Levítico 16:16 - Kashibo-Kakataibo Biblia

¹⁶ Usakian ꞌakëxun ka kata itsi upíira a mëníokin anua ñu upíshi ꞌati ꞌikëbi ꞌaíma ꞌatima ñu ꞌai ꞌuchakin Israel unikaman ꞌakëma ꞌimainun ñunshinakëkin ñu ꞌai ꞌuchakë akama mëníoti ꞌikën. Usaribi okin ka anuax ꞌëbë banati xubusa okin ꞌakë atu nëbëtsi ꞌikë ñu ꞌatima ꞌakëbëtan atun ꞌuchakaman ꞌatimokë ꞌikëbi aribi mëníoti ꞌikën.

Levítico 16:16 Iomraidhean Croise

Levítico 16:17

Usakin ꞌanun ꞌën kakëxun ꞌaia Aarón kata itsi upíira a ꞌukëmëu ꞌimainun ka ax pain sënë́ntamainun uíxbi xubusa okin ꞌakë anu kuantima ꞌikën. Usakin ꞌakin ain ꞌucha ꞌimainun aín xanu aín bakë bëchikë kamanan ꞌimainun kamabi Israel unikaman ꞌucha mëníotankëx,

Levítico 16:18

chikíkiani kuanxun ka anuxun ñuina ꞌë xaroxunti aribi mëníoti ꞌikën. Vaca bëna aín imi ꞌimainun chibu imi a chukúmashi bitankëxun, ka anun i vaca manchansa okin ꞌakë aribi ꞌanan anuxun ñuina xaroti ꞌakë aribi buinarakin anun shiti ꞌikën,

Levítico 23:27

Mapai achúshi ꞌimainun rabë́ ꞌuxë ꞌirutankëxa mapai rabë́ nëtë ꞌirukë anun ka mitsun ñu ꞌatima ꞌakëkama tërënti nëtë ꞌiti ꞌikën. A nëtë ꞌikëbëtan kamina añu ñubi piima upiti samáti timë́xun ꞌë nanxunkë ñukama anuxunbi ꞌati ꞌakë anuxun xaroti ꞌain.

Juan 14:3

Mëníoxunbëtsini cana anumi ꞌëbë ꞌinun mitsu bitsi utëcënuxun ꞌain, ꞌëx anu ꞌicë anumi mitsux ꞌëbë ꞌinun.

Hebreos 2:17

Ësaquin nu ꞌaquinti cupí ax nusaribi uni ꞌixun, ñunshin ꞌatimanën ꞌapun tancëxun ꞌunánan paë tani tëmërati ꞌunan ꞌixun ca Jesusan aín unicama Nucën Papa Dios upí oquin ñucáxunia. Usa ꞌaish ca nun ꞌucha tërë́nux bamati cupí nusaribi uni ꞌiacëxa.