Jueces 9:5 - Kashibo-Kakataibo Biblia

⁵ anua ain papa Jerubaal tsóa Ofrá kakë ëma anu kuankëxa, kuanxun ka anuxun achúshi mapara chaiira anu unëxun setenta ain xukë́nkamaishi Abimélecnën ꞌamiakëxa. ꞌAmikëbë ka aín xukë́n ꞌanáka Jerubaalnën bëchikë Jotam kakë axëshi istirabanan unëakëxa.

Jueces 9:5 Iomraidhean Croise

1 Reyes 1:12

Usa ꞌain kamina ꞌën mi ësokin kamainun usakinbi ꞌati ꞌain, usakin mi ꞌakëbëtan ka mi ꞌimainun min tuá Salomón ꞌakantima ꞌikën.

1 Reyes 1:21

Usa ꞌaínbi ka, mixmi ꞌën bëchikë Salomónnëx ka ꞌapu ꞌiti ꞌikë kiaxmabi, ñukëbëtan ka Adoníasnën ꞌë këñunbi ꞌën tuá Salomón ꞌamiti ꞌikën.

Mateo 2:16

Usa ꞌain ca —an ñu ꞌunáncë unicaman ca ꞌë paránxa —quiax Herodes ꞌaisamairai nishacëxa. Nishquin ca an ñu ꞌunáncë unin ñuicë bana sinánquin Jesús isa rabë́ baritia aín bacë́ncë ꞌicë quixun sináncëxa. Sinánxun ca aín uni xuacëxa, camabi Belénu ꞌicë rabë́ baritiañu bëbu tuácama ꞌanan rabë́ baritiañuma bëbu tuácamaribi ꞌabianxun a ꞌurama ꞌicë ëmacamanuaribi bariquin cëñunun quixun.

Mateo 2:20

Iscëxun ca amiribishi cacëxa: —Niruquiani ca aín titacëñun a tuá bibiani amiribishi Israel nëtënu cuantëcëntan. An a tuá ꞌaisa tancë unicama ca bamaxa. Usa ꞌain camina cuantëcënti ꞌain.

Jueces 6:11

Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

Jueces 6:24

Ësokin kakëxun ka Gedeónën anuxun ñuina xaroti achúshi anubi ꞌatankëxun anuxun Nukën ꞌIbu rabikin xarotankëxun; “Nukën ꞌIbuinshi ka nu chuámarua ꞌimia kixun kakin anëakëxa. Anuxun ñuina xaroti Gedeónën ꞌa ax ka bëríbi anua Abiézernën rëbúnkikama ꞌikë Ofrá kakë ëma anu ꞌikën.”

Jueces 9:18

usa ꞌaínbi kamina bërí mitsux ꞌën papa ꞌimainun aín aintsikamami nishkin aín bakë bëchikë setenta unikama a maxá chaiira ꞌikë anuxun ꞌakan. Usokin aín xukë́nkama ꞌaxun kamina, xukënñuma uni ꞌakësokin Abimélec ꞌapu anëkan, ax ka Jerubaalnëa aín xanu an ñu mëëxunkë xanumi bakë bëchia ꞌaish mitsun aintsi ꞌikë kupíshi kamina usokin ꞌakan.

Jueces 9:2

—Nux kananuna aín aintsi ꞌibu ꞌain usa ꞌain kamina Siquem ënu ꞌikë unikama ësokin kakin sinanamiti ꞌain, usa ꞌain ka achúshi unixëshia ꞌapu ꞌimainun ka setenta Jerubaalnën bakë bëchikëkama ax achúshirabi ꞌapu ꞌitima ꞌikën.

Jueces 9:6

Usokian aín xukë́nkama ꞌakë ka Siquemnu ꞌikë unikaman ꞌimainun Bet-miló anu ꞌikë unikamanribi in papa tëmú Siquemnu ꞌikë anu ꞌimainun maxax chaiira ꞌaish upíira anu timë́xun Abimélec atun ꞌapu ꞌinun anëakëxa.