Levítico 19:11 - Kashibo-Kakataibo Biblia

¹¹ Bëtsi unin ñu kamina mëkamakantima ꞌain. ꞌIanan kamina këmëi bananan bëtsi unikamabë paránantima ꞌain.

Levítico 19:11 Iomraidhean Croise

2 Samuel 17:20

Usokin ꞌanbi ka Absalónnën xukëx atu nuibiani kuankë suntárukamax anu bëbakin xubu ꞌibun xanu a ñukákëxa: —¿Ënu kara Ahimaas ꞌimainun Jonatán ukëma ꞌik? —Kixuan ñukákëxunbi ka báko kikiani kuania kana isan —kixun xanun kakëxa. Usa ꞌain ka Absalónnën suntárukama barikinbi ꞌakasmabiani amiribishi Jerusalénnu rikiantëkëankëxa.

Salmos 116:11

Tëmërai bënëti kana ꞌëx ësai kiakën, kamabi unix ka ami katamëisama këmë ꞌikën.

Éxodo 20:15

Unin ñu kamina mëkamatima ꞌain.

Éxodo 20:16

Mibë ꞌikë unimi kamina ami këmëi banatima ꞌain.

Éxodo 20:17

Bëtsi unin xubu ꞌimainun anu ꞌikë aín ñukama kamina minan ꞌinun bisatantima ꞌain: usa ꞌixun kamina aín xanu an ñu mëëxunkë uni ꞌimainun an ñu ꞌaxunkë xanu aribi kuëëntima ꞌain, ꞌimainun kamina an ꞌarakakë ñuinakama, vaca ain asno akamaribi bisatantima ꞌain.

Levítico 19:10

ꞌAínbi kamina anu uvas ꞌapákë naë anua aín bimi bikin kamaira bitima ꞌain, ꞌimainun kamina menu pakëkë abi baritëkënbiankin bikinma ënti aín; a kamina uni ñuñumakama ꞌimainun bëtsi menu ꞌikë mibë tsókë unikaman binun ënti ꞌain. ꞌËx kana mikaman ꞌIbu Dios ꞌain.

Romanos 3:4

Ca usama ꞌicën. Uníxa aín quicësa oquin ꞌananbi cëmëti ꞌaínbi ca Nucën Papa Diosainshi asérabi camabi ax quiásabi oquin ꞌaia. Usa ꞌain ca Nucën Papa Dios ñui aín bana cuënëo ësai quia: Camabi unin ca ꞌunánti ꞌicën, min bana ca asérabi upí ꞌicë quixun. Asábi cara quixun ꞌunántisa tanquin isquinbi ca min ꞌacë ñu asábiira isquin unin —mix camina upí ꞌai —quixun ꞌunánti ꞌicën.

Efesios 4:25

Usai ꞌiquin camina cëmëquin uni parántima ꞌain. Camáxbi cananuna Cristonan ꞌain. Usa ꞌain camina abë banaquin min aintsicama asérabi banáinshi caquin parántima ꞌain.

Efesios 4:28

An ñu mëcamacë uni an ca usaquin ꞌatëcëntima ꞌicën. Usaquin ꞌatëcënquinma ca chiquíshquinma aín mëcënanbi upí oquin ñu mëëti ꞌicën, cupí bixun anun ñuñuma uniribi ꞌaquinti sinánquin.

Colosenses 3:9

Acama ëanan camina bëráma ꞌatimaquin sinan ꞌixunbi bërí Cristonën sináncësa oquinshi sináncanin. Usa ꞌaish camina cëmëi paranántima ꞌain.

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.