Levítico 19:10 - Kashibo-Kakataibo Biblia

¹⁰ ꞌAínbi kamina anu uvas ꞌapákë naë anua aín bimi bikin kamaira bitima ꞌain, ꞌimainun kamina menu pakëkë abi baritëkënbiankin bikinma ënti aín; a kamina uni ñuñumakama ꞌimainun bëtsi menu ꞌikë mibë tsókë unikaman binun ënti ꞌain. ꞌËx kana mikaman ꞌIbu Dios ꞌain.

Levítico 19:10 Iomraidhean Croise

Levítico 19:11

Bëtsi unin ñu kamina mëkamakantima ꞌain. ꞌIanan kamina këmëi bananan bëtsi unikamabë paránantima ꞌain.

Levítico 19:25

ꞌimainun kamina mapai achúshi bari ꞌikëbëtan bixun mitsun ñu ꞌapákë aín bimi piti ꞌain. Usokin ꞌakëbë ka mitsun ñu ꞌapákë aín bimi ꞌaisamaira ꞌinun bimiti ꞌikën. ꞌËx kana mitsun ꞌIbu Dios a ꞌain.

Levítico 19:9

Anúan mitsun ñu ꞌapákë biti nëtë ꞌikëbëtan bikin kamina, kamaira këñukin bitima ꞌain, ꞌimainun kamina baritëkënkin bikinmi tëxëokë a bitima ꞌain.

Levítico 23:22

Anun mitsun ñu ꞌapákë bikë nëtë ꞌikëbëtan sënë́onkin bixun kamina bikin ënkë a kamaira baritëkënbiankin bitima ꞌain. Ax ka uni ñuñuma ꞌimainun bëtsi menu ꞌikë uni mitsubë tsókë unikaman binun ënkë ꞌikën. ꞌËx kana Dios ꞌaish mikaman Dios a ꞌain.

Deuteronomio 24:19

Mitsun ꞌapákë ñu aín bimi bixunmi manuxun ëbiankë a bitsi kamina anu kuantëkëntima ꞌain; a kamina axa mitsubë tsókë bëtsi menu ꞌikë unikama a ꞌimainun papañuma tuá ꞌianan xanu raëmëkë kaman barikin binun ënti ꞌain, usakinmi ñuñuma unikaman binun ꞌaia ka Nukën ꞌIbu Diosan mitsun ꞌakë ñukama upí ꞌinun ꞌimiti ꞌikën.

Deuteronomio 24:20

Uínsaran karamina olivos kakë i aín bimi aceituna a bitsi anun kamina amiribishi aín pëñankama baritëkënbiankin aín bimi bikin tëokë a bitima ꞌain, axa aín pëñanu bërúkë aceituna a ka bëtsi menu ꞌikë uni mitsubë tsókë a ꞌimainun tuá papañuma abëtan raëmëkë xanukaman biti ꞌikën.

Deuteronomio 24:21

Uínsaran karamina mitsun uvas ꞌapákë bimia aín bimi bitsi anun kamina amiribishi bikin tëxëokëkama barikin bitëkëntima ꞌain; akamina bëtsi menu axa mitsubë tsókë a ꞌimainun tuá papañuma xanu raëmëkë atuan binun ënti ꞌain.

Jueces 8:2

Usai ꞌiabi ka Gedeónën kakëxa: —¿Mitsunmi ꞌën ꞌakësamaira okin ꞌakë a kaina sinaniman? Mitsúnmi ꞌitsamashi ꞌakë ax ka nun nu ꞌitsaira ꞌakë usamaira ꞌinunmi ꞌakankë ꞌikën.

Rut 2:2

Achúshi nëtën ka Rutnën aín ñe Noemí kakëxa: —ꞌË kaina an ñu ꞌapákë bikë unikaman bikin tëoia cebada ꞌapákë atu kaxú kuankin binun kara ꞌë bimitima ꞌikë istánun xutima ꞌain. Kixuan kakëxun ka asabika. —Kamina isikuanti ꞌain —kixun ain ñen kakëxa.