Jueces 7:8 - Kashibo-Kakataibo Biblia

⁸ Usokin Diosan kakëxun ka Gedeónën aín patsan atun xubusa okin ꞌakë anua rikiantanun kixun xuakëxa; xukëxa rikiankëma ꞌaínshi ka amia atun ꞌumpax nikinkëkama a bianan atun carnero mancha aribi bixun atu xutankëx ka. Trescientos suntárukama kaískë a kamabëshi anua madianita suntárukama ꞌikë me sapan a inubiani kuanx a ꞌuri ꞌikankëxa.

Jueces 7:8 Iomraidhean Croise

Levítico 23:24

Ësokin kamina Israel unikama kati ꞌain: Mapai achúshi ꞌimainun rabë́ ꞌuxë ꞌikë anúan achúshi nëtë ꞌirutabakë anun kamina mitsux achúshi nëtë tantiti ꞌain, ꞌimainun kamina a nëtë upiti timë́xun a sinánkin pakon banoti ꞌain.

1 Corintios 15:52

Nuxnu bëriquicë usariishi cananuna bënëtishi aín manë banañua banocëbëishi bëtsi ꞌiti ꞌain. Usai ꞌi cananuna bama ꞌaish amiribishi bamatëcëntimoi baísquiti ꞌain. Usai ꞌimainun cananuna bamacëmacama nuxribi bëtsi ꞌiti ꞌain.

Josué 6:20

Usai ki Josué sënë́nkëbëtanshi ka aín carnero mancha banokankëxa. Bana oia kuatishi ka Israel suntárukamax, munuma kuënkëni sharati kikankëxa. Kikëbëshi ka ënën menma buinarakin ëma kënëarakë ax rurukubuakëxa. Usaia ꞌikëbë ami kikiani abákiani kuankin ami bëbarukin ëma ꞌibuakankëxa.

Josué 6:4

Usai ꞌikëbë ka mapai achúshi ꞌimainun rabë́ sacerdotekama atúnribi bunántisa okin ꞌakë, kurin ratakakakë anua Diosan bana kuënëokë ꞌarukë a buani kuankin achúshi achúshi unin a banoti ꞌakë carnero manchan, buámainun ka mapai achúshi ꞌimainun rabë́ nëtë sënë́nkëbë ëma ratanarati mapai achúshi ꞌimainun rabë́ oí kuainakëti ꞌikën, usaía ꞌimainun ka sacerdotekaman aín carnero manchan a banoti ꞌikën.

Jueces 6:33

Usakian ꞌan ka madianita unikama ꞌimainun amalecita unikama ꞌianan amiaxa bari urukëmiaxa ukë unikama, timëtankëx Jordán kakë baka sikarakëkianx Jezreel kakë me sapan anu ꞌikankëxa.

Jueces 7:7

Usokian ꞌakë ka Nukën ꞌIbun Gedeón kakëxa: Ënë trescientos suntárukama bëtainshi kana mitsu ië́mikin madianita suntárukama ꞌamiti ꞌain. ꞌAmainun ka aín patsan raírinëx aín ꞌitinubi rikianti ꞌikën.

Jueces 7:9

A imë́ ka Nukën ꞌIbun Gedeón kakëxa: “Ënuax kuanxun kamina madianitakama ꞌai kuanti ꞌain, ꞌën kana mitsunmi abë ꞌakanankin abámikin ꞌanun mitsu ꞌamiti ꞌain.