Levítico 16:18 - Kashibo-Kakataibo Biblia

¹⁸ chikíkiani kuanxun ka anuxun ñuina ꞌë xaroxunti aribi mëníoti ꞌikën. Vaca bëna aín imi ꞌimainun chibu imi a chukúmashi bitankëxun, ka anun i vaca manchansa okin ꞌakë aribi ꞌanan anuxun ñuina xaroti ꞌakë aribi buinarakin anun shiti ꞌikën,

Levítico 16:18 Iomraidhean Croise

Levítico 16:16

Usakian ꞌakëxun ka kata itsi upíira a mëníokin anua ñu upíshi ꞌati ꞌikëbi ꞌaíma ꞌatima ñu ꞌai ꞌuchakin Israel unikaman ꞌakëma ꞌimainun ñunshinakëkin ñu ꞌai ꞌuchakë akama mëníoti ꞌikën. Usaribi okin ka anuax ꞌëbë banati xubusa okin ꞌakë atu nëbëtsi ꞌikë ñu ꞌatima ꞌakëbëtan atun ꞌuchakaman ꞌatimokë ꞌikëbi aribi mëníoti ꞌikën.

Levítico 16:17

Usakin ꞌanun ꞌën kakëxun ꞌaia Aarón kata itsi upíira a ꞌukëmëu ꞌimainun ka ax pain sënë́ntamainun uíxbi xubusa okin ꞌakë anu kuantima ꞌikën. Usakin ꞌakin ain ꞌucha ꞌimainun aín xanu aín bakë bëchikë kamanan ꞌimainun kamabi Israel unikaman ꞌucha mëníotankëx,

Juan 17:19

Atun min bana upí oquin ꞌunánquin mix cuëëncësabi oquinshi ꞌanun cana ꞌën mix cuëëncësabi oquinshi ꞌain.

Hebreos 2:11

Jesús, an aín unicama Nucën Papa Diosan iscë́xa upí ꞌinun ꞌimicë a ꞌimainun an usaquin ꞌimicë unicama, acaman Papa ca Nucën Papa Dios ꞌicën. Usa ꞌain ca Jesús aín unicama sinani rabinima, atux ca ꞌën xucë́antu ꞌicë quia,