Jueces 8:18 - Kashibo-Kakataibo Biblia

¹⁸ ꞌAtankëxun ka Zébah ꞌimainun Salmuná ñukákëxa: —¿Uisa unibu kara mitsunmi Tabor kakë aín bashinua ꞌakë atux ꞌiakëx? Kixun ñukákëxun ka atun kakëxa: —Mi iskësabu ꞌianan ka atu achúshi achúshinëx ꞌapu iskëtinbu ꞌiaxa kixun ka atun kakëxa.

Jueces 8:18 Iomraidhean Croise

Salmos 89:12

ꞌAnan kamina aín tsipumi ꞌimainun aín rëbumi ꞌiti akamaribi unionan, kamina aín bashikama Tabor ꞌimainun Hermón aribi ꞌakën, usa ꞌikë ka anu tsókë unikaman mi rabi kuëënti ꞌikën.

Judas 1:16

A unicamax ꞌaisama ꞌixun ca uni raírinën ꞌacë ñu ꞌatimaquin ñuianan atux cuëëncësa oquinshi ꞌanan atux cuëëncësa oíshi ꞌiti sinania. Usa ꞌixun ca atúxbi cërúanan rabiacaquin, aín curíqui ꞌimainun aín ñu biti cupíshi abë upiti banaquinbi uni parania.

Jueces 4:12

Usaia aín bashi Tabor kakë anu kuankë a ñui kia ka Sísaranën Barac kuakëxa,

Jueces 4:6

Achúshi nëtën ka Déboranën Barac kakë uni Abinóamnën, Quedes kakë ëma achúshi anua Neftalí ñaká unikama bukukë anua katánun xukin ësokin kakëxa: Israelkaman ꞌIbu ꞌimainun ain Dios ax ka ësokinmi ꞌanun kiaxa: Aín bashi Tabor kakë anu kamina diez mil Neftalí ꞌimainun Zabulón unikaman suntáru anu timëti ꞌain.

Jueces 8:17

Usakin ꞌanan ka Penuelnu ꞌikë aín torre rurupanan anu ꞌikë ain unikamaribi ꞌakëxa.

Jueces 8:19

Usakian kakëx munuma kuënkëni ka Gedeón kiakëxa: —¡ꞌËn xukë́nanbi ka! ¡ꞌËn xukë́n ꞌibukama ꞌaxa! Asérabi ka Nukën ꞌIbu tsotia usa ꞌain ka atúxribi tsotia usa ꞌain kana ꞌën ribi mitsu bërí rëtëtsianma.

Jueces 8:5

Sikarakëxun ka Sucot ëmanu tsókë unikama Gedeónën atun ñu ñukákin kakëxa: ꞌëbë ukë suntárukama kamina ꞌaisamaira abë ꞌakanankë unikama nuibaëxax atsanxa usa ꞌain kamina mitsun ñu tani nanxun na pinun ꞌinánkanti ꞌain kixun kakëxa, nux kananuna madianita ꞌapu Zébah ꞌimainun Salmuná nui ꞌitsaira nibaixan.