Levítico 16:21 - Kashibo-Kakataibo Biblia

²¹ bëkëbëtan ka ñuinanën maxkánu aín mëkën rabë́ nankin, kamabi Israel unikaman bana kuakinma ñu ꞌatima ꞌakë ꞌimainun atun ꞌuchakama ami chikínati ꞌikën. Usakin ꞌakëx ka chibun maxkánu a ꞌuchakama bërúti ꞌikën, usakin ꞌaxun ka achúshi uni anu uni ꞌikëma menu buanxun ëntanun kati ꞌikën.

Levítico 16:21 Iomraidhean Croise

Salmos 32:5

ꞌAínbi kana ꞌën ꞌakë ñukama këñun ꞌën ꞌuchakama mimi unpukinmaira chikinaxuankën; ꞌën ꞌuchakama mi chikinaxunti sinánkin kana usakin ꞌakën, ꞌaia kamina mix ꞌËn ꞌIbu ꞌixun ꞌën ꞌakë ꞌuchakama ꞌë mëníoxuakën.

Salmos 51:3

ꞌËn kana asérabi upíokin ꞌunanin min kakësokin ꞌaíma kana ꞌatima ñu ꞌai ꞌucha kixun; ꞌën ꞌuchakë ax ka ꞌën sinánnuax nëtë́tisama tania.

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Levítico 16:20

Usakin anuax ꞌëbë banati xubusa okin ꞌakë a mëua ꞌikë upí kakë akëñun anuxun ñuina xaroti akama pain mëníokin sënë́ontankëxuan Aarónën, chibu rëkëma a bitánun kakëxun bitsínkin,

Levítico 16:22

Kakëxun uanxuan ënkëx anu uni ꞌikëma menuax kuani nëtë́kiankin ka chibu an Israel unikaman ñu ꞌatima ꞌakë anu uni ꞌikëmaira me ruá panákë anuira buánti ꞌikën.

Romanos 10:10

Nun nuitu mëu, asérabi ca nun ꞌucha tërë́nti ꞌicë quixun sinani Jesucristomi catamëtia, ca Nucën Papa Diosan nun ꞌucha tërë́nquin nu upí isia. Usoquin an iscë́xnu —Jesucristo ax ca asérabi ꞌën ꞌIbu ꞌicë —quia ca Nucën Papa Diosan ainan ꞌinun nu ië́mia.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.