu tsótax kuankinbi ka Absalónnën Davidtan suntárukama raíribë mëranankëxa. Mëranani ka anuaxbi kuainakëkian amotan kuankëxa, kuaníbi ka aín caballonëx i pëñanakëkë au atsínkiankëxa, usai ꞌikëbë ka Absalón i pëñami, aín bu tëkërëkirukëbë anu bëntamëti bërúmainun ka aín caballo axëshi ꞌuri abati rëkuë́nkianx nirakëakëxa.

1 Reyes 1:33

ꞌapun kakëxa: —Mitsun kamina ꞌën bakë bëchikë Salomón ꞌën burronu ꞌarubiankin ꞌën uni kamabëtan Guihón kakë ꞌumpax upíira anu buani kuankanti ꞌain;

Levítico 19:37

Usa ꞌain kamina a tanti bana ꞌëx kikë usakinbi ꞌati ꞌain; a bana kamina tanti ꞌain. ꞌËx kana min ꞌIbu a ꞌain.

Lucas 5:36

Usaquin canan ca aín banaxa fariseo unicaman uni ꞌunánmicë banasama ꞌain, aín banabë fariseonëan ꞌunánmicë bana mëscúti rabanan Jesusan ësaquinribi a unicama cacëxa: —Ca ësaribi ꞌicën. Nun aintsi uinu ꞌicë xanúnbi ca aín chupa ió tëaima, anun aín chupa xëni cëxëti. Tëaquin aín sani bicëx ca chupa ió ax ꞌatimatia. ꞌImainun ca a chupa iotan sanix chupa xëni iscësama ꞌia.

Romanos 11:6

A caíscëcama a ca atun ñu upí ꞌacë cupíma, nuibaquinshi Nucën Papa Diosan ainan ꞌinun caísaxa. Atun ñu ꞌacë cupía ainan ꞌinun caíscë ꞌaish ca acamax nuibaquinshia an caíscë ꞌitsíanma.

Deuteronomio 4:1

Bërí kamina Israel unikama mitsun kuati ꞌain, ax kikësaibi ꞌiti bana ꞌën mitsu ꞌunánmikë ami kuanxun ax kikësabiokin ꞌakëbëtan ka a ꞌinánnuxua Diosan nun chaitiokëkama ka a me mitsu ꞌinántankëxun anuax upitax tsónun mitsu ꞌimiti ꞌikën.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.