Levítico 19:12 - Kashibo-Kakataibo Biblia

¹² Unin asérabi ka kixun sinánun kamina ñu ꞌanuxma ꞌën anë ñui banatima ꞌain, usai banakin kamina ꞌëmi uni bananun ꞌimitima ꞌain, usai banakin kamina ꞌën anë ꞌatima oti ꞌain, ꞌëx kana min ꞌIbu ꞌain.

Levítico 19:12 Iomraidhean Croise

Salmos 15:4

an ñu ꞌatima ꞌati kuëënkë uni abi iskinma, Dios ishi rabia ashi nuibakë uni ꞌianan; uisa ñu kara ꞌakatsi kiaxa añu uisa ñu kara inúkinbi ꞌakë uni;

Éxodo 20:7

Min Dios ꞌikë min rabiti ꞌikë ꞌë sinanimabi kamina ꞌën anë ñui kitima ꞌain. Ax ꞌën anë ñui ꞌatimati banakë ax ka ꞌatima okë ꞌiti ꞌikën.

Jeremías 7:9

Mitsun kamina ñu mëkamanan uni ꞌanan, bëtsi unin xanubë ꞌianan, këmëishi anuxun bana mëníokë anuxun bëtsi uni ꞌuchonan, asérabi ñu ꞌakatsi kianan a rabikankë Baal rabikin sanuira ro xaroxuanan, mitsun usakin ꞌati ꞌikëmabi unínbia a rabinuxun ꞌakë dioskama a rabikanin,

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Santiago 5:12

ꞌËn xucë́antu, bëtsi banacama cuaquinbi camina ënë banaira sinánti ꞌain. Mitsux camina mitsun bana isa asérabi ꞌicë quixun unin cuanun —naitanbi cuamainun cana mi cain —quianan —menbi cuamainun cana mi cai —quitima ꞌain. Uisa ñubi cara, a ñui camina —cana asérabi mi cai —quiax quitima ꞌain. Usai quima camina asérabi banáinshi banati ꞌain, Nucën Papa Diosan mitsu ꞌuchotima cupí.