Jueces 7:5 - Kashibo-Kakataibo Biblia

⁵ Kakëxun ka Gedeónën aín suntárukama Diosan kakësabiokin ꞌumpax xëanun buánkëxa. Buánkë ka Nukën ꞌIbun kakëxa: An aín mëkënan bixun kamunan ꞌakësa okin ꞌumpax xëakë a kamina amo sëtë́nati ꞌain, ꞌanan kamina an rantipuruni tsóxun ꞌumpax ꞌakë aribi amo sëtë́nati ꞌain.

Jueces 7:5 Iomraidhean Croise

1 Reyes 17:13

Ësokin kakëxunbi ka Elíasnën kakëxa: —Kamina bamaiman usa ꞌain kamina rakuë́tima ꞌain. Kuantankëxun kamina ami ñuikë piti a ꞌai kuanti ꞌain. ꞌAínbi kamina ꞌë pain min ñuikë harina a pán chukúma ꞌitánun ꞌabëtsinkin bëxúnti ꞌain, usakin ꞌë pain bëxuntankëxun kamina minan ꞌanan min tuáribi pán ꞌaxúnti ꞌain.

Salmos 110:7

Usa ꞌain ka bainu ꞌikë xëxá ꞌumpax ꞌapu an xëati ꞌikën, xëakëxun ka ꞌumpax an kushinun ꞌimitëkënti ꞌikën.

Jueces 7:4

ꞌAínbi ka Nukën ꞌIbun Gedeón amiribishi katëkëankëxa: ꞌItsaira ka min suntárukama bërutëkëanxa. Usa ꞌain kamina ꞌumpax xëanun buánti ꞌain anuxun kana ꞌën uikamax kara mibë kuanti ꞌikë ꞌimainun uikamax kara kuantima ꞌikë a ꞌën mi kati ꞌain.

Jueces 7:6

An mëkënan bixun ꞌumpax xëakë ꞌimainun an tsóxun ꞌumpax xëakë akamax ka trescientos suntárushi ꞌinun bërúakëxa. Usa omainun ka aín patsanën rantipuruni tsóxun ꞌumpax xëakëxa.