Levítico 16:6 - Kashibo-Kakataibo Biblia

⁶ ꞌAtankëxun ka vaca bëna bëkë a aín ꞌuchakë kupí xarokësa ꞌinun ꞌanan ka ꞌën aín ꞌuchakëkama mëníonan aín aintsi ꞌibukaman ꞌuchakë kupínribi ꞌati ꞌikën.

Levítico 16:6 Iomraidhean Croise

Job 1:5

Usakin ꞌakian anun timë́xun piti nëtë inuti sënëni sënë́nkëbëtan ka Jobnën aín bakë bëchikë bëbukama kuënxun, uinuxun kara ꞌati ꞌikë anu kuëënxun pë́karakëma ꞌaínshi nirutankëxun ñuina xarokin aín bëchikë achúshi achúshinëxa aín ꞌucha mëníokanun ꞌaxuankëxa. Ësokin ka Jobnën ꞌakëxa, ꞌën bëchikë bëbukamax sapika, ꞌatimakin Diosmi sinani ꞌuchaxa kixun sinánkin ꞌakëxa.

Levítico 16:3

Aarónën ka upíira kakë anua ꞌëbë banati anu atsínkin achúshi vaca bëna aín ꞌucha kupí buánan achúshi carnero ꞌë rabikin ꞌaímai këñutanun xaroti buánti ꞌikën.

Levítico 16:7

Usakin ꞌatankëxun ka cabra rabë́ aribi, ꞌë ꞌaxunkin anun ꞌëbë mëranani atsínti xubusa okin ꞌakë aín xëkuë ëman ꞌurama anuxun ꞌati ꞌikën;

Hebreos 7:27

Ax ca Levitan rëbúnqui ꞌicësai ꞌiáma ꞌicën. Atun ca camabi nëtën aín ꞌucha pain tërë́anan judíos unicaman ꞌuchacamaribi tërë́nun Nucën Papa Dios ñucáxunia, ñuina rëtancëxun xaroquin. Usama ca Jesús ꞌicën. Axbi ca camabi unin ꞌucha cupí ñuina rëxun xarocësa ꞌitánun bamatsianxmabi achúshitishi bamacëxa.

Hebreos 9:12

Tabernáculonu ꞌicë cata Upíira cacë, anua sacerdotenën cushicaman ꞌapun chivo ꞌimainun vaca bacë rëxun aín imi buan ꞌaínbi ca Jesucristo aín imi ꞌapati bamatancëx baísquiax, anuira Nucën Papa Dios ꞌicë anu cuancëxa. Anu ashiti cuan ꞌixun ca nun ꞌuchacama tërë́ncë ꞌaíshnu xënibua ꞌaínbi Nucën Papa Diosnan ꞌinun nu ꞌimia.

Hebreos 9:7

Acamax ca tabernáculo cata, anu pain atsínti, anuishi atsinia. Usa ꞌaínbi ca cata itsi, Upíira cacë, anu judíos sacerdotenën cushicaman ꞌapu axëshi camabi baritian achúshi oíshi atsinia. Anu atsínquin ca ꞌaracacë ñuinanën imi buania, aín ꞌuchacëñuan judíos unicaman ꞌuchacamaribi Nucën Papa Diosan tërë́nun quixun ánscaquin.