Jueces 9:2 - Kashibo-Kakataibo Biblia

² —Nux kananuna aín aintsi ꞌibu ꞌain usa ꞌain kamina Siquem ënu ꞌikë unikama ësokin kakin sinanamiti ꞌain, usa ꞌain ka achúshi unixëshia ꞌapu ꞌimainun ka setenta Jerubaalnën bakë bëchikëkama ax achúshirabi ꞌapu ꞌitima ꞌikën.

Jueces 9:2 Iomraidhean Croise

Génesis 29:14

Usakin ñuixuntankëxa sënënia ka Labánnëribi unánmikin kakëxa: Mix kamina asérabi ꞌën aintsi ꞌibu ꞌain, usa ꞌaish kamina ꞌën imibi ꞌain. Usa ꞌain ka Jacob ax aín kuku Labánën ꞌikënu achúshi ꞌuxë ꞌi bërúakëxa.

2 Samuel 19:13

Kanan ka Amasá aribi ësokin katánun kakëxa: “Mix kamina ꞌën ꞌaintsi ꞌIbu ꞌain, usa ꞌaish kamina bërí ꞌën suntárukaman kushi ꞌiti ꞌain, mix ꞌimainun ka Joab ax chikíkë ꞌiti ꞌikë kixun ka kamiakëxa. ꞌËn mi kakësokin ꞌaiama ka Diosan uisakin kara ꞌaisa tania usakin ꞌë ꞌatimoti ꞌikën.”

Efesios 5:30

Nux asérabi ainan ꞌaish ax cuëëncësabi oi ꞌianan ami catamëti abë achúshisa ꞌicë ca usoquin nu bërúanquin ꞌaquinia.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

Jueces 9:18

usa ꞌaínbi kamina bërí mitsux ꞌën papa ꞌimainun aín aintsikamami nishkin aín bakë bëchikë setenta unikama a maxá chaiira ꞌikë anuxun ꞌakan. Usokin aín xukë́nkama ꞌaxun kamina, xukënñuma uni ꞌakësokin Abimélec ꞌapu anëkan, ax ka Jerubaalnëa aín xanu an ñu mëëxunkë xanumi bakë bëchia ꞌaish mitsun aintsi ꞌikë kupíshi kamina usokin ꞌakan.

Jueces 9:5

anua ain papa Jerubaal tsóa Ofrá kakë ëma anu kuankëxa, kuanxun ka anuxun achúshi mapara chaiira anu unëxun setenta ain xukë́nkamaishi Abimélecnën ꞌamiakëxa. ꞌAmikëbë ka aín xukë́n ꞌanáka Jerubaalnën bëchikë Jotam kakë axëshi istirabanan unëakëxa.