Jueces 9:1 - Kashibo-Kakataibo Biblia

¹ Abimélec Jerubaal kakë uni aín bëchikë ax ka anua ain titan aintsikama ꞌikë Siquem kakë ëma anuax atubë banai kuankëxa kuanxun ka. Ësokin kakëxa:

Jueces 9:1 Iomraidhean Croise

Génesis 33:18

Usa ꞌain ka Jacob Padán-aram anuax ai uisaibi ꞌikëma chuámashirua Canaán menu bëbatankëx Siquem kakë ëma a ꞌukëmanan anu ꞌiti ꞌatankëx anu ꞌiakëxa.

Génesis 34:2

ꞌaínbi ka anu kuanxunbi Siquem aín kuëëntisa uni ꞌikë isakëxa, ax ka Hamor heveos uni aín bëchikë ꞌiakëxa, usa ꞌaish ka Hamor ax a menu ꞌikë unikaman ꞌapu ꞌiakëxa, usai anun kuënkëxun ka Siquemnën ñatanxun abë uxkin nënën mëakëxa.

2 Samuel 15:6

Ësokin ka kamabi israel unikama axa ñu ꞌatima ꞌanan nishanankë akamax mëníoxunun ꞌapubë banai kuankëxa, ësokin ꞌakin ka Israel unikama raíri ax isa ꞌapusama ꞌikë kixun paránkin ꞌatima okin sinánun ꞌimiakëxa.

1 Reyes 12:1

Usa ꞌain ka Roboam Siquemnu kuankëxa, kuankëbë ka kamabi Israel unikama anuxun atun ꞌapu ꞌiti anënux rikiankëxa.

1 Reyes 12:20

Usokëbë amiribishi abati Jerusalénnu kuantëkënkë kuankin ka Israel unikama Jeroboam kamabi uni timë́xun anua unun kixun kamiakëxa, kamikëx uax bëbakë ka atu achúshinën, mix kamina Israel unikaman ꞌapu ꞌiti ꞌai kixun kakëxa. Usakin anëkëbëbi ka Judánu ꞌikë unikama atux kuëënima Davidtan rëbúnkin achúshi ꞌapu ꞌiti kuëëankëxa.

1 Reyes 12:3

Usa ꞌain anu unun kamikëx uax, ka Jeroboam kamabi israel unikamabë anu kuanxun Roboam kakëxa:

Jeremías 18:18

Ësai ka unikama kiakëxa: “Bërí kananuna uisoxun karanuna an Dios kikë bana ñuikë Jeremías ꞌati ꞌai kixun sinánti ꞌain. Uinsaranbi ka nunu sacerdotekama an bana nu ñuixunti ꞌianan, an bana ꞌunánkë an nu ꞌësëti ꞌianan, an bana ñuikë unikama an Diosan bana nu ñuixunti akama nunu ꞌima ꞌitima ꞌikën. Usa ꞌain kananuna unikaman ꞌanun nun ꞌuchoti ꞌain. Usa ꞌain kananuna uisai kara ax kia abi aín bana tantima ꞌain.”

Jueces 8:31

ꞌImainun ka achúshi xanu Siquem kakë ëmanu ꞌikë an ñu ꞌaxunkë amiribi achúshi okin bakë bëchiakëxa, bakë bëchixun ka aribi Abimélec kakin anëakëxa.

Jueces 8:35

ꞌimainun ka an atu ꞌakinkë Jerubaal kanan Gedeón kakë uni ax ñukëma pain ꞌixuan atu ꞌakinkë a sinanima ain aintsi ꞌibukamabë nuibanani tsótima atubë nishanankëxa.