Levítico 19:18 - Kashibo-Kakataibo Biblia

¹⁸ Axa mimi nishkë uni nuibatima ami nishanan kamina axa mibë nuibanankë unikamaishi nuibatima ꞌain. Min ꞌunánkë uni kamina mixmi bërúankakësaribi okin bëruánti ꞌain. ꞌËx kana mitsun ꞌIbu ꞌain.

Levítico 19:18 Iomraidhean Croise

Génesis 4:23

Achúshi nëtën ka Lámecnën aín xanu Adá ꞌimainun Silá kakëxa: ꞌËn mi bana ñuixunmainun kamina upíokin kuati ꞌain: Achúshi uni ka bëná ꞌiaxa, a kana anbia ꞌë ꞌaisama oisa tankëxun rëan.

Salmos 103:9

Usa ꞌixun ka nukama kamabi nëtëinra usakin kamina ñu ꞌatima ꞌai, kixun nu kai numi xënibuti nishima, bënëtishi aín nishkë nëtë́tia;

Éxodo 20:16

Mibë ꞌikë unimi kamina ami këmëi banatima ꞌain.

Levítico 19:34

Mitsúxmi nuibanankësaribi okin kamina aturibi nuibati ꞌain, atux ka mitsusaribi ꞌikën. Mitsux pain kamina atux ꞌikësaribiti Egipto menu ꞌikë uni ꞌaímabi tsóakën. ꞌËx kana mitsun Dios a ꞌain.

Mateo 19:16

Anuaxa cuania ca bëná uni achúshinën anu cuanquin Jesús cacëxa: —Mix camina upí uni ꞌain. Usa ꞌixun camina ꞌë ñuixunti ꞌain, ¿ꞌëx nëtë́timoi Nucën Papa Diosan nëtënu abë ꞌinuxun carana uisa ñu upí ꞌati ꞌain?

Mateo 19:19

Min papa, min titan bana camina upí oquin cuaquin tanti ꞌain. Mixmi bërúancacësaribi oquin camina min aintsicama nuibaquin ꞌaquinsa ꞌicë ꞌaquinti ꞌain.

Juan 13:34

Mitsun ꞌunáncëma bana ió ënëribi cana axa quicësabi oími ꞌinun mitsu cain, mitsúxbi camina bëtsibë bëtsibë nuibananti ꞌain. ꞌËn mitsu nuibacësaribi oi camina micamax bëtsibë bëtsibë upiti nuibananti ꞌain.

Hechos 16:28

Bitsiabi ca Pablonën munuma banaquin cacëxa: —Taroracaxma ca ꞌit. Camáxbi cananuna ënu ꞌain.

Romanos 12:17

An paían mimi nishquin ꞌatimocëxunbi camina uisa uni cara, abi mixribi ami nishquin aribi cupitima ꞌain. Mitsun camina usa ñu ꞌati ca upí ꞌicë quixuan camabi unin ꞌunáncë a ñucamaishi ꞌati ꞌain.

Romanos 12:19

ꞌËn xucë́antu, axa mimi nishcë uni camina mitsúnribi cupitima ꞌain, ësaía Nucën Papa Diosan bana cuënëo quicë cupí: “Uix cara ꞌuchaia a cana ꞌënbi usaribi oquin cupiti ꞌain”. Usa ꞌain camina unin mitsu ꞌatimocëxunbi, Nucën Papa Diosainshi ca cupiti ꞌicë quixun sinánti ꞌain.

Romanos 13:4

Nucën Papa Diosan ca ꞌapucaman camabi uníxa upiti bucunuan an ñu ꞌatima ꞌacë unicama, uisoquin cara ꞌati ꞌicë usoquin ꞌanun mëníocëxa. Usa ꞌaínbi camina ñu ꞌatima ꞌacë ꞌaish ꞌapumi racuë́ti ꞌain, uisa cara mi oti ꞌicë quixun sinani. Nucën Papa Diosan mëníosabi oquin ca ꞌapucaman an ñu ꞌatima ꞌacë unicama uisa cara oti ꞌicë usoquin ꞌaia.

Romanos 13:9

Nucën Papa Diosan bana cuënëo ca ësai quia: “Uni itsin xanubë camina ꞌitima ꞌain. Uni camina ꞌatima ꞌain. Unin ñu camina mëcamatima ꞌain. Minanma, bëtsi unin ñu minan ꞌiti camina cuëëntima ꞌain”. Ësai ënë banacama quicë ꞌaínbi ca bëtsi banaribi axa quicësa oquinra ꞌati ax ësai quia: “Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. Ënë bana quicësa oquin ꞌaquin camina bëtsi banacamaribi quicësa oquin ꞌain.

Gálatas 5:14

Nucën Papa Diosan bana ca quia: —“Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësa oquin ꞌacë ꞌixun camina bëtsi uni nuibati ꞌain, mix bërúancacësaribi oquin. Usoquin ꞌacë ꞌixun camina Nucën Papa Diosan bana raírinëxa quicësabi oquin ꞌacë ꞌiti ꞌain.

Gálatas 5:20

ꞌAnan ca ꞌaia, Nucën Papa Diosmi sinánquinma unin ꞌacë ñu rabiti, ñubë́ ꞌiti, bëtsibë nishánanti, cuamianani nishánanti, ñuñanánti, unimi pishui nishti, bënëtishi unimi nishti, anbi ñu ꞌacatsi quixun sináncë ꞌiti, ꞌimainun uni raíri, raíri unibë nishananquin amanu amanu sinánun sinánmiti, acamaribi.

Efesios 4:31

Usa ꞌain camina uinu ꞌicë unibëbi nishanantima ꞌain, uni itsimi camina xuamati nishtima ꞌain, unibë camina ñu canantima ꞌain, uni ñui camina ꞌatimati banatima ꞌain, uisa ñu cara ꞌatima ꞌicë a camina ꞌatima ꞌain.

Deuteronomio 32:25

ꞌImianan ka atun bëchikëkama ëma nëbë́tsibia manë xëtokën ꞌakëx bamanun ꞌimiti aín, usai ꞌikëbë ka xubunuax unikama ꞌitsaira rakuë́ti ꞌikën; usakëbë ka tuá atun bakë bëchikë ꞌimainun xanu chipashkama, uni xëni ꞌimainun tuá xúma akamabëbi rakuë́ti bërëi këñuti ꞌikën.

Deuteronomio 32:35

Anun usakin ꞌati nëtë ꞌikëbëtan kana anun uisakin karana ꞌaisatani usakin ꞌati ꞌain, anun ka a nëtë sënë́nkëbë ꞌatima okë ꞌiti ꞌikën. Anun usakin ꞌati nëtë ka ꞌurama ꞌikën, ¡ꞌIanan ka basimashi usai ꞌiti ꞌikën!

Colosenses 3:8

Usa ꞌain camina bëráma ꞌá ꞌixunbi ënë ñucamaribi ënti ꞌain: Bëtsi unibë nishánanti, ꞌimainun bënëtishi nishti, ꞌimainun bëtsi unibë ꞌatimonanti, ꞌimainun bëtsi unimi ꞌatimati banati.

Hebreos 10:30

Cananuna ꞌunanin, ësai ca Nucën ꞌIbu Dios quiacëxa quixun: “Uix cara ꞌuchaia, a cana ꞌënbi uisaira oquin carana ꞌati ꞌai usoquin ꞌati ꞌain”. Ësairibi ca quiacëxa: “Uinu ꞌicë ꞌën unicaman cara ꞌëx quicësabi oquin ꞌacëma ꞌicë a cana ꞌën uisa carana oti ꞌai usoquin ꞌati ꞌain”.

Santiago 2:8

Aín bana raírinëxa quicësoi ꞌicësamaira oi a bana quicësoi ꞌiti Nucën Papa Diosan banax ca ësai quia: “Mixmi upiti bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësabi oquin ꞌacë ꞌixun camina mitsun Nucën Papa Dios cuëëncësabi oquin ꞌain.

1 Pedro 2:1

Usa ꞌain camina Nucën Papa Diosnan ꞌixun ñu ꞌatimacama, cëmëti, uni paránti, nutsiti, unibë ñuiananti, acama ënti ꞌain.

1 Juan 4:21

Ënë bana ca Nucën Papa Diosan nu ꞌináncëxa: axa ami sináncë uni ax ca uni itsimiribi sinánti ꞌicën.