Jueces 7:4 - Kashibo-Kakataibo Biblia

⁴ ꞌAínbi ka Nukën ꞌIbun Gedeón amiribishi katëkëankëxa: ꞌItsaira ka min suntárukama bërutëkëanxa. Usa ꞌain kamina ꞌumpax xëanun buánti ꞌain anuxun kana ꞌën uikamax kara mibë kuanti ꞌikë ꞌimainun uikamax kara kuantima ꞌikë a ꞌën mi kati ꞌain.

Jueces 7:4 Iomraidhean Croise

Génesis 22:1

Usa ꞌain ka Nukën ꞌIbu Diosan ꞌitsa baritia ami panatankëxun, Abraham karaisa ënima ami manutima asérabi sinania kixun tankin. Aín anën kuëankëxa, usakin kuënkëxun ka Abrahamnën kakëxa: —Ënu kana ꞌain ꞌën ꞌIbu.

Salmos 33:16

Uinu ꞌikë ꞌapuxi ka aín suntáru ꞌitsaira ꞌaínbi ië́tima, ꞌianan ka aín këru unixi aín kushínbi ië́tima;

Salmos 66:10

Mix nun Dios ꞌixun kamina, nukama uisai karanuna ꞌi isnuxun nu tankën, ¡usakin ꞌakin kamina manë uxua charokëxa upíira ꞌikësa usaribi ꞌinun ꞌimikin nu mëníokën!

Jueces 7:5

Kakëxun ka Gedeónën aín suntárukama Diosan kakësabiokin ꞌumpax xëanun buánkëxa. Buánkë ka Nukën ꞌIbun kakëxa: An aín mëkënan bixun kamunan ꞌakësa okin ꞌumpax xëakë a kamina amo sëtë́nati ꞌain, ꞌanan kamina an rantipuruni tsóxun ꞌumpax ꞌakë aribi amo sëtë́nati ꞌain.

1 Samuel 14:6

Anuxun ka Jonatánnën abëa kuankë aín uni kakëxa: —ꞌUkëmanan kananuna kuanti ꞌain, uinua karanuna uni ꞌaisama kamanuaxa ukë suntárukama a mërai anuishi kananuna bërúti ꞌain. Nux anun ꞌakamati ñu ka ꞌaíma ꞌikën, usa ꞌain ka Nukën ꞌIbun ꞌitsa unibëtanmabi, ꞌitsamara ꞌixunbi ꞌanun nu ꞌamiti ꞌikën.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”